Census 32:23 - Hawaii Pidgin Bible

²³ “But if you guys no do dat, den you guys goin do one bad ting agains Da One In Charge, an fo shua, da bad ting you do, goin catch you bumbye!

Census 32:23 ပူးပေါင်းရင်းမြစ်များ

Start 13:13

But da Sodom peopo, dey bad peopo. Dey erytime do bad kine stuff dat Da One In Charge tell dey betta not do.

Start 4:7

If you do wass good, Den you can stay good inside. But if you no do wass good, Den jalike da bad kine stuff Stay wait right dea Fo take ova you. Jalike one wild animal Stay wait by da door fo kill you. But you gotta take charge An no let da bad kine stuff take ova you!”

Start 44:16

Judah tell: “Eh boss! Wat us can tell you? Us no mo notting fo tell, fo shua! How we goin show proof to you dat we neva do notting bad? No can! God, he find out da bad ting us guys do awready. Az why us guys come back hea fo be yoa slave guys now, an you da boss fo all us guys, even da guy dey find wit da spesho cup!”

2 Samuel 3:39

An today, no matta God wen pick me fo come da king, I no like bus up peopo. But dis Joab an Abishai, Zeruiah boys, dey mo tough den me. I like Da One In Charge do someting bad, fo pay back da one wen do dis bad ting, cuz da guy wen kill Abner.”

1 Kings 2:32

Cuz Joab wen make peopo bleed an mahke, now Da One In Charge pay back Joab. Joab wen go attack an kill two guys, an my faddah neva know wat Joab do till afta. One guy Abner, Ner boy, da general fo da Israel army, an da odda, Amasa, Jeter boy, da general fo da Judah army. Dey mo betta guys den Joab, an dey stay do da right ting mo den Joab.

1 Kings 2:33

Dese two guys mahke, an Joab get da blame fo dat, an erybody dat come from him, get da blame too. But fo David an da peopo dat come from him, an his ohana, an fo da kings dat goin come from David, Da One In Charge goin make eryting come good fo dem, foeva.”

Songs 139:11

If I tell, “Fo shua, da dark goin hide me!” O if I tell, “Da nite goin cova up Da light fo me!”

Songs 140:11

No let da ones dat talk bad Bout odda peopo get respeck Hea inside oua land. Da bad peopo dat like bus up erybody, Make bad tings come to dem, Ova an ova!

Songs 90:8

All da time, us guys do tings We get da blame fo. But you know, right den an dea. Us guys do bad tings An hide um from you. But you see um, Jalike get one spotlight on top um.

Smart Guys 13:21

Wen peopo do bad kine stuff, Bad stuff goin happen to dem. But peopo dat do wass right, Good stuff goin happen to dem cuz a dat.

Smart Guys 24:16

Cuz da kine guy dat do wass right erytime, No matta he fall down seven time, He goin come right back up. But da bad guys, dey goin stay down Weneva bad tings happen to dem.

Smart Guys 5:22

Wen somebody do bad kine stuff, Da tings dey do, trap dem. Dey no can run away, Cuz jalike dey all tie up wit rope.

Isaiah 3:11

Bummahs! fo da guys dat do bad kine stuff, Cuz eryting goin come out bad fo dem! Jalike wat dey do, Dass wat dey goin get.

Isaiah 59:12

Da One In Charge, da way you see um, Plenny time us guys go agains you. An all da bad kine stuff us wen do, Dat stay agains us in front da judge. Cuz us guys stay go agains you, An da blame fo dat stay wit us foeva. An us know awready, az true Dat cuz a da tings us wen do, God gotta punish us.

Jonah 1:7

Da saila guys, dey tell each odda, “Eh, good fo us guys fo find out who da guy dat wen make one god mad, fo dis bad ting come to us guys. We go pull straw fo find out who him, aah?” Dey pull straw, an Jonah, he da one lose.

Rome 2:9

Erybody dat stay do da bad kine stuff goin get hard time fo live, an dey goin stress out plenny. Dat goin happen to da Jew guys firs. Den goin happen to da odda peopos dass not Jew guys.

1 Corint 4:5

So, no make jalike you guys da judge fo odda peopo. Wait till Da One In Charge come back. He da One goin bring out in da light all da bad kine stuff da peopo try hide in da dark. He goin show all da tings dat dey tink inside dem. Den God goin talk good bout da good tings erybody do.

Joshua 7:18

Den Joshua tell da Zimri ohana fo come one guy afta anodda guy, an he pick Akan, Karmi boy. Karmi, Zimri boy, an Zimri, Zerah boy, all dem from da Judah ohana.