Census 32:1 - Hawaii Pidgin Bible

¹ Da Reuben ohana an da Gad ohana get plenny cows, sheeps, an goats. Dey see dat da Jazer an Gilead land stay one good place fo put da animals.

Census 32:1 ပူးပေါင်းရင်းမြစ်များ

Start 13:5

Abram nephew, Lot, he stay tight wit Abram all da diffren place Abram go. Lot get plenny sheeps, cows, an tents jalike Abram.

Start 29:32

Leah come hapai, an get one bebe boy. She give um da name Reuben, cuz she tink, “Da One In Charge see dat I get trouble,” an da word Reuben soun kinda like “see one boy,” dea language. An she figga dis too: “Now my husban goin love me.”

Start 47:4

Us guys come dis side fo live, cuz ova dea Canaan side, da grass dry up, an no mo food fo da animals eat. Us yoa slave guys now, so try let us guys stay Goshen side.”

2 Samuel 24:5

Afta dey go da odda side a da Jordan Riva, dey make camp nea Aroer, south a da town dat stay inside da gulch, an den dey go thru da Gad ohana land, an den Jazer town.

2 Samuel 24:6

Dey go Gilead side, da land aroun Tahtim-Hodshi, an den Dan an Jaan, an from dea aroun by Sidon town.

1 Records 4:41

Dose guys inside da Simeon ohana wen come ova dea wen Hezekiah stay king fo da Judah peopo. Dey go afta da Ham peopo wea dey live, an da Meun peopo dat stay ova dea too. An da Simeon guys wipe out all da Ham peopo an all da Meun peopo. So no mo today. Den da Simeon peopo live inside dat land, cuz get grass land fo dea animals.

Outa Egypt 12:38

Had plenny guys from da odda peopos dat go wit dem too, an plenny sheeps an plenny cows.

Jeremiah 22:6

Dis wat Da One In Charge tell bout da palace fo da Judah king: “No matta da palace nice looking An stay fo me jalike da Gilead fores An da fores on top a da Lebanon Mountains, I goin make um come jalike da boonies, Jalike one town dat no mo peopo.

Jeremiah 48:32

You Sibmah peopo, I stay cry fo you guys Mo den I wen cry fo da Jazer peopo. You Sibmah peopo get frenz all ova da place, Jalike one vine dat get branches spread all da way to da Big Salt Lake, An reach all da way to Jazer town too. Somebody come dat goin wipe you out Jalike dey goin rip off yoa ripe kine fruits dat ony get summa time, An da grapes you guys harves.

Jeremiah 50:19

But I goin bring back da Israel peopo Jalike dey sheeps dat get dea place fo eat grass. An dey goin eat grass on top Mount Carmel An up country Bashan side. Dey goin eat plenny On top da hills Efraim side an Gilead side, Till dey come full.”

Jeremiah 8:22

Fo shua, Gilead side get medicine An docta ova dea! Cuz da peopo I love stay hurt. So, how come no mo nobody fo make um feel good?!”

Micah 7:14

Den da peopo tell: “You Da One In Charge! Carry yoa club an come Jalike one sheep guy proteck his sheeps. Lead yoa peopo jalike dey yoa sheeps, Dey da peopo I wen give you jalike dey yoa property. Some a dem live wit nobody inside da fores, But now, give um fields wit green grass fo eat all aroun. I like dem make jalike sheeps Dat eat da green grass Bashan an Gilead side, Jalike befo time.”

Census 21:32

Afta Moses sen spy guys Jazer side fo scope um out, da Israel peopo take ova da towns aroun dea, an take away da land from da Amor peopo dat stay ova dea.

Census 32:2

So dey come by Moses an Eleazar da pries guy, an da leadas fo da peopo, an tell,

Census 32:26

Oua kids an wifes, oua sheeps, goats, an cows, all goin stay ova hea inside da Gilead towns.

Census 32:3

“You know da towns, Atarot, Dibon, Jazer, Nimrah, Heshbon, Elealeh, Sebam, Nebo, an Beon?

Census 32:35

Atrot, Shofan, Jazer, Jogbehah,

Rules Secon Time 33:21

Da time da leada guys fo all da peopo come togedda, Dey keep da bestes land fo you Gad guys, Cuz you da real leadas. You Gad peopo make diffren kine To da good peopo an da bad peopo, Da way Da One In Charge like do, Da Judge fo da Israel peopo.”

Joshua 13:25

da land fo da Jazer peopo, all da towns inside Gilead, an half da Ammon land up to Aroer nea Rabbah,

Joshua 22:13

But firs, da Israel peopo sen Finehas, Eleazar da pries boy, Gilead side by da Reuben ohana, da Gad ohana, an half da Manasseh ohana.

Joshua 22:9

So da Reuben ohana, da Gad ohana, an half da Manasseh ohana go way from da odda Israel peopo Shiloh side inside Canaan. Dey go back Gilead side, dea land, dat dey wen get befo time, jalike Da One In Charge wen tell Moses fo do.

1 John 2:16

You guys know all da bad kine stuff dat get inside dis world: Peopo do wat dey like do cuz dass how dey stay. Dey like get wateva look good to dem. An dey like get da kine stuff fo show off too. All dat no come from da Faddah, but come from dis world.

Local Leadas 5:16

How come you Reuben guys stay sit nea da fires inside da camp? You like hear da guys whistle fo call da sheeps, o wat? Some a da Reuben ohanas, Da peopo try fo figga wat dey goin do.