Census 20:15 - Hawaii Pidgin Bible

¹⁵ Oua ancesta guys wen go down Egypt side an we live ova dea long time. Da Egypt guys give us an oua ancestas one hard time.

Census 20:15 ပူးပေါင်းရင်းမြစ်များ

Start 15:13

Den Da One In Charge tell Abram, “I like fo you know dis fo shua: Da peopo dat goin come from you, dey goin live inside anodda land dat not dea land. Da peopo ova dea goin make dem come dea slaves. Fo four hundred year, dey goin make any kine to dem.

Start 46:6

Dey take wit dem all dea sheeps, dea cows, an all da rich stuffs dey get inside da Canaan land. Dass how wen happen wen Jacob an all da peopo dat come from him go Egypt side.

Start 46:7

His boys an dea kids, an his girls an dea kids—all da peopo dat come from Jacob, he bring um all Egypt side wit him.

2 Samuel 12:18

Day numba seven, da bebe mahke. David worka guys sked fo tell him dat da bebe mahke. Cuz dey figga, “Wen da bebe still alive, we talk to David, but he no lissen us. How we goin tell him dat da bebe mahke? Maybe he goin do someting bad!”

Outa Egypt 1:16

“Erytime wen you stay help da Israel wahines born one bebe, an you see um ova dea on top da spesho stone fo born one bebe, if get boy kine, kill um! If get girl kine, let um live.”

Outa Egypt 1:22

Den, da Pharaoh guy tell all his peopo, “All da small boy kine bebes from da Israel peopo, throw um inside da Nile Riva! But da girl kine, let um live.”

Outa Egypt 12:40

Da time dat da Israel peopo wen live Egypt side was 430 year.

Outa Egypt 5:14

Da guys in charge a da slaves fo da Pharaoh guy, dey bus up da luna guys from da Israel peopo dat was da leadas fo da odda worka guys. Dey tell da luna guys, “Eh! Yestaday an today, how come you guys neva pau yoa job, an make da same numba bricks jalike befo time?!”

Census 11:5

We no foget da fish us wen eat inside Egypt, an us no need pay fo um! An da cucumbas, da wattamelons, da skinny flat kine onions, da regula kine onions, an da garlic!

Census 16:13

No enuff you wen bring us guys outa da Egypt land dat get plenny milk an honey, fo let us guys mahke ova hea inside da boonies! An now you like come da boss ova us guys too!

Census 20:14

From Kadesh, Moses sen messenja guys by da king fo da Edom peopo. He tell, “Dis wat yoa braddah Israel tell: You know bout all da hard time us guys wen suffa.

Census 20:16

But wen us guys call out to Da One In Charge fo help us, he hear us, an he sen one angel messenja guy fo bring us outa Egypt. “An now, us guys stay ova hea Kadesh side, one town by da borda a yoa country.

Jesus Guys 7:15

Dass how Jacob go Egypt side. Bumbye he mahke, an oua ancesta guys, dey mahke too.

Jesus Guys 7:19

He bulai oua peopo an make oua ancesta guys suffa plenny. He make dem throw out dea bebes dat jus born fo dem mahke.

Rules Secon Time 26:6

But da Egypt peopo make any kine to us guys, an make us suffa an work real hard.