Census 23:7 - Hawaii Pidgin Bible

⁷ An Balaam tell dis spesho message from God: “Balak wen bring me hea from da Aram land. He da king fo Moab. He call me from da mountains da east side a my land. He tell me, ‘Go come! Put kahuna on top da Jacob peopo fo me! Tell um how mad you stay wit dem!’

Census 23:7 ပူးပေါင်းရင်းမြစ်များ

Start 10:22

Dis da peopos dat come from Shem: Elam, Asshur, Arpakshad, anodda Lud guy, an Aram.

Start 28:2

You gotta go now Paddan-Aram side, by yoa muddah faddah Betuel house. Yoa muddah braddah Laban, he get daughtahs. Pick one a dem fo come yoa wife.

Start 28:7

Esau know dat Jacob wen lissen his faddah an muddah guys an go Paddan-Aram side.

2 Samuel 21:21

Wen he bad mout da Israel army guys, Jonathan (his faddah Shammah David braddah) wack um so he mahke.

2 Samuel 23:9

Nex, get Eleazar, Dodai boy an Akoah grankid. He one a da three bestes army guys too. Eleazar, he stay wit David da time dey tell da Filisha army guys dey no good wen dey come togedda dea fo fight. Da odda Israel army guys, dey bag awready.

Job 27:1

Job no pau talk yet. Dis wat he tell:

Job 29:1

Job talk some moa:

Songs 49:5

Wen get trouble, I no need stay sked, Wen da bad guys dat like shaf me, Come all aroun me.

Songs 78:2

I goin tell you guys stories Fo teach importan kine stuff fo make you tink, Fo make you guys undastan Wat da local kine peopo wen talk about Long time befo time, Dass hard fo undastan.

Smart Guys 26:2

Wen you like put kahuna on top somebody, Jus cuz you no like um, No goin hurt him notting, Jalike no hurt wen da sparrow bird fly all ova da place O da swallow bird zigzag across da sky.

Ezekiel 17:2

“Eh! Fo Real Kine Guy! Tell da Israel ohana peopo one story fo teach importan kine stuff fo make um tink.

Ezekiel 20:49

Den I tell, “Eh! Da One In Charge, da Boss! Da peopo talk lidis bout me. Dey tell, ‘He ony tell da kine stories dat make him look smart but no mean notting!’ ”

Micah 2:4

Dat time, peopo goin sing one song bout you guys. Dey goin make fun a you guys. Dey goin ack jalike dey cry an make long face. Dey goin sing dis sad song: ‘Da One In Charge split up oua property! He take away da land from oua peopo! Now us no mo notting! He give oua fields to da guys dat wen make us prisonas!’ ”

Habakkuk 2:6

“All da nations dat da Babylon army guys take ova, dey goin start fo make fun a da big head Babylon army guys. Dey goin laugh at dem, cuz dey no mo respeck fo dem. Dey goin sing to dem dis mean kine song erybody know: “ ‘Bummahs, fo you Babylon guys! Dat rip off odda peopos property! You guys wen put presha on peopo fo give you stuffs! How long you goin make lidat an no lose um, aah?!’ ”

Census 22:11

‘You know wat? One peopo dat wen come outa Egypt stay cova da land. Now come put kahuna on top dem fo me. Maybe den I can fight dem, an make dem get outa da land.’ ”

Census 22:17

Cuz I goin pay you plenny. An I goin do eryting you tell me fo do. Go come put kahuna on top dose peopo fo me!’ ”

Census 23:18

Den Balaam tell da spesho message he get from God: “Lissen up, Balak! Hear me, Zippor boy.

Census 23:6

So Balaam go back by Balak. Balaam see him standing dea by da side a his burn up kine sacrifice, wit all da Moab prince guys dea.

Census 24:15

Den Balaam tell dis spesho message from God: “Dis da word from Balaam, Beor boy, Da word from me, Da man dat see tings real good now.

Census 24:21

Den Balaam look wea da Ken peopo stay, an tell dis spesho message from God: “Wea you live, goin stay long time. Jalike one bird, you wen put yoa nes on top one cliff.

Census 24:23

Den Balaam tell dis spesho message from God: “Bummahs! Who can stay alive wen God make all dis happen?!

Census 24:3

an he tell dis spesho message from God: “Dis da word from Balaam, Beor boy, Da word from me, Da man dat see tings real good now.

Matthew 13:33

Jesus teach da peopo wit anodda story. He tell, “Wen God in da sky stay King, dass jalike wen one wahine take yeast an mix um wit plenny dough fo make bread. Bumbye da whole dough goin come mo big, cuz a da yeast.”

Matthew 13:35

He do um lidat fo make um happen jalike da guy dat talk fo God wen tell befo time, “I goin tell stories fo teach, I goin tell stuff dat nobody know From dat time wen God make da world till now.”

Mark 12:12

Den da Main Pries dem stay tink how dey goin bus Jesus, cuz dey know he stay talk bout dem. But dey sked da peopo. So dey go way from him.

Rules Secon Time 23:4

Cuz wen you guys stay come outa Egypt, da Ammon peopo neva come out fo meet you guys wit bread an watta. An da Moab guys wen pay Baalam, Beor boy from Petor inside Aram-Naharaim fo put kahuna on top you guys.

1 Samuel 17:10

Den he tell, “Today, I goin make you Israel guys come shame! Give me one a da guys dat stay all line up ova dea yoa side fo me an him fight awready!”

1 Samuel 17:36

Eh, Boss! I wen kill da lion an da bear too. Dis Filisha guy dat no mo da cut skin mark fo show he God guy, he goin be jalike da lion an da bear, cuz he talk big agains oua army dat fight fo da God dat stay alive fo real kine.

1 Samuel 17:45

David tell Goliat, da Filisha guy, “You! You stay come agains me wit one sword an wit one big spear fo poke an one small spear fo throw. But me, I come agains you cuz I know wat kine god Da One In Charge stay! He Da God Ova All Da Armies, da God dat da Israel army guys pray to. Him, da one you wen talk bad bout!