Census 12:7 - Hawaii Pidgin Bible

⁷ But az not how I talk wit my worka guy Moses. From all my peopo, he da ony one I know I can trus.

Census 12:7 ပူးပေါင်းရင်းမြစ်များ

Job 1:8

Den Da One In Charge tell Da One Dat Stay Agains God, “Wat you tink bout my worka guy Job? No mo nobody on top da earth stay jalike him. He one guy no mo nobody poin finga him. He erytime do da right ting. He get awesome respeck fo me, God, an he stay away from da bad kine stuff.”

Songs 105:26

God sen Moses, Da guy dat work fo him, An Aaron, da guy God wen pick.

Outa Egypt 33:11

Da One In Charge, he stay talk wit Moses, jalike wen one guy stay talk wit his fren. Afta, Moses go back da camp. But da young helpa guy fo Moses, dass Joshua, Nun boy, he no go way from inside da tent, he stay dea.

Matthew 11:11

“Dass right! An I like tell you guys dis too: From all da peopo dat live befo time, no mo nobody mo importan den John Da Baptiza Guy. But now, even da mostes small kine guy dat get God fo his King, he mo importan den John.

Matthew 11:9

If not dat, wat you go ova dea fo see? One guy dat talk fo God, o wat? I tell you guys dat John, he mo den one guy dat talk fo God.

Jesus Guys 7:31

Wen Moses see dat, dat blow his mind. He go nea ova dea fo check um out, an he hear Da One In Charge tell,

1 Corint 4:2

Da guy dat goin take kea his boss stuffs, he gotta be da kine guy dat goin do wat he suppose to do.

Rules Secon Time 18:18

I goin bring one guy from yoa peopo, dat talk fo me to da Israel peopo, jalike you, Moses. I goin tell dat guy wat fo tell, an he goin tell dem eryting I tell him.

Rules Secon Time 34:5

Den Moses, da guy dat work fo Da One In Charge, he mahke ova dea Moab side, jalike Da One In Charge wen tell him.

1 Timoty 3:15

Cuz if I no can go right now, den you still goin know how da peopo inside God ohana gotta live. Da God dat stay alive foeva, his ohana, dass da church peopo. Da church peopo, dey make shua dey tell da true stuff God tell. Dey jalike da foundation an da main pos dat stay hold up da building.

Joshua 1:1

Joshua, Nun boy, was Moses helpa, an Moses wen work fo Da One In Charge. Afta Moses mahke, Da One In Charge tell Joshua dis:

Joshua 1:2

“My helpa Moses mahke. So now, you an all da Israel peopo get ready fo cross da Jordan Riva, an go inside da land dat I stay ready fo give you guys.