Colosse 2:3 - Hawaii Pidgin Bible

³ Ony wen you stay tight wit Christ, he give you all da smarts you need, an he teach you how fo use da smarts fo do good kine tings. An dese smarts jalike one treasure!

Colosse 2:3 ပူးပေါင်းရင်းမြစ်များ

1 Kings 3:28

All da Israel peopo, wen dey find out wat King Solomon wen tell cuz he da judge, dey get awesome respeck fo da King, cuz dey see how God help him fo know wat fo do, fo make shua da right ting happen.

Job 28:21

Eryting dat stay alive, no can see da place. Even da birds in da sky no can.

Smart Guys 2:4

Try hard fo find out, Jalike you was looking fo silva, O fo da kine treasure dat stay bury inside da groun.

Isaiah 11:2

Da Spirit from Da One In Charge goin stay in charge a dat guy. Dat Spirit from Da One In Charge Goin make him know wat fo do erytime, An make him undastan plenny stuff. Dat Spirit goin make him know Wass good fo him do ery time, An give him plenny powa. Dat Spirit goin help him know plenny stuff, An get choke respeck fo Da One In Charge.

Isaiah 40:14

You tink get somebody Da One In Charge wen aks him wat fo do, An da guy help Da One In Charge fo undastan stuff?! Nah, no mo nobody! You tink get somebody Wen teach Da One In Charge da right way fo judge wass right an wass wrong, O wen teach him bout da world?! Who help him know how fo undastan stuff?! No mo nobody lidat!

Matthew 10:26

“No sked dem. Da tings dey cova an hide, erybody goin know an see um.

Luke 11:49

Dass why God know wat he talking bout wen he tell, ‘I goin sen um guys dat talk fo me, an guys I sen all ova fo tell da Good Stuff, an dey goin kill some, an make oddas suffa.’

Rome 11:33

Ho, God! He unreals smart! God, he know how fo use all his smarts! An he know eryting! No mo nobody undastan how he make up his mind! No mo nobody can figga out how come God do wat he do! Jalike da Bible tell befo time:

1 Corint 1:24

But get odda peopo, some a dem Jew guys an some a dem Greek guys, dey da ones God tell fo come be his peopo. Fo dem, Christ show um dat God get plenny powa an he know wat fo do erytime.

1 Corint 1:30

You guys know how come you stay tight wit Jesus Christ? Az cuz God like um fo be lidat, dass why! God, he make Jesus da One fo make us guys know wat fo do erytime. An Jesus make us get um right wit God, an stay spesho fo God, an hemo us guys from da powa da bad kine stuff wen get ova us!

Efesus 1:8

God erytime go all out fo us guys. He know how eryting stay, an he know da right tings fo do.

Colosse 1:19

God stay good inside, cuz how he stay, stay all inside Jesus too.

Colosse 1:28

We stay tell erybody bout Jesus. We tell dem how dey gotta live. An we use eryting us know fo teach dem, fo dem come mo strong inside cuz dey go all out fo stay tight wit Christ.

Colosse 1:9

Dass why we still yet stay pray fo you guys, from da firs time Epafras wen tell us how you guys stay. We tell God fo give you guys all da tings you guys need fo find out wat he like you guys do. Den you guys goin know wat fo do ery time, an God Spirit goin help you guys undastan da whole ting.

Colosse 3:16

Make all da stuff you know bout Christ come strong inside you guys. Use all da smarts you guys get fo teach each odda. Show each odda wat stay right an wat stay wrong. Sing an tell God “Mahalo plenny” from inside you, wit all kine songs, da kine Songs Fo God, da kine songs dat tell God Da One In Charge, an da kine songs dat God Spirit give us fo sing.

Colosse 3:3

Now God take kea you guys, cuz jalike you guys wen mahke wit Christ, but now you guys stay tight wit him an you get da real kine life.

2 Peter 1:5

Az why, I like you guys go all out fo do good tings erytime fo show dat you stay good inside. But no stop dea. You guys trus Jesus awready. But no stop dea. Know about all kine stuff mo an moa.

Jesus Show 2:17

“If you guys can hear dis, you betta lissen, an go do wat God Spirit stay tell da church peopo fo do!” Erybody dat fight an win ova da bad kine stuff, I goin give um some a da manna kine bread fo eat Dat God wen hide fo dem befo time. An I goin give um one white stone Wit one new name Dat God wen write on top um. Da guy dat get dat name, He da ony one goin know um.