Census 14:11 - Hawaii Pidgin Bible

¹¹ Da One In Charge tell Moses, “How long dese peopo goin make to me jalike I no good? How long dey no goin trus me, no matta I do all kine awesome stuff in front dem fo show um wat kine god me?

Census 14:11 ပူးပေါင်းရင်းမြစ်များ

Songs 106:24

Afta dat, da peopo neva like come Inside dis nice land. Dey ack jalike da place no good. Wen God make one promise to dem Dey neva trus him fo do um.

Songs 78:22

Cuz dey neva trus God, az why. Dey neva like tink lidis: “God da One Fo get us guys outa trouble!”

Songs 78:32

But no matta wat God do, Da peopo still yet do bad kine stuff. Dey no trus God, even afta Dey see da awesome tings he do.

Songs 95:8

God tell, “Eh! No be hard head, Jalike befo time Wen yoa ancesta guys wen stay Inside da boonies, Dis da place dey call Meribah, Cuz yoa ancesta guys wen fight me, Dey call dat same place Massah too, Cuz yoa ancesta guys Wen tes me ova dea.

Outa Egypt 10:3

So Moses an Aaron go by da Pharaoh guy. Dey tell um, “You betta lissen! Dis wat Da One In Charge tell, da God fo da Hebrew peopo. God tell, ‘Eh! How long you goin tink you no need fo come notting in front me, haa?! Let my peopo go way from hea fo dem make one religious kine ceremony fo me.

Outa Egypt 16:28

Den Da One In Charge tell Moses, “How much time you guys no goin do wat I tell you fo do, an no lissen my Rules?!

Outa Egypt 23:21

Make shua you lissen him good wen you wit him, an do wat he tell you fo do. No go agains him wit bad attitude. Cuz if you guys go agains wat he tell, he goin had it wit dat cuz he get his powa from me.

Outa Egypt 32:9

Da One In Charge tell Moses: “I know dis peopo. Dey real hard head.

Smart Guys 1:22

“Eh, you guys dat donno notting an easy fo bulai! You guys like stay lidat, o wat?! An you buggahs dat no mo respeck fo nobody cuz you tink you real smart, You like stay lidat?! You stupid buggahs dat figga you no need learn notting, How come you no like wen peopo try tell you da trut?!

Jeremiah 13:10

Dese peopo, dey real bad. Dey no like lissen wat I tell um. Dey ony like do wat dey like do, cuz dey hard head. An dey go afta gods dat not dea god, fo dem work fo dose gods, an go down an show respeck fo dem. Cuz a dis, dey goin come jalike dis malo, good fo notting.

Jeremiah 4:14

Eh you Jerusalem peopo, throw out da bad kine stuff from inside you, Fo Da One In Charge get you guys outa trouble! How long you guys goin make plan Fo do wrong kine tings?!

Ezekiel 20:13

But da Israel ohana wen go agains me inside da boonies. Dey no live da way I tell um dey gotta live, an dey bag from wat I tell um bout wass right an wass wrong. Cuz whoeva lissen my rules, dey goin stay alive if dey do um. An da Israel ohana guys make all my Res Days come real pilau. So I wen tell dat I goin stay huhu wit dem an wipe um out ova dea inside da boonies.

Hosea 8:5

“You Samaria peopo, throw out yoa idol kine god Dat look jalike one bebe cow! I stay real huhu wit you guys. How long you guys goin stay do stuff Dat I punish, aah?!

Zekariah 8:14

Dis wat Da One In Charge, Da God Ova All Da Armies, tell: “Befo time I wen like hurt you guys plenny. Wen yoa ancesta guys make me come real huhu, I neva show pity fo dem!

Census 14:23

An cuz dey do dat, no mo nobody from dem goin eva see da land I wen make one strong promise fo give dea ancesta guys. No mo nobody dat make to me jalike I no good, eva goin see dat land!

Census 14:27

“How long moa, all dese bad kine peopo goin grumble bout me?! I hear all da stuff da Israel peopo tell wen dey grumble an poin finga me.

Census 32:10

Da One In Charge come real mad dat time, an he make dis strong promise fo erybody know dat he goin do um:

Matthew 17:17

Jesus tell, “You guys! Nowdays nobody trus God! You guys, yoa head all hamajang! How long mo I gotta take how you guys ack?! Bring da boy ova hea!”

Mark 9:19

Jesus tell, “You guys! Nowdays nobody trus God! How long moa, I gotta be wit you guys an take how you guys ack? Bring da boy ova hea!”

John 10:38

But I stay do wat my Faddah like me fo do. So, no matta you guys no trus me, trus ony da stuff I do. Den you guys goin know an undastan dat my Faddah stay tight wit me, an I stay tight wit my Faddah.”

John 12:37

No matta Jesus wen do plenny awesome stuff in front da peopo fo show who him, dey still yet no trus him.

John 15:24

I do da kine stuff in front dem dat no odda guy do eva. If I neva do dat, den dey neva know dey stay do da bad kine stuff. But now dey see me an my Faddah, an dey hate us two guys.

Rules Secon Time 1:32

“No matta oua God, dass Da One In Charge a us, do all dat, still yet you guys no trus him.

Hebrews 3:16

Who da peopo dat wen hear all dis an go agains Moses, afta dey hear wat Moses tell? Dass all da peopo dat Moses wen bring outa Egypt.

Hebrews 3:18

Who da peopo God stay talking bout wen he make dis strong promise: “No way dem guys eva goin go inside da land I give um fo res”? Az da peopo dat no like lissen him.

Hebrews 3:8

No come hard head, Jalike yoa ancesta guys wen do Dat time dey go agains Moses, Ova dea inside da boonies. Dey even try fo tes God Fo see if he goin punish um.”