Census 4:14 - Hawaii Pidgin Bible

¹⁴ Den on top da cloth, dey goin put all da stuff dey use fo da altar kine work—da pans fo da fire, da meat forks, da shovels, an da bowls fo sprinkle da blood. On top dat dey goin spread dolphin skins, an put da poles fo carry da altar in dea place.

Census 4:14 ပူးပေါင်းရင်းမြစ်များ

2 Records 4:19

An Solomon make all kine tings da pries guys use inside da Temple Fo God: da gold altar, da tables fo da bread dey put in front God,

Outa Egypt 27:1

“Make one altar outa koa wood. Make um 7 feet 6 inch square, an 4 feet 6 inch high.

Outa Egypt 27:3

Use bronze metal too fo make da buckets an da shovels dat you goin use fo take away da ashes afta you burn da fat. Same ting fo da bowls, da hooks fo move da meat, an da pans fo carry da fire.

Census 4:13

“Dey goin take out da ashes from da big bronze altar, an spread one spesho purple kine cloth ova da altar.

Census 4:15

“Afta Aaron an his boys pau cova all da tings dat stay spesho fo me, an all da tings dey use wit um, an da peopo stay ready fo move camp, da Kohat ohana guys goin come fo carry um. But dey no can touch da tings dat stay spesho fo me, o dey goin mahke. Dass all da tings da Kohat ohana guys goin carry from da Tent Fo Come Togedda Wit Me, Da One In Charge.

Census 4:6

Den dey goin cova dat wit da dolphin skin. An dey goin cova dat wit da spesho kine blue cloth, an put da poles fo carry da Box wea dey suppose to go.