Census 8:6 - Hawaii Pidgin Bible

⁶ “Go take da Levi ohana guys from da odda Israel peopo, an make um come spesho fo me, fo dem come in front me.

Census 8:6 ပူးပေါင်းရင်းမြစ်များ

2 Records 29:11

Eh my boys, no foget yoa kuleana now. Cuz Da One In Charge wen pick you guys fo stan in front him an do his work, fo come his worka guys an fo burn up da sacrifices.”

Outa Egypt 19:15

Moses tell um, “Make ready fo da day numba three. You guys, no go sleep wit one wahine.”

Isaiah 52:11

Get away! Get away! Get outa Babylon! No touch notting dat not spesho fo Da One In Charge! Get outa dea! Make shua you clean fo go inside da Temple fo pray! Dass cuz you guys stay carry da tings fo Da One In Charge Dat go inside da Temple.

Prieses 14:11

Da pries guy dat tell dat da guy ready fo come in front me, gotta bring da guy an da sacrifice animals in front me wea peopo go inside da open lanai fo da Tent Wea Da Peopo Come Fo Meet Me.

Malakai 3:3

Da messenja guy goin make jalike da guy Dat melt da silva fo take out da junk stuff. Da guys dat come from Levi, He goin make dem come all clean inside. He goin throw out all da junk kine stuff inside dem, Jalike he melt da gold an silva fo burn up da junks. Den, da Levi peopo goin be da ones Dat make da sacrifices fo Da One In Charge. Cuz den, dey goin be da kine peopo Dat stay do da right ting.

Census 3:6

“Bring da Levi peopo togedda, an line um up in front Aaron da pries guy, cuz dey goin be his helpa guys.

Census 8:5

Da One In Charge tell Moses:

2 Corint 7:1

My frenz, we get all dis stuff God wen promise us. Dass why us guys gotta clean out all da bad kine stuff dat make us pilau inside o outside, an go all out fo come clean an spesho fo God fo real kine, cuz we get real plenny respeck fo him jalike we sked him.

Rules Secon Time 10:8

Dat time Da One In Charge make da Levi ohana guys spesho fo him, cuz dey goin carry da Box Fo No Foget Da Deal Wit Da One In Charge. He tell da Levi ohana guys fo stan in front him an make one sacrifice fo him too, an fo pray to God cuz dey his guys, an he do good tings fo dem. An da Levi ohana guys still yet do all dat today.

James 4:8

So, come close to God, an he goin come close to you. Eh, you guys dat stay do da bad kine stuff—go clean up inside! You guys dat stay ack jalike you get two brain, you gotta make shua you all clean fo God!