Census 16:33 - Hawaii Pidgin Bible

³³ Dey go down inside da Mahke Peopo Place wen dey still yet stay alive, wit all dea stuffs. Den da earth cova dem, an dey mahke. Dey stay wipe out from dea peopo.

Census 16:33 ပူးပေါင်းရင်းမြစ်များ

Songs 141:7

Jalike wen da groun split an open up, Oua bones goin scatta all ova da place In front da Mahke Peopo Place.

Songs 143:7

Try do someting fo me real quick, Da One In Charge! Cuz I desperate! No look da odda way Fo me no see yoa face! Cuz if I no stay tight wit you, I goin come jalike da odda guys Dat go down da Deep Dark Hole.

Songs 55:15

I like fo da peopo mahke Dat stay agains me, Wen dey tink notting goin happen To dem! I like fo dem go down Da Mahke Peopo Place Wen dey still alive, Cuz any place dey live, Dey stay do bad kine stuff.

Songs 55:16

But me, I stay yell to God fo help me. Da One In Charge Goin get me outa trouble!

Songs 55:23

But God, you goin throw down Da bad kine peopo Inside da deep hole fo mahke. Da kine guys dat like make peopo Bleed an mahke, An dat like bulai peopo, Dey goin live ony half dea life. But me, I stay trus you!

Songs 69:15

No let da flash flood carry me away, No let da deep watta Pull me down inside, No let da Deep Dark Hole Cova me.

Songs 9:15

All da diffren peopos, dey fall down Inside da same hole dey wen dig. Da same net dey wen hide Catch dea own feets.

Isaiah 14:15

But now, God bring you guys down to Da Mahke Peopo Place, Da mos far part a Da Deep Dark Hole.

Isaiah 14:9

Da peopo down inside Da Mahke Peopo Place Dey no can wait fo meet you guys Cuz you goin go down dea too. Da spirits a da mahke leada guys from da whole world, Da kings fo all da countries, Dey goin stan up from dea thrones fo meet you guys.

Isaiah 38:18

From inside da Mahke Peopo Place, No mo nobody can tell dey know how awesome you Da mahke peopo no can tell dat you da greates. Da peopo dat go down inside da Deep Dark Hole, Dey no wait fo you do wat you tell you goin do.

Ezekiel 31:14

Az why no goin get anodda tree dat drink plenny watta grow real tall lidat, above da odda trees dat get plenny leaf. Da ones dat drink plenny watta fo come tall, dey all goin mahke an go down inside da groun, wit da odda peopo dat mahke an go down inside da Deep Dark Hole.

Ezekiel 32:18

“Eh! Fo Real Kine Guy! Cry real loud cuz get plenny Egypt peopo make tantaran. Go make Egypt go down undaneat da groun wit da wahines from odda importan nations, an wit da odda peopo dat go down inside da Deep Dark Hole.

Ezekiel 32:30

All da princes from da north side, an all da Sidon peopo stay dea too. Dey wen go down wit da ones dat get kill. Befo time, dey make erybody come sked cuz dey strong. But now, dey shame. Dey lay down dea wit da odda guys dat no mo da mark from God, an dey get kill wit swords. Dey get shame, jalike da odda peopo dat go down inside da Deep Dark Hole.

Census 16:32

an jalike da earth swallow dem, an dea ohanas, an all da Korah guys, an all dea stuffs.

Census 16:34

Wen da Korah guys yell, all da Israel peopo aroun dem run away an yell, “Da earth goin swallow us guys too!”

Census 22:33

Da donkey see me an turn away three time. If she neva turn away, fo shua I kill you befo now, but I no kill da donkey.”

Census 26:11

But not all da Korah line mahke dat time.

Rules Secon Time 32:22

I stay huhu jalike one fire dat stay burn. Da fire dat burn all da way To da bottom a da Mahke Peopo Place, Goin burn up da earth an da food dat grow on top um. Goin burn up da foundations fo da mountains.

Jude 1:11

Wassamatta dem?! Dey goin get it! Dey goin go down da same road jalike Cain. Dey do any kine dey like do fo make money, jalike Balaam. Dey goin come wipe out, jalike wen Korah go up agains Moses.