Census 14:41 - Hawaii Pidgin Bible

⁴¹ But Moses tell, “How come you guys goin go wea Da One In Charge tell you fo no go?! Dis no goin come out good!

Census 14:41 ပူးပေါင်းရင်းမြစ်များ

2 Records 24:20

Den Da Spirit from Da One In Charge take ova Zekariah, Jehoiada da pries guy boy. He stan in front da peopo, an tell, “Dis da message from God: ‘How come you guys neva lissen wat me, Da One In Charge, wen tell you guys fo do? No mo notting goin come out good fo you guys. You guys wen bag from me, Da One In Charge! Az how come I bag from you guys!’ ”

Job 4:9

From his mout God blow, an dey come wipe out. He come huhu, an dass it fo dem.

Jeremiah 2:37

Wea eva you guys go fo make one deal Fo dem help you, You goin go way from dea Wit yoa hands on top yoa head, Cuz dey make you come dea prisonas! Az cuz da peopos dat you guys trus, Dey no good. Me, Da One In Charge, an I tell you dat awready! You guys stay tight wit dem, Az why notting goin come good fo you guys.

Jeremiah 32:5

Da Babylon king goin take Zedekiah Babylon side, an he goin stay ova dea till I do wat I like do bout him. If you fight da Babylon guys, you no can win ova dem.’ Az wat Da One In Charge tell.”

Census 14:25

But cuz da Amalek peopo an da Canaan peopo live inside da valleys, turn back aroun tomorra, an go back inside da boonies by da road dat go by da Red Sea!”

Rules Secon Time 1:42

“But Da One In Charge tell me, ‘Tell dem, no go up dea fight, cuz I no goin go wit dem. Da guys dat stay agains dem goin win ova dem.’

1 Samuel 15:19

How come you no lissen wat Da One In Charge tell?! How come you jump all ova da Amalek peopo stuffs fo rip um off?! Da way Da One In Charge see um, az bad, da ting you wen do!”