Census 3:16 - Hawaii Pidgin Bible

¹⁶ So Moses count um, jalike Da One In Charge tell him fo do.

Census 3:16 ပူးပေါင်းရင်းမြစ်များ

Start 45:21

Israel boys, dey do wat Joseph wen tell um fo do. Joseph give um plenny wagons jalike da Pharaoh guy tell um fo do, an he give um plenny food fo da trip.

Census 3:15

“Count da Levi peopo by dea blood lines an ohanas. Count all da boys one month ol o moa.”

Census 3:17

Dese da names fo da Levi boys: Gershon, Kohat, an Merari.

Census 3:39

All da Levi ohana guys dat Da One In Charge tell Moses an Aaron fo count by dea blood lines, ery boy one month ol o mo, was 22,000 guys.

Census 3:51

An Moses give Aaron an his boys da silva fo buy back da extra Israel boys, jalike Da One In Charge wen tell Moses fo do.

Census 4:27

Eryting da Gershon ohana guys do, no matta dey carry stuff, o do odda work, Aaron an his boys goin tell um wat fo do. You guys goin give dem da kuleana fo eryting dey gotta carry.

Census 4:37

Az all da guys inside da Kohat blood lines dat do work fo da Tent. Moses an Aaron count dem jalike Da One In Charge wen tell Moses fo do.

Census 4:41

Az all da guys inside da Gershon blood lines dat do work fo da Tent. Moses an Aaron count dem jalike Da One In Charge wen tell Moses fo do.

Census 4:45

Az all da guys inside da Merari line. Moses an Aaron count dem jalike Da One In Charge wen tell Moses fo do.

Census 4:49

Jalike Da One In Charge tell Moses, erybody get dea work fo do, an dey tell dem wat dey goin carry. An dass how dey count all da Levi guys, jalike Da One In Charge tell Moses fo do.

Rules Secon Time 21:5

Den da pries guys from da Levi ohana goin come in front. Az cuz yoa God, Da One In Charge, wen pick dem fo work fo him. An he pick um fo tell Da One In Charge dey like he do good stuff fo da peopo cuz dey Da One In Charge guys. An he pick um too fo figga out wass right an wass wrong wen peopo make argue o bus up each odda.