Colosse 3:1 - Hawaii Pidgin Bible

¹ God wen give you guys one new kine life, jalike he wen make you guys come back alive wit Christ. Now, Christ stay sitting up dea in da mos importan place by God right side. So den, go all out fo make importan da tings dat God like.

Colosse 3:1 ပူးပေါင်းရင်းမြစ်များ

Songs 110:1

Dis wat Da One In Charge Tell my boss, da king: “Sit down hea, my right side, Da place dat show I get plenny respeck fo you. Wait till I bring Da peopo dat stay agains you Fo you put yoa foot on top dem Fo show dat you da winna ova dem.”

Songs 16:11

You, you erytime show me Da way fo live fo real kine. Wen I stay wit you, I stay good inside to da max. Az nice, cuz I live nea you all da time!

Smart Guys 15:24

Da peopo dat undastan stuff, Dey goin go up an get da real kine life Cuz a da way dey live. Az how dey no goin end up Down inside da Mahke Peopo Place.

Teacha 10:2

Da guy dat know wat fo do erytime, he goin pick da right ting fo do, But da stupid guy goin pick da wrong ting fo do.

Matthew 22:44

“ ‘Da One In Charge, He tell my Boss, “Go come ova hea, sit down! Dis da importan place by my right side. Bumbye I goin make da peopo dat go agains you Go down ova dea in front you, Fo show dat you da winna ova dem.” ’

Matthew 26:64

Den Jesus tell um, “You da guy wen jus tell dat. I tell you guys dis too, bumbye you guys goin see me one mo time. I goin stay sit down on top da spesho place nex to Da God Dat Get All Da Powa, right dea on his right side. An I goin come back on top da clouds. Dass wen you goin see me one mo time. I da Fo Real Kine Guy.”

Matthew 6:20

Mo betta you guys do da good kine stuffs dass importan up dea inside da sky wea God stay. Ova dea da moth an da rus no can eat um up, an da steala guys no can broke inside yoa house an take um.

Matthew 6:33

Main ting, make God Da One In Charge a you, cuz he da King. Do da right ting jalike he do, an you guys goin get all da stuffs you need.

Mark 12:36

You know, God Good An Spesho Spirit wen tell David fo tell dis: “ ‘Da One In Charge, He tell my Boss, “Go come ova hea, sit down! Dis da importan place by my right side. Bumbye I goin make da peopo dat go agains you Go down in front you, Fo show dat you da winna ova dem.” ’

Mark 14:62

Jesus tell, “Dass me. Bumbye you guys goin see me, da Fo Real Kine Guy, stay sitting down on top da importan place by God dat get all da powa, right dea on his right side. An I goin come back on top da clouds in da sky.”

Mark 16:19

Afta Jesus Da One In Charge pau talk to dem, God take him up inside da sky, an he sit down in da mos importan place by God right side.

Luke 12:33

Sell eryting you get an give da money to da peopo dat no mo notting. Get da kine money bag dat no goin get puka. Make shua you get da importan kine stuff from God inside da sky, dat stay foeva. Da steala guy no can steal um ova dea, an da bugs no can eat um up.

Luke 20:42

Cuz David, he tell dis inside da Songs Fo God Book: “ ‘Da One In Charge Up Dea Inside Da Sky, He tell Da One In Charge a me, “Go come ova hea, sit down! Dis da importan place by my right side.

Luke 22:69

I da Fo Real Kine Guy. Afta dis I goin sit down da importan place by God right side. He da One dat get all da powa.”

Jesus Guys 2:34

Cuz David neva go up in da sky, but he tell, “ ‘Da One In Charge wen tell da one in charge a me: “Go come ova hea, sit down! Dis da importan place by my right side.

Jesus Guys 7:55

But da Good An Spesho Spirit take charge a him. He look up to da sky, an see how awesome God stay, an he see Jesus stay stan by da right side a God.

Rome 8:34

Eh! No mo nobody dat can tell God gotta punish his peopo. Cuz Jesus Christ, he da One wen mahke. An mo spesho den dat, he da One dat God make um come back alive afta he mahke. From dat time, he stay in da mos importan place, by God right side. Same time, Jesus da One dat stay tell God fo help us guys!

Rome 8:6

Da guy dat ony tink fo do da bad kine stuff his body like him fo do, az jalike he mahke inside awready. But da guy dat tink fo do wat God Spirit like him fo do, he stay alive fo real kine, an notting bodda him.

2 Corint 4:18

Az why we no look da kine trouble you can see. We look an tink bout da kine stuff you no can see. Da stuff you can see, ony goin stay short time. But da stuff you no can see, dat kine goin stay foeva.

Efesus 4:10

Da One dat come all da way down to da earth, he da same One dat go all da way up inside da sky. He go mo high den da sky fo show he da King fo eryting.

Efesus 5:22

Dat mean, you wifes, lissen real good yoa husban, jalike you lissen Da One In Charge.

Colosse 2:20

Jalike you guys wen mahke wit Christ, he wen take away da powa ova you guys dat da spirits inside da world had befo time. So how come you guys still yet stick wit da ol rules? Jalike you guys still yet stay hamajang da way you tink! How come you guys still yet stay lissen dem?

Colosse 3:2

Tink plenny bout da tings dat God like. No make one big deal bout da tings down hea inside da world.

Hebrews 1:13

God neva tell dis to da angel guys, but he tell dis to his Boy: “Go come ova hea, sit down! Dis da importan place by my right side. Bumbye I goin make da peopo dat go agains you Go down in front you, Fo show dat you da winna ova dem.”

Hebrews 1:3

God Boy, he show how awesome God stay, Jalike wen da sun stay shine in one mirror. He stay same same jalike his Faddah, Same same jalike one picha Fo show how da Faddah stay fo real kine. Da tings God Boy tell, get choke powa Fo make eryting hang togedda. Afta he pau throw out da bad kine stuff da peopo do Fo dem come clean inside, He go sit down up ova dea in da sky, On da right side nex to God Da Awesome King. Dass da spesho place fo show how importan he stay.

Hebrews 10:12

But dis pries I stay talking bout, Christ, he wen make da sacrifice fo da bad kine stuff dat one time. Den he go sit down ova dea by God, on da right side, da place wea da mos importan guy suppose to sit.

Hebrews 12:2

Da whole time us guys stay run da race, we look at one guy ony, dass Jesus. He da One dat help us start fo trus God, an da One dat help us fo trus God to da end. Wen he wen suffa on top da cross, he hang in dea. Neva bodda him dat dey make him come shame. He do dat cuz he know dat bumbye he goin come real good inside. An in da end, he sit down in da mos importan place, by God throne, on da right side.

Hebrews 8:1

So, all dis stuff I stay tell you guys, dis da main ting: Us guys get da Main Pries dass perfeck. Dass Jesus. He da One dat sit down in da mos importan place, by da right side a da throne wea God Da Awesome King stay up dea inside da sky.

1 Peter 3:22

Jesus wen go back inside da sky, an he stay ova dea in da mos importan place, by God right side. Get all da angel guys, da leada guys, an da guys wit powa, an dey all gotta do wat he tell um fo do.