Colosse 2:2 - Hawaii Pidgin Bible

² I like give dem guys good kine words fo dem come togedda wit love an aloha. Den dey goin know fo shua dat dey undastan all dat good stuff. Dey goin find out eryting bout da secret God get fo us. An dass Christ!

Colosse 2:2 ပူးပေါင်းရင်းမြစ်များ

1 Kings 3:28

All da Israel peopo, wen dey find out wat King Solomon wen tell cuz he da judge, dey get awesome respeck fo da King, cuz dey see how God help him fo know wat fo do, fo make shua da right ting happen.

Songs 133:1

Good, you know, Wen all da braddah guys Stick togedda jalike dey one. Dass goin make erybody Feel real good inside.

Isaiah 32:17

An cuz peopo stay do wass right, Dat goin make tings come good fo erybody. An wen dey stay do wass right Dey goin stay quiet an trus God all da time.

Isaiah 40:1

Dis wat yoa God tell you guys: “Make my peopo come so notting bodda dem! Help um feel good inside!

Isaiah 53:11

Afta da guy dat work fo Da One In Charge Work real hard an suffa plenny, He goin see wat happen cuz a all dat, An he goin feel good inside. Da One In Charge tell, “Cuz my worka guy know wat he stay do, An cuz he do da right ting erytime, He goin make plenny peopo Get um right wit me. Az cuz he da one take da blame Fo all da bad kine stuff dose peopo do.

Jeremiah 9:24

But anybody like talk big, Good he talk big bout dis, Dat he undastan me an know me, Cuz he know dat me Da One In Charge, An I help peopo stay tight wit me, An judge da right way erytime, An do da right kine ting inside da world. Cuz da kine peopo dat make lidat, Make me stay good inside!” Az wat Da One In Charge tell.

Matthew 11:25

Dat time Jesus tell, “God, you my Faddah. You Da One In Charge all ova da sky an da world. Mahalo plenny, eh, cuz you show dis kine stuff to da kids, but hide um from da smart guys dat know plenny.

Matthew 11:27

Den Jesus tell dem, “My Faddah in da sky give me eryting, you know. I his Boy, an az why he do dis. Nobody know me jalike my Faddah know me. An nobody know my Faddah fo real kine, ony me, I know him, cuz I his Boy. An da Boy da one dat pick da peopo he like show da Faddah to dem.

Matthew 13:11

He tell, “God let you guys know all da stuff bout how he stay king in da sky. But da odda guys, he no let dem know all dat kine stuff.

Luke 1:1

Aloha, my fren Teofilus! Plenny guys wen write down da tings dat wen happen wit us guys.

John 10:30

Me an my Faddah, we stay one.”

John 10:38

But I stay do wat my Faddah like me fo do. So, no matta you guys no trus me, trus ony da stuff I do. Den you guys goin know an undastan dat my Faddah stay tight wit me, an I stay tight wit my Faddah.”

John 16:15

Eryting my Faddah get, dass mines too. Dass why I tell, God Spirit goin take all da true stuff bout me, an show you guys wat dat mean.

John 17:3

Dis wat da kine life mean dat stay fo real kine foeva: dat da peopo dat get dat kine life know you, da ony God dass fo real, an dat dey know me too, Jesus Christ, da Spesho Guy You Wen Sen.

John 5:17

So Jesus tell dem, “My Faddah still yet stay do da kine good tings, an I do da same ting too.”

John 5:23

My Faddah like erybody get respeck fo me, cuz I his Boy, jalike dey get respeck fo him. Whoeva no mo respeck fo me, cuz I his Boy, dey no mo respeck fo my Faddah dat wen sen me hea.

John 6:69

An us guys trus you, cuz we know dat you da Good An Spesho One from God.”

Jesus Guys 4:32

All da peopo dat trus God come togedda jalike inside dey all one, da way dey tink an da way dey feel. Nobody tell dat dea stuffs stay ony fo dem, but dey share eryting dey get wit each odda.

Rome 15:13

I like you guys stay real good inside an notting bodda you cuz you trus God. Him da God dat make you guys stay shua bout wat goin happen bumbye, fo eryting come out good kine. Den da Good An Spesho Spirit goin make you guys mo strong fo wait fo wat God goin do fo you guys bumbye.

Rome 16:25

God get da powa fo make you guys stan strong. Dass wat da Good Kine Stuff From God tell, an dass wat I teach odda peopo, wen I tell um bout Jesus Christ. God show all us guys all da stuff bout Christ dat da peopo from befo time neva know cuz was one secret.

Rome 2:4

God get plenny good heart fo you, an he stay hang in dea an wait fo you. An den, you make jalike dass notting? You no tink he like you come sorry an no do da bad kine stuff no moa, o wat?!

1 Corint 14:31

All you guys can talk fo God, firs one guy den anodda, you know. If you do um lidat, all you guys goin learn someting, an all you guys goin get good kine words fo feel mo betta.

1 Corint 2:12

Da spirit us guys get inside us, az not da same spirit dat da peopo inside da world get. We get da Spirit dat come from God, cuz God like us know all da good kine stuff he give us guys.

Galatia 3:28

Now, no matta Jew o not one Jew, slave o not one slave, guy o wahine, you guys all same same cuz you stay tight wit Christ.

Efesus 1:7

No matta us guys broke da Rules from God, still yet Christ da One dat wen go bleed an mahke fo us. Christ cut us loose from da powa da bad kine stuff get ova us. He hemo oua shame cuz he like do plenny good kine stuff fo us, an cuz we stay tight wit him.

Efesus 3:16

an da real Faddah stay plenny awesome! He get eryting us need! Az why I like fo him sen his Spirit fo give you guys da powa fo come mo strong inside.

Efesus 3:3

God show me da secret stuff dat nobody figga out befo time, jalike I write um down litto bit awready.

Efesus 6:22

Dass why I goin sen him by you guys fo you guys know how we stay ova hea, an fo him give you guys good kine words.

Philippi 2:1

Cuz all us guys stay tight wit God Spesho Guy Christ, you know he give us plenny good kine words. He show love an aloha fo us guys, so we no need stay sad inside. God Spirit help us all come togedda. An we all feel aloha an pity fo each odda fo real kine.

Philippi 3:8

But you know wat? I tink eryting ony wase time. Cuz now, I know fo real kine Da One In Charge a me, Jesus Christ! An dass mo betta! I wen lose eryting cuz I his guy, you know. An I figga, all dat kine stuff I jus wen talk bout, ony bullshit! Cuz I like come real tight wit Christ.

Colosse 1:26

From da firs time dat had peopo on top dis earth, weneva dey hear wat God tell, dey no undastan um, jalike get stuff dat stay secret. But now, he let da peopo dat stay spesho fo him see um an undastan um.

Colosse 1:27

God wen like make his peopo know all da stuff dat was secret befo time. Dat secret stay real awesome fo all da diffren peopos all ova da world. Dis da awesome secret: Christ stay tight wit you guys, an dass how you guys goin stay shua dat he goin do all dis awesome stuff fo you guys, dass mo betta den good, an dass wat we stay wait fo.

Colosse 1:9

Dass why we still yet stay pray fo you guys, from da firs time Epafras wen tell us how you guys stay. We tell God fo give you guys all da tings you guys need fo find out wat he like you guys do. Den you guys goin know wat fo do ery time, an God Spirit goin help you guys undastan da whole ting.

Colosse 2:19

Dey no stay tight wit Christ. But Christ, he stay in charge a his peopo, jalike da head stay in charge a one body. He make his peopo come erytime mo strong inside, da way God like make um come mo strong. Dass jalike how da muscle an da bone work togedda fo make da body mo strong.

Colosse 3:14

On top all dese tings, put on plenny love an aloha fo erybody cuz wen you do dat, dat make all da odda stuff come togedda perfeck.

Colosse 4:3

Eh, pray fo us guys too. Go aks God fo give us chance fo tell da peopo wat he tell. Den we can tell um da stuff dat befo time was secret bout Christ. You know, I stay hea inside da prison cuz I stay tell peopo all dat kine stuff.

Colosse 4:8

Dass why I stay sen um by you guys, so you guys know how we stay, an he goin give you guys good kine words.

1 Tessalonika 1:5

Dat time us guys wen tell you guys da Good Kine Stuff From God, was mo den jus talk, you know. Da Good An Spesho Spirit from God wen give us guys plenny powa, an make us guys know fo shua dat da stuff we stay tell you was fo real. You guys know wat us guys was like fo real kine wen we wen stay wit you guys. An we wen make lidat cuz we get plenny aloha fo you guys, az why.

1 Tessalonika 5:14

My braddahs an sistahs, we beg you guys fo do dis: Da guys dat no like work, tell um dey betta work. Da guys dat tink dey nobody, give um good kine words. Kokua da guys dat not strong inside. Hang in dea wit erybody, an no get huhu.

1 Timoty 3:16

We all tell dis: Da stuff bout God, dat befo time was secret, dass importan fo real kine. Christ wen come, Wit one body jalike us. God Spirit wen show proof dat Christ stay right. Da angel guys from God wen see him. His guys wen teach Da diffren peopos all ova da world bout him. Get peopo inside da world dat trus him. God wen take him back To da awesome place inside da sky.

Hebrews 10:22

Az why, us guys goin come tight wit God. Inside, we goin like do wass pono an go all out fo trus God. Cuz God know dat all da bad kine stuff inside us no mo awready. Dass jalike he wen sprinkle us guys clean inside, an wash oua bodies clean wit clean watta.

Hebrews 6:11

Same ting, now we like all you guys fo show dat you guys go all out jalike befo time. Den you guys goin hang in dea fo shua, an know fo shua dat God goin do eryting he wen promise fo do.

2 Peter 1:10

So den, my braddahs an sistahs, go all out mo den befo time fo show dat God wen pick you guys. He wen tell you fo come be his guys, an you guys wen do um. Now, make shua you guys live lidat. Den you guys no goin come all jam up, eva.

2 Peter 1:3

Jesus get da kine powa ony God get. Az how he wen give us guys eryting we need fo live to da max fo real kine, da way God like us fo live. An God do dat fo help us guys know him mo betta, an az worth plenny. He da One dat wen tell us fo come be his guys! He tell dat cuz he real awesome an real good.

2 Peter 3:18

Mo betta you guys come mo an mo strong inside. Cuz you know, Da One In Charge a us guys, Jesus Christ, he da One dat goin take us guys outa da bad kine stuff we stay in. He like do plenny fo you guys, an he like you guys know him mo betta. I like erybody tell awesome kine tings bout Jesus, now an foeva! Right on!

1 John 3:19

So, wen us guys get da real kine love an aloha, den we know dat we stay stick wit wass true. We stay shua dat eryting stay okay now, da way God see us.

1 John 5:7

So, get three tings dat tell da trut bout Jesus,