Census 26:53 - Hawaii Pidgin Bible

⁵³ “Ery ohana goin get property fo how many names dey get.

Census 26:53 ပူးပေါင်းရင်းမြစ်များ

Start 12:2

“Da peopo dat goin come from you, Bumbye I goin make dem come one big, importan nation. Dey goin get good rep An make good tings happen to odda peopos. I goin make you one big name guy, An you goin make good tings come fo odda peopo.

Start 12:7

Wen dey stay dea, Da One In Charge let Abram see him. He tell um: “Dis land ova hea, I goin give um to da peopo dat goin come from you bumbye.” Az how come Abram wen pile up rocks ova dea fo make one altar an make one sacrifice, cuz Da One In Charge let Abram see him, dat place.

1 Records 16:18

Da One In Charge tell um, “I goin give da Canaan land to you. Az da part goin come you guys property Cuz you my kids.”

Songs 105:44

God wen give his peopo da land Wea odda peopos wen live befo time. Da odda peopos wen work da groun, But his peopo take um ova.

Songs 49:14

Dese guys, dey stay go Da Mahke Peopo Place. Jalike wen one sheep farma Take his sheeps one place fo kill um, Dese guys goin get kill. Wen da morning time come, Da peopo dat stay do wass right Goin take ova dem. Dea body goin come all poho, Cuz dey stay da Mahke Peopo Place, Far from dea big houses.

Ezekiel 47:22

All dis land goin come da property fo you guys, an fo da peopo from anodda place dat live wit you guys an get kids. You goin treat dem jalike dey kamaainas, jalike dey da Israel peopo dat wen born inside dis land an get property.

Daniel 7:27

Den, da God Dass Mo Importan Den All Da Odda Gods goin give da peopo dat stay spesho fo him da powa fo come da nex king an da powa fo stay in charge a da peopo. An da God Dass Mo Importan Den All Da Odda Gods goin give his kings powa ova da odda kings all ova da world. Dey goin stay in charge foeva. All da countries on top da earth goin work fo God peopo, an all da odda peopos goin lissen dem.’

Census 26:52

Da One In Charge tell Moses,

Census 26:54

Fo one big ohana, give dem mo land fo dea property. Fo one small ohana, give dem one small land.

Census 33:54

Pull straw fo tell wat ohana get wat land. Fo one big ohana, give dem one big land, an fo one small ohana, give dem one small land. Wateva dey get from pull straw, goin be deas. Give um to da twelve Israel ohanas fo be dea property.

Matthew 5:5

“Da peopo dat no need make odda guys tink dey importan erytime, Dey can stay good inside Cuz God goin give um da whole world.

Joshua 1:6

“Come strong an no lose fight! Cuz you goin give dis peopo dea property—da land dat I wen promise dea ancesta guys dat I goin give um.

Joshua 11:23

Dass how Joshua take ova all da land, jalike Da One In Charge wen tell Moses fo do. Da One In Charge give all dat land fo come da Israel peopo property fo all dea ohanas. Dat time, da peopo wen res, an neva fight no moa.

Joshua 14:1

Dis da land da Israel peopo get fo come dea property Canaan side. Eleazar da pries guy, Joshua, Nun boy, an da leadas fo da Israel ohanas wen tell dem who get wat fo come dea property.

Jesus Show 21:27

But da kine peopo dat no can go in front God, dey no can go inside da town. Same ting fo da peopo dat do pilau kine stuff an bulai peopo, dey no can go inside da town. Ony da peopo dat God Bebe Sheep Guy get dea names inside his Book, Da Book Dat Tell Who Get God Kine Life, dey can go inside God big town.

Jesus Show 5:10

You make um come God peopo, Fo come prieses an work fo oua God, cuz he dea King, An fo come king an queen guys wit God, An dey goin lead all da peopo inside da world.”