Census 11:15 - Hawaii Pidgin Bible

¹⁵ If dis how you goin make to me, den mo betta kill me right now, if you stay good inside bout me. Cuz I no like see da bad tings dat goin happen to me cuz a wat you make me do!”

Census 11:15 ပူးပေါင်းရင်းမြစ်များ

1 Kings 19:4

But Elijah take one mo day fo go mo inside da boonies. He come by one broom tree an sit down undaneat, an he tell God fo let um mahke. He tell Da One In Charge, “I no can handle no moa! Let me mahke awready! No way I one betta man den my ancesta guys!”

Job 7:15

Mo betta somebody choke my neck fo me mahke! Az mo betta den stay inside dis body!

Outa Egypt 32:32

“But now, fo da bad ting dey wen do, if you like let um go an hemo dea shame cuz a dat, az up to you. If you no like let um go, mo betta you wipe out my name too from inside yoa book!”

Jeremiah 15:18

How come I still stay suffa? An how come my plenny sores no heal, an no like come good? You goin come Jalike one small stream Dat stay all dry up, o wat?! You goin come jalike one puka Dat no can trus fo get watta inside, o wat?!”

Jeremiah 20:18

How come I wen born?! Fo shua, az ony fo get trouble an stay sad inside! Ony fo come shame till I mahke!

Jonah 4:3

You, you Da One In Charge! Kill me now, cuz mo betta I mahke den stay alive!”

Zefaniah 3:15

Cuz Da One In Charge no goin punish you guys. He wen make da peopo dat stay agains you go way. Da One In Charge, da king fo us Israel peopo, he stay wit you guys! No sked dat one bad ting goin happen one mo time!

James 1:4

Wen you guys go all out fo hang in dea, dat goin make you guys grow up an come mo strong inside, jalike you suppose to, so dat you guys no need notting moa.