Census 31:8 - Hawaii Pidgin Bible

⁸ Da five Midian kings, Evi, Rekem, Zur, Hur, an Reba, dey kill dem too. An dey kill Balaam, Beor boy, wit dea swords.

Census 31:8 ပူးပေါင်းရင်းမြစ်များ

Songs 10:2

Da guys dat do wass wrong, An get big head bout dat, Dey go afta da peopo Dat stay pooa. I like fo da bad tings dey plan fo do, Happen to dem!

Songs 9:16

Da One In Charge, he let peopo know him. An he tell who do da right ting An who no do da right ting. Da peopo dat do bad tings, Da tings dey stay do goin make trouble fo dem. (Time out fo da music.)

Smart Guys 11:3

Da kine peopo dat do eryting dey suppose to do, Dey do da right ting erytime no matta wat. Cuz a dat, dey goin know wat fo do too. Da kine peopo dat you no can trus an dey try trick you erytime, Wat dey stay do, dey ony goin come wipe out.

Smart Guys 13:17

Da bad kine messenja guy, He goin get into trouble. Da real messenja guy you can trus, He make eryting come good.

Habakkuk 3:7

I see da tents Kushan side. Da peopo dat live dea stay bum out. I see da peopo from Midian stay sked an shaking.

Census 22:10

Balaam tell God, “Az Zippor boy Balak, da Moab king, he sen me dis message:

Census 22:4

Da Moab peopo tell da older leadas Midian side, “Dese buggahs goin eat up eryting get aroun us guys now, jalike wen da cows eat up all da green grass get inside da fields. Dey goin wipe us all out.” So Zippor boy Balak, da king fo da Moab peopo dat time,

Census 22:5

he sen messenja guys fo go tell Balaam, Beor boy, fo come by him. Balaam stay Petor side dat time, nea da Eufrates Riva, wea he come from. Balak tell: “You know wat? One peopo come outa Egypt. Dey real plenny, dey cova all da land. Now dey stay nex to us guys.

Census 23:10

No mo nobody can count how much dus Da Jacob peopo kick up wen dey stay move! No mo nobody can count Even one part a dem! Wen I mahke, I like be Jalike dose peopo dat do da right kine stuff. Wen my life pau, I like fo happen jalike wat goin happen to dem!”

Census 24:14

Kay den, now I goin go back by my peopo. But let me tell you wass good fo you know—I tell wat da Israel peopo goin do to yoa peopo bumbye.”

Census 24:25

Den Balaam get up fo go back wea he come from. An Balak go his place.

Census 25:15

Da Midian wahine was Cozbi, Zur girl, an Zur one leada from one a da Midian ohanas.

Census 25:18

Cuz dey wen go agains you guys, da time dey bulai you guys bout da Baal god Peor side, an bout dea sistah Cozbi, da leada guy girl from Midian. Finehas wen kill her wen da real bad kine sick come on top da Israel peopo cuz a da god from Peor side.”

Census 31:16

But you know wat?! Was dem, da ones wen lissen Balaam! Dey da ones turn da Israel peopo away, fo go agains Da One In Charge. Dass wat wen happen Peor side. An cuz a dat, da peopo a Da One In Charge get one real bad kine sick!

Census 31:9

Da Israel guys make da Midian wahines an kids dea prisonas, an take all dea animals an all dea stuffs.

2 Peter 2:15

Befo time, dem guys go da right way, but den dey wen bag an go da wrong way. Dey wen ack jalike Beor boy Balaam wen ack long time ago. He was one guy dat talk fo God, but he ony like make money real bad, an he do tings dat no was right. Dat time, Balaam stay ride on top one donkey. Da donkey, he no can talk. But God make da donkey talk jalike one guy! Da donkey scold Balaam fo da bad kine stuff he was doing, an try fo make him no do da pupule kine stuff he like do.

Jude 1:11

Wassamatta dem?! Dey goin get it! Dey goin go down da same road jalike Cain. Dey do any kine dey like do fo make money, jalike Balaam. Dey goin come wipe out, jalike wen Korah go up agains Moses.

Jesus Show 19:20

But da Guy on top da horse win agains da Wild Animal, an agains da guy dat tell he talk fo God but he bulai. Da Bulaia Guy do all kine awesome stuff fo show dat da Wild Animal get powa. Az how he bulai all da peopo dat get da Wild Animal mark on top dea forehead, an dat go down an pray to his statue. Den da Guy dat stay ride da horse throw da Wild Animal an da Bulaia Guy inside da lava lake dat stay burn wit sulfur.

Jesus Show 2:14

“ ‘But eh! I get dis agains you guys: You guys get peopo ova dea dat make jalike da guy Balaam wen do long time befo time. Dat guy wen teach King Balak how fo make da Israel peopo do bad kine stuff. He make um eat food da odda peopo awready give fo make sacrifice to da idol kine gods, an go fool aroun wit peopo dey no stay married to.