Census 27:17 - Hawaii Pidgin Bible

¹⁷ fo him go out an come back in front dem fo lead dem fo war. Az how da peopo a Da One In Charge no goin be jalike da sheeps dat no mo sheep guys fo take kea dem.”

Census 27:17 ပူးပေါင်းရင်းမြစ်များ

2 Samuel 5:2

Befo time, wen Saul stay da king ova us guys, was you dat wen lead da Israel army fo go fight da odda peopos. Da One In Charge wen tell you, aah? ‘You goin take kea my peopo, da peopo dat come from Israel, jalike one sheep guy take kea da sheeps. You goin come da one dat lead all dem.’ ”

1 Kings 22:17

Den Mikaiah tell, “I see, jalike was one dream, All da Israel guys running all ova da hills, Jalike sheeps dat no mo sheep guy fo take kea dem. Da One In Charge tell me, ‘All dis guys, no mo boss fo dem. Let um all go home, An let eryting come good fo dem.’ ”

1 Kings 3:7

So Da One In Charge, you my God, an I work fo you. You wen make me come da King afta my faddah David. But me, I jalike one small boy—I donno how fo lead da peopo.

2 Kings 11:8

Stay nea aroun da king. Make shua erybody carry one sword an odda stuff fo fight in yoa hand. Anybody come wea you guys stay line up, kill um. Stay nea aroun da king wea eva he go.”

2 Records 1:10

I like you make me know wat fo do erytime, an how fo tink good, fo be da leada fo all dese peopo. Cuz no mo nobody can figga wass right an wass wrong, fo dis big nation you get!”

2 Records 18:16

Den Mikaiah tell, “Kay den. I see jalike one dream—all da Israel peopo stay scatta all ova da hills, jalike sheeps dat no mo sheep guy fo take kea dem. An Da One In Charge tell, ‘No mo leada fo dese peopo! Good, erybody go back home, cuz eryting stay okay fo dem.’ ”

Ezekiel 34:5

So dey scatta all ova da place cuz no mo sheep guys. Den da wild kine animals eat dem up.

Zekariah 10:2

Da small house kine idol gods Ony tell you tings dat no mean notting Wen you sad. Da kahuna guys dat like find out wass goin happen, See tings dat not true. Dey talk bout dreams dat bulai peopo. Dey try make da peopo feel good inside, but no can. Az why my peopo go all ova da place jalike da sheeps. Dey get hard time cuz dey no mo sheep guy fo take kea dem.

Zekariah 13:7

Dis wat Da One In Charge, da God Ova All Da Armies, tell: “Grab my sword! Go stab my sheep guy, Da guy dat work wit me! Wack da sheep guy, an da sheeps goin scatta. I even goin go agains da young sheeps.”

Matthew 10:6

Go by da peopo from da Israel ohana, cuz dey jalike sheeps dat stay lost.

Matthew 15:24

So Jesus tell her, “My Faddah sen me ony fo help da Israel ohana peopo, cuz dey jalike da sheeps dat stay lost. He neva sen me fo help all da odda peopo.”

Matthew 9:36

Wen he see all da peopo, he get love an aloha an pity fo dem, cuz dey all wore out inside an no can do notting cuz a dat. Dey jalike da sheeps dat no mo one sheep guy fo take kea dem.

Mark 6:34

Wen Jesus get outa da boat, he see all da peopo. He get pity fo dem, cuz dey jalike da sheeps dat no mo one sheep guy fo take kea dem. Right den an dea he start fo teach um plenny stuff.

John 10:9

I jalike da gate. If anybody trus me, God goin take um outa da bad kine stuff dey stay in, an let um go. Dass jalike dey goin go inside God place thru da gate, az me. An dey goin go wea eva dey like go an find food fo eat.

Rules Secon Time 31:2

“Me, I one hundred twenny year ol now, an I no can go hea an dea no moa. Da One In Charge tell me, ‘You no goin go da odda side a da Jordan Riva!’

1 Peter 2:25

You guys was jalike da sheeps dat stay lost, but now you guys come back to God. He make shua he take kea a you guys good kine, jalike da sheep guy take kea his sheeps. An he da main leada guy fo make shua you guys no come pilau inside.

1 Samuel 18:13

Az why he give David one job anodda place. He make David da leada fo one tousan army guys. An David go in front his army guys wen dey stay fight.

1 Samuel 8:20

Den we goin come jalike da odda peopos, wit one king fo judge us guys, an go out in front us guys fo fight fo us guys.”