Census 16:22 - Hawaii Pidgin Bible

²² But Moses an Aaron go down an put dea face on top da groun, an yell, “God, you da God fo da spirits a all da peopo on top da earth! Try no come huhu wit all da peopo wen ony one guy wen do one bad ting!”

Census 16:22 ပူးပေါင်းရင်းမြစ်များ

Start 18:32

Den Abraham tell, “Boss, dis da las time I goin talk, so, no come huhu, aah? Wat if ony get ten ova dea?” Da One In Charge tell, “Fo da ten good peopo, I no wipe out da oddas.”

2 Samuel 24:1

Anodda time, Da One In Charge come huhu wit da Israel peopo. So den he make David stay agains dem too. Da One In Charge tell, “Go count da Israel an Judah guys.”

2 Samuel 24:17

Wen David see da angel dat stay kill da peopo, he tell Da One In Charge, “Eh! I da guy dat wen do dis bad kine ting! I da one wen do wass wrong! But dese guys, dey jalike sheeps! Dey neva do notting bad! Mo betta punish me an my braddahs an sistahs!”

Job 12:10

Eryting dat stay alive, God hold um inside his hand. An all da peopo dat breave, same ting.

Songs 99:6

Moses an Aaron, dey was pries guys Dat work fo God. Samuel too, he was one a dem guys Dat wen tell God fo help um Cuz dey know who him. All dem guys, wen dey yell To Da One In Charge fo help um, Da One In Charge lissen dem An help um.

Teacha 12:7

O oua body go back inside da dirt wea we come from, An oua spirit go back by God dat give um to us.

Isaiah 57:16

Cuz no goin be foeva, Dat I poin finga peopo an stay huhu. Az cuz if I wen stay lidat, Den peopo spirits wen come weak wen dey see me— No matta me da One wen make dem breave.

Jeremiah 32:27

“Fo shua, Me, Da One In Charge, da God fo all da peopos inside da world. You tink someting too hard fo me fo do, o wat?!

Jeremiah 38:16

But da king make one secret kine strong promise to Jeremiah. He tell: “Jalike fo shua Da One In Charge stay alive, an he da One make us guys stay alive too, same ting I stay shua I make dis strong promise: I no goin kill you o give you to da guys dat like kill you.”

Ezekiel 18:4

Cuz erybody dat stay alive, dey mines, da faddah-muddah guys an dea kids too. You do bad kine stuff, you goin get cut off from me!

Prieses 10:6

Den Moses tell Aaron an his odda boys, Eleazar an Itamar, “You pries guys, no do notting fo show dat you guys stay feel sore inside. No jam up yoa hair, an no rip yoa clotheses. Cuz if you make jalike you sore inside, you goin mahke, an Da One In Charge goin come huhu wit all da peopo. But yoa ohana an all da odda Israel peopo, okay fo dem cry fo da guys dat Da One In Charge wipe out wit da fire.

Prieses 4:3

“If da guy dat do someting bad stay da Main Pries Guy dat me Da One In Charge wen pick, dat goin put da blame on all da peopo. So da pries guy gotta bring one boy kine calf fo me, dat no mo notting wrong wit um. He gotta make one sacrifice fo me cuz he da Main Pries Guy, an he da one wen do someting bad.

Zekariah 12:1

Dis wat me Da One In Charge tell bout da Israel peopo. Da One In Charge, da One dat spread out da sky, Dat put down da foundation fo da earth, An make da spirit inside peopo. I tell dis:

Census 14:5

Den Moses an Aaron go down an put dea face on top da groun fo pray in front all da Israel peopo dat come togedda wit dem.

Census 16:23

Den Da One In Charge tell Moses,

Census 16:4

Wen Moses hear dat, he go down an put his face on top da groun.

Census 16:45

“Go way from all dese peopo, fo me wipe dem all out right now!” But Moses an Aaron go down an put dea face on top da groun.

Census 27:16

“I like fo you, Da One In Charge, da God fo all da spirits fo all da peopo inside da world, pick one guy fo take ova dese peopo,

Rome 5:18

Az why, had dat one guy dat wen do wat he not suppose to do. Cuz a dat, now erybody gotta get punish. But den same ting, had anodda guy dat wen do da right ting. Cuz a dat, erybody can get um right wit God an come alive fo real kine.

1 Corint 13:7

Wen you get love an aloha, you can hang in dea fo eryting an no give up eva. You erytime trus God bout eryting. You know eryting goin come out good bumbye. An you can be strong erytime.

Hebrews 12:9

You know, all us guys wen get oua real faddahs fo tell us guys wen we do wass wrong fo help us guys learn stuff. An cuz a dat, we get respeck fo dem. So den even mo, us guys gotta lissen God. He jalike oua Faddah fo make us guys come alive inside. An den we goin live fo real kine!

Joshua 22:18

So! You guys still yet goin tell “Laytas” to Da One In Charge, o wat?! “ ‘If you guys go agains Da One In Charge today, fo shua tomorra he goin come huhu wit all us Israel peopo togedda!