Census 24:17 - Hawaii Pidgin Bible

¹⁷ “I see him, but az not fo now. Wat I see, no stay nea. One star goin come out from da Jacob peopo. One king goin come from da Israel peopo. He goin smash da Moab peopo head, An da skulls a da Shet peopo.

Census 24:17 ပူးပေါင်းရင်းမြစ်များ

Start 49:10

Judah guys goin carry da spesho stick fo show peopo dey da king, Da Judah ohana goin keep dat stick foeva. Till da real owna show up Dass goin be da one Dat da odda peopos goin do wat he tell um fo do.

2 Samuel 8:14

David put army guys all ova da Edom land. An all da Edom peopo come slaves fo David. Da One In Charge help David guys fo win, ery place dey go.

2 Samuel 8:2

Den David attack da Moab guys, an win. He make dea army guys lay down on top da groun, an measure dem wit one rope. Fo ery three Moab guys, da Israel army guys kill two a da guys, an da odda guy, dey let dem stay alive. Da Moab peopo dat no mahke come slaves fo David, an dey gotta pay him plenny tax from dat time.

2 Kings 3:5

But afta Ahab mahke, Mesha da Moab king make war agains da Israel king, fo ovathrow da Israel territorial govmen.

1 Records 18:2

An David an his guys win ova da Moab guys. Da Moab peopo come slaves fo David, an gotta pay tax to him.

Songs 110:2

Da One In Charge stay On top Mount Zion, Jerusalem side, An he goin make you strong Fo be da king ova mo an mo peopo. No matta get peopo all aroun you Dat stay agains you, You da one goin be in charge.

Songs 45:6

God give you da right fo sit On top yoa throne foeva, Cuz you do eryting da right way. An dass how come You carry da spesho stick Dat show you da king.

Isaiah 15:1

Me Isaiah, I get heavy kine stuff fo tell bout wat I see goin happen to da Moab peopo: Ony one nite, Ar town goin come wipe out! Dass how da Moab land goin come all bus up. Ony one nite, Kir town goin come wipe out too! Dass how da Moab land goin come all bus up.

Isaiah 9:7

He goin come da leada Fo da govmen, An he goin make eryting come So notting bodda nobody, An fo shua he goin do dat. He goin be da king on top da throne Jalike King David, his ancesta guy. He goin judge erybody da right way, An he goin do da right ting erytime. From da time he come da king, He goin make shua he stay king foeva. All dis goin happen Cuz Da One In Charge, Da Boss Ova All Da Armies, Goin make shua dis goin happen.

Jeremiah 48:1

Fo Moab, dis da message from Da One In Charge, da God Ova All Da Armies, da God fo da Israel peopo: “Ho! Bummahs fo da peopo dat live Nebo town, Cuz dey goin come wipe out! Da Kiriataim peopo goin come prisonas an come shame. Da mountain dat get one strong wall on top, Dat wall goin broke down An da peopo dea goin come shame too.

Jeremiah 48:45

“Peopo run away to Heshbon town Cuz dey tink da Heshbon peopo can proteck um. But no can! Cuz get one big fire come outa Heshbon town, From da place wea Sihon was king befo time. Dat fire goin burn da Moab peopo head An burn da hair off dea guys dat like talk big.

Zekariah 10:4

One guy az importan jalike one corna block stay importan fo one building goin come from da Judah ohana. One guy goin stay importan Jalike one tent peg stay importan fo one tent, An importan jalike one bow stay importan fo fight. Ery leada guy goin come from Judah!

Zekariah 12:10

“Me, Da One In Charge, goin make da David ohana an da Jerusalem peopo like do good kine stuff fo odda peopo, an dey goin pray to God fo help dem too. Dey goin look me, da guy dey wen stab. Dey goin stay real sore inside, jalike somebody stay sore cuz dea firs boy dat born wen mahke.

Census 21:29

Bummahs! You Moab peopo! You peopo dat pray to da god Kemosh, You come wipe out awready! Da Moab king, his boys run away, An his girls come prisonas. Sihon take um. He one king guy fo da Amor peopo.

Census 24:16

Da word from da guy dat hear wat God tell, Who learn stuff from da God Dass Mo Importan Den All Da Odda Gods. Da guy dat see someting jalike one dream From Da God Dat Get All Da Powa. I go down in front him An see tings real good:

Luke 1:78

Oua God give chance cuz he get one big heart. Dass why one new day goin come up fo us guys from God in da sky.

Hebrews 1:8

But God talk to his Boy lidis: “My Boy, you God. You goin stay king foeva. Da spesho stick you carry fo show dat you da King, Dat mean you da King dat erytime do da right ting.

Hebrews 7:14

Da One In Charge a us guys, Jesus, erybody know dat he come from da Judah ohana. But wen Moses talk bout da guys from da Judah ohana, he neva tell notting bout prieses.

2 Peter 1:19

Az how make all us guys mo shua bout da tings we wen learn from da guys dat wen talk fo God befo time. Az good you guys do wat dey wen tell you fo do! Cuz da stuff dey tell, az jalike one small lamp dat shine inside one real dark place. You guys gotta lissen wat dey wen tell. So stay lissen good till Jesus come back! Den you guys goin undastan mo an mo betta. Goin be jalike wen da light from da morning star come out, an den da sun come out!

Jude 1:11

Wassamatta dem?! Dey goin get it! Dey goin go down da same road jalike Cain. Dey do any kine dey like do fo make money, jalike Balaam. Dey goin come wipe out, jalike wen Korah go up agains Moses.

Jesus Show 1:7

Try look! Look! Jesus stay come inside da clouds! Erybody goin see him, Even da guys dat wen stab him wit dea spear. All da diffren peopos all ova da world goin cry An feel bad inside cuz wat wen happen to him. Dass how goin be! Dass it!

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”

Jesus Show 22:16

“Me, I Jesus. I wen sen my angel messenja guy fo tell you guys inside da churches all dis stuff. I come from David ohana. I jalike da plant dat come up from da root. I jalike da bright Morning Star.

1 Samuel 14:38

Az why Saul tell, “All you main leada guys fo da army, come ova hea by me. Go find out wat bad ting we wen do today.