Colosse 3:16 - Hawaii Pidgin Bible

¹⁶ Make all da stuff you know bout Christ come strong inside you guys. Use all da smarts you guys get fo teach each odda. Show each odda wat stay right an wat stay wrong. Sing an tell God “Mahalo plenny” from inside you, wit all kine songs, da kine Songs Fo God, da kine songs dat tell God Da One In Charge, an da kine songs dat God Spirit give us fo sing.

Colosse 3:16 ပူးပေါင်းရင်းမြစ်များ

1 Kings 3:28

All da Israel peopo, wen dey find out wat King Solomon wen tell cuz he da judge, dey get awesome respeck fo da King, cuz dey see how God help him fo know wat fo do, fo make shua da right ting happen.

1 Records 25:7

Wit dea ohana guys, dey all get training fo make da music fo Da One In Charge. Get 288 music guys.

Nehemiah 12:46

Was jalike da time David was King an Asaf was one a da prieses. Had one leada guy fo da singas, an dey make plenny songs fo tell God dat he da greates, an fo tell him “Mahalo!”

Job 23:12

I no go bag from wat he tell fo do. I lissen good wat he tell. Cuz I know az jalike rich kine stuffs he give me, An dass mo betta den da food I eat ery day.

Songs 119:11

Da tings you tell, I keep um inside me, Cuz dey real importan fo me. So den bumbye I no go do notting bad An go agains you.

Songs 119:54

I get plenny songs fo sing Bout da tings you tell me I gotta do, No matta wea I stay, hea inside da world.

Songs 138:1

Eh Boss! I like go all out Fo tell good tings bout you! In front all da odda gods, I goin sing bout you.

Songs 28:7

Da One In Charge, he da One make me strong, An he jalike one shield fo no mo notting hurt me. Inside I trus him. Da One In Charge wen give me powa. He wen help me, an I stay good inside. I like how awesome he stay Dass why I sing dis to him

Songs 32:7

You, you jalike one place Wea I can hide from trouble. You proteck me wen get hard time. You put peopo aroun me Dat yell plenny Cuz dey stay good inside, Cuz you wen get me outa trouble. (Time out fo da music.)

Songs 71:23

Wen I sing fo you, I goin yell cuz I stay real good inside. I goin go all out fo sing to you, Cuz you wen pay da price Fo get me outa trouble.

Smart Guys 14:8

Da peopo dat tink strait, Da smart stuff dey do is, Dey tink firs bout wat dey stay do. Da stupid head kine peopo wit attitude, Dey tink dey know wat fo do, But dey bulai ony dem.

Smart Guys 18:1

Da kine guy dat no like somebody tell him wat fo do Look ony fo da kine stuff he like. He no make um so notting bodda him Wen you talk to him bout wass smart fo him do.

Love Song 1:1

Dis, da bestes Solomon kine song.

Isaiah 10:2

Dey make da peopo dat no mo notting Fo no get help from da judge. Dey take away da rights From my peopo wen dey get hard time. Dey steal stuffs from da widows An da kids dat no mo faddah o muddah.

Isaiah 26:1

Dat time, goin get dis song fo us sing Judah side: Oua big town stay strong fo shua. Da One In Charge Keep us guys outa trouble. Jalike he da strong wall fo us guys An da extra wall outside oua big town.

Isaiah 30:29

But you Judah guys goin sing, Jalike you sing Da nite you make spesho fo God Befo one spesho religious kine ceremony. You goin feel real good inside Jalike wen peopo play da flute An go up da hill wea Da One In Charge stay. He jalike one solid Rock fo da Israel peopo.

Isaiah 5:1

I like sing one song fo da one I get love an aloha fo. I goin sing one song bout his grape field On top one hill dat get good groun.

Jeremiah 15:16

Wen I hear wat you tell, I lissen real good, Jalike I stay eat um up! All dat make me stay good inside, Make me like dance an sing. Cuz peopo know I stay tight wit you! Da One In Charge, you da God Ova All Da Armies!

Matthew 26:30

Jesus dem sing one song fo tell God “Mahalo,” an go da Olive Ridge.

Luke 2:51

So Jesus go back wit dem to Nazaret, an erytime he do wat dey tell um fo do. But his muddah no tell notting to nobody, but tink plenny bout um.

John 15:7

If you guys stay tight wit me, an stick wit da tings I stay tell you guys, den you guys can aks God fo wateva you guys like, an he goin do um fo you guys.

Rome 10:17

So den: Fo trus God, gotta lissen da tings he tell. An fo lissen wat God tell, firs gotta hear bout Christ.

Rome 15:14

My braddahs an sistahs, I know dis fo shua: you guys do good kine tings erytime. You guys get all da smarts you need. An you guys know how fo help each odda know da importan stuff.

1 Corint 14:15

So, wat I suppose to do, aah? I goin pray how I like pray inside, plus, I goin figga inside my head how I goin pray, same time. I goin sing fo God how I like sing inside, plus, I goin figga how I goin sing inside my head, same time.

1 Corint 14:26

Kay den, my braddahs an sistahs. Wen you guys come togedda, erybody get someting—one song bout God, o someting fo teach, o fo tell someting dat God like tell dat was secret befo time, o someting fo tell in diffren kine language, o dey can tell wat da odda peopo mean wen dey talk diffren kine language. Eryting dey do, gotta be fo make each odda come mo strong inside.

Efesus 1:17

Dis how I pray erytime: “God, you da Faddah fo Da One In Charge a us guys, Jesus Christ. You oua Faddah, an you stay awesome! I like fo you help da Efesus peopo fo know inside wat fo do. An show dem plenny bout Christ, fo dem know him mo betta.

Efesus 5:17

Az why, you guys betta tink befo you do stuff. Try fo undastan wat Da One In Charge like you guys fo do.

Efesus 5:19

Den you goin talk to each odda wit songs from da Bible, an songs bout God, an da kine song dat God Spirit give you. An you goin sing an play fo Da One In Charge cuz dass how you like do um.

Efesus 5:26

Christ do all dat fo make dem good an spesho fo God cuz jalike he wash um an clean um up inside wit watta. Da stuff Christ tell um, dass wat make dem come clean inside.

Colosse 1:28

We stay tell erybody bout Jesus. We tell dem how dey gotta live. An we use eryting us know fo teach dem, fo dem come mo strong inside cuz dey go all out fo stay tight wit Christ.

Colosse 1:9

Dass why we still yet stay pray fo you guys, from da firs time Epafras wen tell us how you guys stay. We tell God fo give you guys all da tings you guys need fo find out wat he like you guys do. Den you guys goin know wat fo do ery time, an God Spirit goin help you guys undastan da whole ting.

Colosse 4:6

Weneva you guys talk, no talk any kine—talk wit aloha. An no talk ony bout da junk kine stuff. Dass jalike food dat no mo taste. Talk bout da kine good stuff. Dass jalike food dat stay ono, cuz get salt fo taste! Eh! Good fo know how fo talk to any kine guy.

1 Tessalonika 1:8

Cuz a dat, not ony da peopo Macedonia an Akaia side wen hear da Good Stuff bout Da One In Charge, but all ova da odda places peopo wen hear dat you guys stay trus God. So us guys no need tell notting moa.

1 Tessalonika 4:18

So den, go give each odda dis kine good words, jalike I stay tell you guys now.

2 Tessalonika 3:15

But no make jalike you hate da guy. Mo betta, tell um he betta lissen cuz he yoa braddah.

1 Timoty 6:17

Tell da peopo dat get plenny money hea inside dis world fo no ack high makamaka, an fo no trus all da rich kine stuff dey get. Dey donno how much time all dat rich kine stuff goin stay. Mo betta dey trus God. He give us eryting fo make us stay good inside plenny.

2 Timoty 3:15

From small kid time, you know awready da tings da peopo from befo time wen write inside God Spesho Book, da Bible. You know dat dis stuff can make you come smart fo know how fo ack, an fo get you outa da bad kine stuff you do. Az why gotta trus God Spesho Guy Jesus Christ, an gotta stay tight wit him.

Titus 3:6

God wen sen his Spirit fo take charge a us guys to da max. He do dat cuz us Jesus guys, an Jesus da One dat get us outa da bad kine stuff.

James 1:5

If one a you guys donno wat fo do, aks God fo help you, fo give you da smarts you need! He no goin give you guys hard time. He goin help you guys. God give plenny to erybody, you know.

James 3:17

But da peopo dat get da kine smarts from God in da sky, main ting, dea spirit stay all clean inside. An notting bodda dem. Dey make good to erybody an make frenz wit erybody. Dey get pity fo you an give you chance. Erytime dey make good tings happen. Dey no make good ony to dea frenz. Dey ony tell wat dey mean an no ack.

James 5:13

Anybody ova dea by you guys get trouble? Good dey pray! Anybody feel good inside? Good dey sing to God!

1 John 2:14

I stay write to you small kids Cuz you guys know da Faddah fo real kine. I stay write to you faddah guys, Cuz you guys know da One dat stay from befo time. I stay write to you young guys, Cuz wat God tell stay inside you guys, an you guys strong, An you guys wen fight da Bad Guy, Satan, an win!

1 John 2:24

Make shua you guys stick wit wat you guys wen hear from da time you wen start fo trus Christ. If you guys stick wit dat, den you goin stay tight wit God da Faddah an wit his Boy too.

1 John 2:27

But you guys get powa from da Good An Spesho Spirit. He awready stay inside you guys, so you guys no need nobody fo teach you. God Spirit stay teach you guys bout eryting, an wat he teach stay true. He no bulai nobody. So, stay tight wit him, jalike he wen teach you guys fo do.

2 John 1:2

cuz da trut stay inside all us guys an goin stay wit us foeva!

Jesus Show 14:3

Dey sing one new song in front da throne, an in front da four tings dat stay alive an go ery place God go, an da older leadas. No mo nobody can learn da song, ony da 144,000 peopo on top da earth dat God wen pay da price fo get um back fo him, dey can learn um.

Jesus Show 15:3

Dey stay sing jalike Moses, da guy dat wen work fo God, an jalike God Bebe Sheep Guy. Dey sing: “God, you Da One In Charge! You Da God Dat Get All Da Powa. You do big an awesome stuff. You erytime do wass right an wass true. You da King fo all da diffren peopos foeva an eva!

Jesus Show 19:10

An I go down by da angel feets fo show him love an respeck. But he tell me, “No do dat! I ony one worka fo God jalike you an yoa braddahs an sistahs dat tell da trut bout Jesus. Show love an respeck fo God! Cuz da trut bout Jesus, dass wat make da guys dat talk fo God know wat fo tell.”

Jesus Show 5:9

Den dey sing one new song, dat tell: “You da One dat get da right Fo take da paypa, Broke da wax kine seal, An open um. Cuz dey wen kill you jalike one sacrifice. You wen bleed an mahke, Fo pay da price fo bring peopo back to God, From ery ohana, an language, an peopo, an country.