Census 21:26 - Hawaii Pidgin Bible

²⁶ Heshbon, dass da main town wea Sihon stay da king fo da Amor peopo. Befo time Sihon wen fight da Moab king, an take away all his land to da Arnon Riva.

Census 21:26 ပူးပေါင်းရင်းမြစ်များ

Love Song 7:4

Yoa neck jalike one towa, smooth jalike ivory. Yoa eyes jalike da pools inside Heshbon town, By da Bat-Rabbim gate. Yoa nose jalike da Lebanon towa Dat stay face Damascus town.

Love Song 7:5

Yoa head awesome an tall, jalike Mount Carmel. Real beautiful, yoa long dark hair. Can make one king yoa prisona wit um.

Jeremiah 48:2

No mo nobody goin talk good no mo bout da Moab peopo. Inside Heshbon town get guys dat make plan fo wipe dem out. Dey tell: ‘Go come, fo us go wipe out da whole Moab nation!’ All you Moab guys dat live in Madmenah town goin mahke. You no can run away from da war dat goin come!

Jeremiah 48:20

Dey goin tell: ‘Us Moab peopo get plenny shame Cuz us lose da war. Yell fo da mahke peopo! Cry cuz you need help too! Tell erybody by da Arnon Riva Dat oua Moab land come wipe out awready!

Jeremiah 48:45

“Peopo run away to Heshbon town Cuz dey tink da Heshbon peopo can proteck um. But no can! Cuz get one big fire come outa Heshbon town, From da place wea Sihon was king befo time. Dat fire goin burn da Moab peopo head An burn da hair off dea guys dat like talk big.

Census 21:25

Da Israel guys take ova all da Amor towns, an stay dea—Heshbon an all da small towns aroun um.

Census 21:27

Az how come da poet guys tell: “Go come by Heshbon An build um one mo time. Make Sihon big town new one mo time.

Rules Secon Time 1:4

Moses tell um dis afta dey win ova Sihon, da king fo da Amor peopo dat stay inside Heshbon, an afta dey win ova Og, da king fo da Bashan peopo dat stay inside Ashtarot an Edrei.

Joshua 13:16

Dey get da land from Aroer on da edge a da Arnon Canyon, an from da town inside da middo a da canyon, an da flat place aroun Medeba,

Joshua 13:17

to Heshbon an all da towns on top da flat place: az Dibon, Bamot-Baal, Bet-Baal-Meon,

Joshua 13:25

da land fo da Jazer peopo, all da towns inside Gilead, an half da Ammon land up to Aroer nea Rabbah,

Joshua 21:39

Heshbon, an Jazer, an dea grass fields, dass four towns.

Local Leadas 11:26

Fo three hundred year da Israel peopo stay inside Heshbon town, Aroer town, da odda towns aroun dea, an all da towns by da Arnon Riva. How come you guys neva take um back dat time?