Census 21:28 - Hawaii Pidgin Bible

²⁸ Had fire go out from Heshbon, One big fire come from Sihon big town. Da fire burn up Ar, Moab side, An da ones dat own da up country Nea da Arnon Riva.

Census 21:28 ပူးပေါင်းရင်းမြစ်များ

Songs 78:63

Da war eat up dea young guys Jalike fire wen kill um. Dea young girls, Nobody sing wedding song fo dem Cuz no mo nobody fo dem marry.

Isaiah 10:16

Cuz a dat, Da One In Charge, da Boss, da God Ova All Da Armies, He goin make da big Assyria army guys Come sick an skinny, An come mo an mo weak jalike get feva. Fo shua, God goin light one fire Dat goin burn up all da awesome stuff Dat da Assyria king wen get.

Isaiah 15:4

Da Heshbon an Elealeh peopo stay cry. Can hear dea voice from one far place, Even from Jahaz town. Dass why da army guys from Moab stay yell, But inside, dey stay sked an shaking!

Isaiah 16:12

Bumbye, no matta da Moab peopo go up Da sacrifice places fo dea gods on top da hills, An no matta dey work real hard an stay tired Fo go pray inside da temple dat stay spesho fo dea gods, All dat, no goin do notting fo dem!

Amos 1:10

Dass why I goin sen army guys Fo burn down da Tyre town wall. Da fire goin eat up da palaces dat get strong wall.”

Amos 1:12

Dass why I goin sen army guys fo burn Teman town, An da fire goin eat up da palaces dat get strong wall, Bozrah town.”

Amos 1:14

Dass why I goin make da Rabbah town wall burn An da fire goin eat up all da palaces dat get strong wall. Goin get war an peopo yelling An fighting jalike one hurricane kine wind storm.

Amos 1:4

Dass why I goin sen army guys fo burn da palace Dat dea King Hazael wen build. Dis fire goin eat up eryting dea, An da Ben-Hadad Fort dat get strong wall too.

Amos 1:7

Dass why I goin sen army guys fo burn down da Gaza town wall An burn up da palaces dat get strong wall.

Amos 2:2

Dass why I goin dump fire on top da Moab land Fo burn up da palaces dat get strong wall, Keriot town. Da Moab peopo goin mahke, Goin get war an peopo yelling an trumpet noise.

Amos 2:5

Dass why I goin dump fire on top da Judah peopo Fo burn up da palaces dat get strong wall, Jerusalem town.”

Census 21:15

An da cliff in da small gulches dat go nea da town dey call Ar, Wea can look down an see da edge a da Moab land.”

Census 21:27

Az how come da poet guys tell: “Go come by Heshbon An build um one mo time. Make Sihon big town new one mo time.

Census 22:41

Da nex morning, Balak take Balaam up by Bamot Baal, an from dea he can see some a da Israel peopo.

Rules Secon Time 2:18

‘Today you guys goin pass Moab, an go way from dea land nea Ar town.

Rules Secon Time 2:9

“Den Da One In Charge tell me, ‘No make hard fo da Moab peopo an make dem like make war wit you guys. Cuz I no goin give you guys notting from dea land. I awready give dea main town Ar to da Moab peopo dat get Lot fo dea ancesta.’ ”

Local Leadas 9:15

“Da thorn plant tell da trees, ‘If az true, dat you guys like pick me fo come da king fo you guys, come unda my shade fo me proteck you. But if you no like, den I like da fire come outa dis thorn plant, an burn up da big cedar trees inside Lebanon!’ ”

Local Leadas 9:20

But if az not how, den I like da fire come out from Abimelek an burn you leada guys up, an fire come out from you leada guys from Shekem an Bet-Millo an burn up Abimelek!”