Census 12:3 - Hawaii Pidgin Bible

³ (You gotta know dat dis Moses guy erytime make um so he come las, mo den all da odda peopo on top da earth.)

Census 12:3 ပူးပေါင်းရင်းမြစ်များ

Songs 147:6

Da One In Charge, Fo da peopo dat no ack big, He help um. But fo da peopo dat stay do wass wrong, Jalike he throw dem down On top da dirt.

Songs 149:4

Do dat, cuz Da One In Charge Feel real good bout his peopo, Da ones dat know dey no need Go firs erytime. Da One In Charge make dem da winnas, An make um come awesome.

Census 12:4

Right den an dea Da One In Charge tell Moses, Aaron, an Miriam, “Come out an go by da Tent Wea Da Peopo Meet Me, all three a you guys.” So da three a dem go out by him.

Matthew 11:29

Jalike da cows get yoke on top dem fo pull dea load, you guys put my yoke on top you. Learn fo do wat I stay teach you. I stay gentle kine an I like take kea odda peopo befo I take kea me, fo notting bodda you guys.

Matthew 21:5

“Go tell Zion town, Eh, look! Yoa King stay come by you, He make nice kine to erybody, He stay ride on top one donkey, Even one real young donkey.”

Matthew 5:5

“Da peopo dat no need make odda guys tink dey importan erytime, Dey can stay good inside Cuz God goin give um da whole world.

2 Corint 10:1

Dis yoa braddah Paul stay talking. You guys tink I shame fo talk strait wen I stay wit you guys? But I no shame fo talk strait wen I stay one far place. Eh, I stay tell you guys fo lissen me, cuz Christ get one good heart fo you guys, an he give you guys chance.

2 Corint 11:5

I no tink me less importan den dem odda guys dat tell God wen sen um, da ones dat get big head. Dey not mo betta den me.

2 Corint 12:11

You guys wen ack jalike God neva sen me. Dass why I wen talk lolo kine. But den, mo betta you guys talk good bout me. No matta I notting, dese supa guys dat tell God wen sen dem, dey not mo betta den me.

1 Tessalonika 2:7

You know, Christ wen sen us all ova fo talk fo him. An cuz a dat, we get da right fo go aks you guys fo plenny stuff, if we like. But wen we wen stay wit you guys, we wen treat you nice kine, jalike one muddah take kea her small bebe.

James 3:13

You tink get somebody dat smart an know wat fo do erytime? Kay den. Da guy betta do da right ting erytime, fo him show proof dat he get da smarts from God fo know wat fo do, an he no need be da numba one guy.

1 Peter 3:4

Wat mo importan, yoa good looks gotta come from da inside, an dis stuff goin las foeva, jalike wen you do eryting nice kine, an no make one big deal about notting. God tell, “Dat kine worth plenny to me.”