Census 29:19 - Hawaii Pidgin Bible

¹⁹ An give one boy kine goat fo da sacrifice fo da peopo dat do bad kine stuff, an make da regula burn up kine sacrifice, an do um wit da wheat o barley sacrifice an da drink sacrifice.

Census 29:19 ပူးပေါင်းရင်းမြစ်များ

Start 37:31

Den Joseph braddah guys go kill one a dea goats. Dey throw Joseph fancy robe inside da blood.

Amos 8:14

Da ones dat make one strong promise, an make um by da name a da pilau idol kine gods dat da Samaria an Dan an Beer-Sheba peopo pray to, dey goin come wipe out an stay lidat foeva. Dey goin tell: “I shua dat I goin do um, Jalike I shua dat da idol kine god dat da Dan ohana peopo pray to, stay alive! O jalike I shua dat da idol kine god we go pray to Beer-Sheba side, stay alive! “But all dose peopo dat make dat kine promise, dey goin fall down an mahke. Dey no goin get up, eva!” Dass wat Da One In Charge tell.

Census 28:8

Make da odda bebe sheep ready wen litto mo ready fo come dark, wit da same kine wheat o barley sacrifice an drink sacrifice dat you make morning time. Az one sacrifice you make wit fire, az one nice smell fo me, Da One In Charge.”

Census 29:11

An give one boy kine goat fo da sacrifice fo hemo da shame fo da peopo dat wen do bad kine stuff. Den make anodda sacrifice fo da bad kine stuff, fo make da peopo come pono wit me. Make da regula burn up kine sacrifice, wit da wheat o barley sacrifice an da drink sacrifices.

Census 29:20

“Day numba three, make ready eleven bull, two boy kine sheeps, an fourteen boy kine bebe sheeps one year ol, an all no mo notting wrong wit um.

Census 29:22

An give one boy kine goat fo da sacrifice fo da peopo dat do bad kine stuff. Make da regula burn up kine sacrifice too, wit da right wheat o barley sacrifices an da drink sacrifices.

Census 29:25

An give one boy kine goat fo da sacrifice fo da peopo dat do bad kine stuff. Do um togedda wit da regula burn up kine sacrifice too, wit da wheat o barley sacrifice an da drink sacrifice.