Census 14:14 - Hawaii Pidgin Bible

¹⁴ den dey goin tell da peopo inside da Canaan land bout um. Dose peopo awready hear bout you, Da One In Charge. Dey hear you stay with dese Israel peopo. Dey hear dat da Israel peopo can see you, Da One In Charge, erytime yoa cloud stay ova dem, an wen you go in front dem inside one cloud dat go from da groun to da sky day time, an nite time one fire dat go from da groun to da sky.

Census 14:14 ပူးပေါင်းရင်းမြစ်များ

Start 32:30

Jacob give dat place da name Peniel, dat mean, “God face.” Cuz he tell, “I wen see God! I wen look his face, an I alive still yet!”

Nehemiah 9:12

Day time, had one cloud dat go from da groun to da sky, Fo show da peopo wea fo go. Nite time, had fire dat go from da groun to da sky, Fo give um light fo see dea way, wea dey stay go.”

Nehemiah 9:19

“Cuz you get plenny pity fo dem still yet, You neva go way an leave dem Ova dea inside da boonies. Da cloud dat go from da groun to da sky fo show um wea fo go Neva go way from dem. Nite time, da fire dat go from da groun to da sky Give um light fo see da way dey goin go.

Songs 105:39

God wen spread out one cloud Fo cova dem, day time, An he give um one fire fo shine light, Nite time.

Songs 78:14

Day time, God wen use one cloud Fo show da peopo wea fo go, Nite time, he wen use da light From one fire dat go up to da sky Fo show um da way.

Outa Egypt 15:14

Da odda peopos, dey goin hear dis, Dey come sked an shaking! Da peopo dat live inside da Filisha land, Dey suffa plenny!

Outa Egypt 33:11

Da One In Charge, he stay talk wit Moses, jalike wen one guy stay talk wit his fren. Afta, Moses go back da camp. But da young helpa guy fo Moses, dass Joshua, Nun boy, he no go way from inside da tent, he stay dea.

Outa Egypt 33:16

Cuz ony get one way dat anybody goin find out dat you like me an yoa peopo. You gotta go wit us guys! An if you go wit us guys, az how me an yoa peopo goin be diffren den all da odda peopos inside da world.”

Outa Egypt 40:38

Day time, da Cloud From Da One In Charge stay ova da Tent. Nite time, inside da Cloud, get fire. All da Israel peopo can see da fire burning dea. Dass how was, all da time da Israel peopo stay go outa Egypt till dey get to dea land.

Census 10:34

Ery day, day time, da cloud from Da One In Charge stay ova dem wen dey move camp.

Census 12:8

Wit him, I can talk strait. Wen I talk, I make shua he know wat I mean. I no hide wat I tell, not wit da hard fo undastan kine talk. He know how I look like, me, Da One In Charge. So den! How come you guys no sked Fo grumble bout my worka guy Moses?!’ ”

John 1:18

No mo nobody wen see God fo real kine. But ony dat Guy wen see um. No mo anodda guy jalike him cuz he God too. No mo nobody stay mo tight wit his Faddah den him. He da One dat wen show how God stay.

John 14:9

Jesus tell him, “I stay wit you guys long time, an you still yet donno who me, Philip? Whoeva see me, dey see my Faddah. So how come you tell, ‘Show us yoa Faddah’?

1 Corint 13:12

Right now, us guys can undastan stuff, but ony jalike us see someting in one junk kine mirror. Hard fo figga wat we see in dea. But bumbye, goin come clear. Us guys goin see eryting jalike stay right dea in front oua face. Right now, I ony know litto bit. But bumbye, I goin undastan eryting, jalike God undastan eryting bout me.

Rules Secon Time 1:19

“Den, jalike wat oua God, Da One In Charge, tell us fo do, we go from Mount Sinai to da hills inside da Amor peopo land. We go thru da big an skery boonies dat you guys wen see. Den we reach Kadesh-Barnea.

Rules Secon Time 34:10

From dat time no mo nobody talk fo God da way Moses talk to da Israel peopo. Da One In Charge know Moses, jalike wen one guy stay talk wit his fren.

Rules Secon Time 5:24

You guys tell, ‘You know wat? Oua God Da One In Charge wen show us how awesome an importan he stay. An we hear his voice come from inside da fire. Today we see dat peopo can stay alive still yet, even if God talk to um.

Rules Secon Time 5:4

Da One In Charge talk fo real kine wit you guys right dea, from inside da fire on top da mountain.

Joshua 5:1

Dat time, da Amor peopo live da west side a da Jordan Riva. Da Canaan peopo live on da coast. Da king guys fo da Amor peopo an da Canaan peopo hear how Da One In Charge wen make da Jordan Riva come dry, fo us Israel peopo go across um. Az why dey wen come bum out. Dey lose fight an no like beef da Israel peopo.

1 John 3:2

My good frenz, us God kids awready. God no show us yet wat kine peopo we goin be bumbye. But we know dat wen Christ come back, us guys goin be jalike him, cuz us goin see him da way he stay.