Census 35:31 - Hawaii Pidgin Bible

³¹ “No take money fo let go somebody dat wen kill anodda guy, an he suppose to mahke fo dat.

Census 35:31 ပူးပေါင်းရင်းမြစ်များ

2 Samuel 12:13

David tell Nathan, “Was real bad, dis ting I wen do agains Da One In Charge!” Nathan tell, “An Da One In Charge, he let you go awready fo da bad ting you wen do. You no goin mahke from dis.

2 Samuel 21:4

Da Gibeon guys tell, “Da problem us guys get wit Saul an his ohana, no can fix um wit silva o gold. An us guys no mo da right fo kill one Israel guy fo pay back you guys fo da Saul ohana.” David tell, “Kay den. Wat you guys like me do fo you guys?”

Songs 51:14

Eh God! Let me go, an hemo my shame, Cuz I wen set up one guy fo mahke! Eh God! You my God, Da One dat get me outa trouble! Az why I can make big noise An let erybody know Bout how you erytime Do da right ting!

Outa Egypt 21:14

But wen one guy ony like fo kill anodda guy, an he bulai da guy an kill um, den no matta da killa guy stay right dea by my altar, take um away an kill um.

Ezekiel 16:38

I da judge, an I goin punish you Jerusalem peopo. I goin punish you jalike da Rules tell fo da wahines dat fool aroun da guys dey no stay married to, an da wahines dat kill peopo. Dat mean, you goin bleed an mahke. Cuz I stay real huhu wit you, jalike one jealous husban.

Prieses 24:17

“If somebody kill one guy o wahine, you guys gotta kill him.

Census 35:17

O if somebody get one stone inside his hand dat can kill, an he wack somebody wit um so da guy mahke, he one killa guy. You gotta kill da guy dat kill anodda guy.

Census 35:30

“Whoeva kill somebody gotta mahke cuz he kill um, but ony wen odda guys can tell da judge wat dey wen see happen. But no mo nobody gotta mahke if ony one guy tell wat he see happen.

Census 35:32

“No take money fo let go somebody dat wen run by one City A Refuge town fo stay afta he kill somebody. No can let um go back an stay on top his land befo da Main Pries Guy mahke.

Rules Secon Time 27:24

“Da Levi guys goin tell: ‘God goin punish anybody dat murda one guy an nobody know he murda um!’ “All da peopo goin tell: ‘Az right!’