Census 29:1 - Hawaii Pidgin Bible

¹ “Month numba seven, day numba one, make one spesho religious kine ceremony fo all da peopo come togedda an no do regula kine work. Az one day fo you guys fo blow da sheep horn trumpet.

Census 29:1 ပူးပေါင်းရင်းမြစ်များ

1 Records 15:28

Dass how all da Israel peopo bring up da Box Fo No Foget Da Deal Wit Da One In Charge. Dey yell cuz dey feel good inside, an dey make noise wit da sheep horn trumpets an da long metal trumpets, da cymbals, da bass harps, an da small harps.

Ezra 3:6

Fo fifteen days befo da Time Fo Live Inside Shacks start, da pries guys make da kine burn up sacrifice ery day fo Da One In Charge, even befo dey start fo put da foundation fo da new Temple Fo Da One In Charge.

Nehemiah 7:73

Den all da Israel peopo—da pries guys, da Levi ohana guys, da guys dat watch da town gates, da music guys, da worka guys fo da Temple, an some a da odda peopo—dey all go home an live inside dea home town. Octoba time, all da Israel peopo stay live inside dea home town now.

Nehemiah 8:2

Was Octoba 8. Da peopo wen build one wood stage fo Ezra. All da guys an wahines, an all da kids dat can undastan, dey stay dea fo lissen good. Da pries guy Ezra bring da book wit da Rules in front dem. He stan on top da stage by da open place inside da Watta Gate. On da right side had Mattitiah, Shema, Anaiah, Uriah, Hilkiah, an Maaseiah. Da lef side had Pedaiah, Mishael, Malkijah, Hashum, Hash-Baddanah, Zekariah, an Meshullam. Den Ezra open da book. All da peopo can see him cuz he stay stan up dea on top da stage. Az why wen he open da book, erybody stan up. Ezra start fo read da Rules to dem early morning time, an he stay read till noon time.

Songs 81:3

Wen da month start, da new moon time, Blow da sheep horn trumpets! Same ting Fo oua spesho religious kine ceremony Wen da moon come full!

Songs 89:15

Eh! You Da One In Charge! Da peopo dat wen learn How fo tell dat you da bestes, Dey can stay good inside fo real kine. Ery place dey go, You show um wat fo do, Cuz you stay wit um, Jalike you da light fo dem.

Outa Egypt 23:16

Laytas, wen da tings you wen plant inside yoa field come up, bring me da firs tings you harves, fo make da spesho Harves time. Afta dat, wen you guys pau harves da food, an da year pau, make da spesho Pau Harves time, afta you bring in eryting you wen plant inside yoa fields.

Outa Egypt 34:22

“You gotta make da spesho Start Fo Harves religious kine ceremony, seven week afta da Passova. You gotta be da one fo make um, no odda guy can do um fo you. Dass wen you bring me da firs wheat you harves. “Jew New Year time, gotta make anodda spesho religious kine ceremony fo wen Pau Harves.

Isaiah 27:13

Dat time, one big sheep horn trumpet goin blow. Da Israel peopo dat stay go all ova da place inside Assyria An da ones dey wen make go Egypt side, Dey all goin go God spesho hill inside Jerusalem town, An go down in front Da One In Charge Fo show love an respeck fo him ova dea.

Prieses 23:23

Da One In Charge tell Moses

Prieses 23:7

Da firs day afta da Passova, tell da peopo fo come togedda fo one time dass spesho fo me, Da One In Charge, an no do regula kine work.

Zekariah 9:14

Den Da One In Charge goin show up ova his peopo. His arrow goin go out jalike lightning. Da Boss, Da One In Charge, Goin blow da sheep horn trumpet. He goin attack jalike he stay riding On top da storms from da south side.

Census 28:26

“Da day wen you harves da firs food, bring one present fo me, Da One In Charge—one sacrifice wit new wheat o barley, fo da spesho religious kine ceremony fo harves da food. Make um one spesho time fo all da peopo come togedda, an fo nobody do regula kine work.

Census 29:12

“Month numba seven, day numba fifteen, make one spesho religious kine ceremony fo all da peopo come togedda, an no do regula kine work. Make dat spesho religious kine ceremony fo me, Da One In Charge, seven days.

Census 29:2

Fo make one nice kine smell fo me, Da One In Charge, make one burn up kine sacrifice wit one boy kine calf, one boy kine sheep, an seven boy kine bebe sheeps one year ol, an all no mo notting wrong wit um.

Census 29:35

“Day numba eight, all da peopo goin come togedda, an no do regula kine work.