Census 11:23 - Hawaii Pidgin Bible

²³ Da One In Charge tell Moses, “Wassamatta you?! Me, Da One In Charge, an you tink I no mo enuff powa fo do dat?! Now you goin see if wat I tell goin happen fo you, o not!”

Census 11:23 ပူးပေါင်းရင်းမြစ်များ

Start 18:14

Eh! Me, Da One In Charge! You tink get stuff too hard fo me do um, o wat? I goin come back by you same time nex year, an Sarah goin get one bebe boy.”

2 Kings 4:43

Elisha helpa guy aks, “Wot?! How I goin feed one hundred guys wit ony dis?!” Elisha tell, “Give um to da guys fo eat. Cuz dis da message from Da One In Charge: ‘Wen dey eat, goin get lefovas.’ ”

2 Kings 7:2

Da govmen guy dat come wit da Israel king tell Elisha, da guy dat stay tight wit God, “Wot! You tink Da One In Charge goin open up windows inside da sky an make food come down jalike rain?! No way!” Elisha tell da officer guy, “Fo shua, you goin see um happen jalike I wen tell. But you, you no goin eat notting from dat!”

Songs 78:41

Ova an ova, dey wen tes God Fo find out wat he goin do. Dey wen make him come sore inside, Da One dass good an spesho Fo da Israel peopo.

Outa Egypt 6:1

Da One In Charge tell Moses: “Now, time awready. You goin see wat I goin do to da Pharaoh guy. Cuz I get mo powa den him, he goin make da peopo go way. Cuz I get da powa fo put presha on him, he goin throw da peopo outa his land!”

Isaiah 50:2

Wen I wen come fo help you guys, how come no mo nobody stay hea? Wen I wen call, how come nobody ansa me? You tink I no mo powa Fo get you guys outa trouble, o wat? Tink bout dis: I ony need fo tell da watta, ‘Go! No stay!’ An I make da ocean watta come dry, An I can make da rivas come one desert. Dea fish mahke, An come haunas cuz no mo watta.

Isaiah 59:1

Fo shua, Da One In Charge get plenny powa Fo get us guys outa trouble. Fo shua, he can hear good.

Jeremiah 14:9

How come you ack Jalike you donno wass happening?! How come you ack Jalike one army guy dat no can get us outa trouble?! You stay right hea wit us, Da One In Charge. Erybody know dat us guys yoa peopo. So no leave us!”

Jeremiah 32:17

“You, Da One In Charge, you da Boss! Fo shua you da One wen make da sky an da world, cuz you strong an you no sked use yoa powa. I know, no mo notting stay too hard fo you fo do.

Jeremiah 32:27

“Fo shua, Me, Da One In Charge, da God fo all da peopos inside da world. You tink someting too hard fo me fo do, o wat?!

Ezekiel 12:25

But me, Da One In Charge, I goin tell wat I like tell. An wat I tell no goin take long time fo happen! No matta you Israel guys go agains me. Still yet, I goin do um, same time you guys stay alive. Az wat me da Boss, Da One In Charge, tell.”

Ezekiel 24:14

Me, Da One In Charge, wen tell dis: Time awready fo me do wat I gotta do. I no goin hold back. I no goin show pity fo you guys. I goin judge you guys fo da way you live an da tings you do an punish you. Az wat me Da One In Charge, da Boss, tell.”

Daniel 6:20

Wen he come nea da lion hole, he call Daniel wit one sad kine voice. “Daniel, da worka guy fo da God dat stay alive! Yoa God, da One you work fo erytime, he wen get you outa dis, o wat?!”

Micah 2:7

But you Jacob ohana peopo, You guys tink az good you talk lidat, o wat?! You tink da Spirit a Da One In Charge come huhu too fas? You tink az how he do stuff, o wat? Da One In Charge tell: “Fo shua, wat I tell make good tings happen Fo da peopo dat do right kine stuff.

Census 11:22

You tink, goin get enuff fo dem even if you kill uku plenny sheeps, goats, an cows fo dem, o wat?! You tink goin get enuff if somebody go catch all da fish inside da ocean fo dem, o wat?! No way!”

Census 23:19

God, he not one guy. No way he tell he goin do someting, An den he no do um. He not da kine god goin tell someting, An den tink az mo betta he neva tell dat. Him, he talk, an den he do um. He make one promise, An he do wat he tell he goin do.

Matthew 19:26

Jesus look strait at dem, an tell, “No mo nobody dat can do um, but ony God, he da One dat can do um.”

Matthew 24:35

Da world an da sky goin go way, but da tings I tell no goin go way foeva.

Luke 1:37

Notting too hard fo God, you know.”