Census 35:20 - Hawaii Pidgin Bible

²⁰ If somebody hate somebody an tink bout how fo kill um, an push da guy o throw someting at him fo him mahke,

Census 35:20 ပူးပေါင်းရင်းမြစ်များ

Start 4:5

But Da One In Charge like Abel mo den Cain, an he neva kea fo da present Cain wen give him. So Cain come plenny huhu, an look mad.

Start 4:8

Laytas, Cain tell his braddah Abel, “Eh! We go country side!” Wen dey ova dea, Cain murda his braddah Abel.

2 Samuel 13:22

Absalom neva tell notting to Amnon, good o bad. But he hate Amnon cuz he wen make dea sistah Tamar come shame.

2 Samuel 20:10

Amasa no watch out fo da knife inside Joab lef hand, an Joab stab him in da belly, an his guts come out on top da groun. Joab no stab him one mo time cuz Amasa almos mahke awready. Den Joab an his braddah Abishai go afta Sheba, Bikri boy.

2 Samuel 3:27

Wen Abner come back Hebron side, Joab take him inside one small security guard room by da gate. He make jalike he like talk to Abner, jus dem two inside one quiet place. But fo pay back Abner fo kill Joab braddah Asahel, Joab stab Abner in da belly, an he mahke.

Songs 11:2

Cuz you know wat? Da bad guys, dey make ready dea bow fo shoot, Dey put dea arrow on top da bow string An hide in one dark place fo shoot Whoeva get one good heart fo do da right ting.

Outa Egypt 21:14

But wen one guy ony like fo kill anodda guy, an he bulai da guy an kill um, den no matta da killa guy stay right dea by my altar, take um away an kill um.

Smart Guys 26:24

Cuz wen get somebody dat hate peopo, But den he talk real nice to you, Inside, he stay try fo bulai you.

Smart Guys 28:17

Wen one guy kill anodda guy, Goin bodda da killa guy, till he mahke. An no good, odda peopo try fo kokua him.

Census 35:19

Da one from da mahke guy ohana dat get da kuleana fo pay back da killa guy, he can kill um wen he meet um.

Census 35:21

o if he wack him wit his fis an he mahke, dat guy gotta mahke. He one killa guy. Da one from da mahke guy ohana dat get da kuleana fo pay back da killa guy, he can kill um wen he meet him.

Luke 4:29

Dey stan up, drag him outside da town, an take him on top da hill wea da town stay, fo throw him ova da cliff.

Jesus Guys 20:3

He stay ova dea three month. He ready fo ride da boat Syria side, but da Jew guys make one plan fo kill um, so he go back thru Macedonia.

Jesus Guys 23:21

No do wat dey tell, cuz mo den forty guys stay hide an stay waiting fo him. Dey wen make one strong promise dat dey no goin eat o drink notting till dey kill um. Dey stay ready now. Dey stay waiting fo you fo do wat dey tell.”

Rules Secon Time 19:11

But if somebody hate anodda guy, an wait fo him fo jump him, bus um up, an kill um, an den da killa guy run to one a dose towns,

1 Samuel 18:25

Saul tell, “Tell David, I tell dis: ‘Da king no like you pay fo da bride. You ony gotta cut skin from one hundred Filisha guys an bring back all da skins. Dass how da king goin pay back da Filisha guys cuz dey stay agains him.’ ” Saul talk lidat cuz he make one plan fo let da Filisha guys kill David.

1 Samuel 20:1

Den David run way from Naiot, inside da Ramah land, an go by Jonathan. He aks, “Wat I wen do? Wat kine crime Saul like bus me fo? Da way yoa faddah see me, jalike I wen do someting real bad agains him, cuz he stay look fo me fo kill me!”

1 Samuel 24:11

You, you jalike my faddah fo me! Look! You see dis piece from yoa robe, hea inside my hand?! I wen cut off da corna from yoa robe, but I no kill you. Az why you gotta know fo shua dat I no mo da blame fo do someting bad. I no go agains you. I no do notting wrong agains you, but you stay hunt me fo kill me.