Census 21:29 - Hawaii Pidgin Bible

²⁹ Bummahs! You Moab peopo! You peopo dat pray to da god Kemosh, You come wipe out awready! Da Moab king, his boys run away, An his girls come prisonas. Sihon take um. He one king guy fo da Amor peopo.

Census 21:29 ပူးပေါင်းရင်းမြစ်များ

1 Kings 11:33

Az cuz da Israel peopo wen leave me. Solomon go pray to Ashtoret da wahine god fo da Sidon peopo, an Kemosh da god fo da Moab peopo, an Molek da god fo da Ammon peopo. He no live da way I tell um fo live. He no do da tings dat I tell stay right. He no do wat I tell um he gotta do. He no lissen me, da real Judge. Solomon no make jalike David, his faddah, cuz David do all dat da right way.

1 Kings 11:7

He wen build one place on top da Olive Ridge across Jerusalem fo pray to Kemosh da pilau idol kine god dat da Moab peopo stay pray to, an anodda place fo Molek da pilau kine idol god dat da Ammon peopo stay pray to.

2 Kings 23:13

An da king make um fo nobody use da sacrifice places on top da hills across Jerusalem, da south side a da Olive Ridge. Solomon, da king fo da Israel peopo, wen build dose places fo Ashtoret, da pilau wahine god fo da Sidon peopo, fo Kemosh, da pilau god fo da Moab peopo, an fo Molek, da god dat erybody hate, da pilau god fo da Ammon peopo.

Isaiah 15:5

Inside I stay cry fo da Moab peopo. Da peopo from dea run all da way to Zoar town An to Eglat-Shelishiyah. I stay cry cuz dey go up da way fo go to Luhit, An dey still stay cry wen dey stay going. I stay cry cuz on top da road to Horonaim, Da peopo stay yell An tell bout dea place Wea eryting stay broke.

Isaiah 16:2

Da Moab wahines dat run away Fo go cross ova da Arnon Stream, Dey goin hang aroun dea an donno wea fo go, Jalike wen somebody throw da bebe birds outa dea nes.

Jeremiah 48:13

Den da Moab peopo goin come shame Cuz dea idol god Kemosh no help dem, Jalike da Israel ohana wen come shame Da time dea gold calf statue get smash Bethel side.

Jeremiah 48:45

“Peopo run away to Heshbon town Cuz dey tink da Heshbon peopo can proteck um. But no can! Cuz get one big fire come outa Heshbon town, From da place wea Sihon was king befo time. Dat fire goin burn da Moab peopo head An burn da hair off dea guys dat like talk big.

Jeremiah 48:46

Bummahs, fo you Moab peopo! You peopo dat pray to da god Kemosh, you come wipe out awready! Dey catch yoa boys an make dem prisonas. Dey catch yoa girls an let da army guys take um.

Jeremiah 48:7

You guys make jalike all da stuff you do An all da rich kine stuff you get Goin get you outa trouble. But da Babylon army guys still yet goin catch you guys An make you prisonas. Dey goin make yoa idol kine god Kemosh dea prisona, Same ting fo all yoa pries guys an leada guys.

Census 24:17

“I see him, but az not fo now. Wat I see, no stay nea. One star goin come out from da Jacob peopo. One king goin come from da Israel peopo. He goin smash da Moab peopo head, An da skulls a da Shet peopo.

Local Leadas 11:24

Keep da property yoa god Kemosh wen give you. Same ting, us guys goin keep da property dat oua God, Da One In Charge, wen give us.