Census 34:5 - Hawaii Pidgin Bible

⁵ Da side goin turn from Azmon, fo go da Egypt Borda Stream, an from dea to wea da stream go inside da Mediterranean Sea.

Census 34:5 ပူးပေါင်းရင်းမြစ်များ

Start 15:18

Right den an dea, Da One In Charge make one spesho deal fo Abram, an da sacrifice was da sign fo da deal. Da One In Charge tell Abram, “All dis land, from da Egypt borda to da big riva dey call Eufrates—all dis, I give um to da peopo dat goin come from you!

1 Kings 8:65

Dass how, dat time, Solomon wen make da spesho religious kine ceremony. All da Israel peopo wen come dea togedda fo be wit Solomon, from Lebo-Hamat north side to da Egypt Borda Stream. Dey stay togedda in front oua God, Da One In Charge, seven days, den anodda seven mo days, az fourteen days in all.

Isaiah 27:12

Dat time, Da One In Charge goin pick his peopo Jalike wen peopo wack da wheat o barley dey wen harves Fo get da good wheat one side an da junks da odda side. He goin take you Israel peopo, one by one, An bring you togedda, Jerusalem side, Even from da big Eufrates Riva An from da stream dass da borda fo da Egypt land.

Ezekiel 47:19

Da south side, goin go from Tamar all da way by da Meribah Kadesh watta, den go by da dry Egypt stream bed, an from dea to da Mediterranean Sea on da west side. Az goin be da south borda.

Daniel 11:45

He goin put up his king kine tents wit da Mediterranean Sea makai side, an da nice looking mountain dat stay spesho fo God, mauka side. But den, he goin mahke, an no goin get nobody dea fo help him.”

Joshua 15:4

Den pass Azmon town, an from dea go to da stream dass da Egypt borda, an from dea to da Mediterranean Sea. Dis da south edge.

Joshua 15:47

Ashdod, an da small towns aroun dea, an Gaza an dea small towns, all da way to da stream dass da Egypt borda, an den to da coast a da Mediterranean Sea.