Census 24:20 - Hawaii Pidgin Bible

²⁰ Den Balaam look wea da Amalek peopo stay. He tell dis spesho message from God: “Da Amalek peopo was numba one wit da odda nations, But bumbye dey goin come wipe out.”

Census 24:20 ပူးပေါင်းရင်းမြစ်များ

Start 36:12

Elifaz, Esau boy, had one wahine Timna dat was his odda wife. She wen born Amalek fo Elifaz. Dea granmuddah, Esau wife Adah.

1 Records 4:43

Dey kill da Amalek guys dat wen get away, an da Simeon peopo live ova dea till today.

Esther 3:1

Afta all dese tings happen, King Xerxes give plenny powa to Haman, Hammedata boy. He from Agag. King Xerxes make him mo importan den all da odda alii guys.

Esther 9:14

So da king make one mo rule fo inside Susa town, fo hang Haman ten boys mahke bodies.

Outa Egypt 17:14

Da One In Charge tell Moses, “Eh! I goin tell you one ting. Write dis inside one book, so nobody goin foget! Tell Joshua dis wen you write um: ‘Da Amalek peopo, I goin wipe out dea name, so nobody all ova da world no goin foget who dem!’ ”

Outa Egypt 17:16

Moses tell, “Da Amalek guys wen put up dea hands in front Da One In Charge throne cuz dey huhu! Da One In Charge, he goin make war agains da Amalek peopo an all da peopo dat goin come from dem, foeva!”

Outa Egypt 17:8

Wen da Israel peopo stay ova dea Refidim side, da Amalek peopo come an attack dem.

Census 24:19

Goin get one leada come from da Jacob peopo. He goin wipe out erybody dat stay alive still yet inside Ar town.”

Census 24:24

Goin get big boats come from aroun Cyprus Islan. Dey goin win ova da Asshur peopo an da Eber peopo. But da Cyprus Islan boats goin come wipe out too, foeva.”

Census 24:7

Da watta goin spill ova from dea buckets. Da peopo dat goin come from dem Goin get plenny watta. “Dea king goin be mo awesome den Agag. His peopo goin come real importan.

Local Leadas 6:3

Weneva da Israel peopo plant food, da Midian peopo, da Amalek peopo, an odda peopos from da east side attack da Israel land.

1 Samuel 14:48

He fight, an he no sked notting. He win ova da Amalek peopo, an get da Israel peopo outa da powa a da guys dat stay rip dem off.

1 Samuel 15:2

Dis, da message from Da One In Charge, da Boss Ova All Da Armies: ‘I goin go afta da Amalek peopo an punish dem, cuz a wat dey wen do to da Israel peopo, da time da Israel peopo wen come outa Egypt. Da Amalek peopo fight fo da road an make da Israel peopo go aroun dem.

1 Samuel 30:1

Dis wat happen den. Same time wen David dem stay come, da Amalek guys stay rip off stuffs inside da Negev Boonies an Ziklag town. Dey attack Ziklag an burn um. Dey grab da wahines an erybody dat stay ova dea, da young ones an da ol ones too. Dey no kill nobody, but make dem go wea da Amalek guys like go. Three day afta David an his guys go way from Akish, dey come Ziklag.

1 Samuel 30:17

David an his army guys attack da Amalek guys wen litto mo ready fo come light da nex morning. Dey stay fight um till afta da sun go down dat day. Ony four hundred young guys get away on top da camels. No moa no odda guys get away,