Census 26:55 - Hawaii Pidgin Bible

⁵⁵ Make shua dey pull straw fo get dea land. Ery ohana goin get dea land fo how many names dey get inside da count.

Census 26:55 ပူးပေါင်းရင်းမြစ်များ

Smart Guys 16:33

Wen you pull straw Fo find out wat fo do, Az Da One In Charge make um come out Da way dey come out.

Smart Guys 18:18

Wen peopo make argue, Pull straw fo make um stop. Even if dey get plenny powa, Dey no goin come togedda fo fight.

Ezekiel 47:22

All dis land goin come da property fo you guys, an fo da peopo from anodda place dat live wit you guys an get kids. You goin treat dem jalike dey kamaainas, jalike dey da Israel peopo dat wen born inside dis land an get property.

Census 26:56

Ery ohana goin pull straw fo find out who get wat land, fo da one dat get big ohanas, an da one dat get small ohanas.”

Census 33:54

Pull straw fo tell wat ohana get wat land. Fo one big ohana, give dem one big land, an fo one small ohana, give dem one small land. Wateva dey get from pull straw, goin be deas. Give um to da twelve Israel ohanas fo be dea property.

Census 34:13

Moses tell da Israel peopo “Pull straw fo give ery ohana dea property. Da One In Charge tell dat ony da nine an one half ohanas goin get um.

Census 36:2

Dey tell, “Da One In Charge wen tell you, my boss, fo pull straw fo give land to da Israel peopo. He tell you dis too, you suppose to give da land rights fo oua braddah Zelofehad to his girls.

Jesus Guys 1:26

Den dey pull straw an Mattias win, so he come togedda wit da eleven guys dat Jesus wen sen all ova.

Colosse 1:12

Den you guys can tell da Faddah “Mahalo plenny!” an feel real good inside. He wen make us his kids fo us get da good stuff he wen promise fo give all his kids: his kids, dass da peopo dat stay spesho fo God. He wen free us up from da powa da Bad Guy get ova us fo make us do bad kine stuff. Dass why now us no do bad kine stuff. An God wen take us outa da dark an put us inside da place wea Jesus stay oua King. Jesus, he God Boy an his Faddah get love an aloha fo him.

Joshua 11:23

Dass how Joshua take ova all da land, jalike Da One In Charge wen tell Moses fo do. Da One In Charge give all dat land fo come da Israel peopo property fo all dea ohanas. Dat time, da peopo wen res, an neva fight no moa.

Joshua 14:2

Da nine an one half ohanas gotta pull straw fo tell wat ohanas get wat land, jalike Da One In Charge wen tell Moses fo do.

Joshua 17:14

Da Joseph ohana peopo tell Joshua, “How come wen us guys pull straw fo da land, you give us guys ony one piece land fo come oua property? We get plenny peopo, an Da One In Charge wen do plenny good kine tings fo us.”

Joshua 18:6

Afta you guys write down wat you find out bout da seven piece land, bring um back by me, an I goin pull straw fo you guys right hea in front oua God, dass Da One In Charge a us.

Joshua 19:1

Da numba two land come fo da small ohanas inside da Simeon ohana. Dea land was inside da Judah ohana land.

Joshua 19:10

Da numba three land come fo da small ohanas inside da Zebulun ohana. Dea borda start from Sarid in da southeast.

Joshua 19:17

Da numba four land come fo da small blood lines inside da Issakar ohana.

Joshua 19:24

Da numba five land come fo da small ohanas inside da Asher ohana.

Joshua 19:32

Da numba six land come fo da small ohanas inside da Naftali ohana.

Joshua 19:40

Da numba seven land come fo da small ohanas inside da Dan ohana.