Census 10:9 - Hawaii Pidgin Bible

⁹ Wen you guys go fight inside yoa land agains da guys dat put presha on you guys, blow three short time wit da trumpets. Den me, yoa God, Da One In Charge, no goin foget you guys an get you guys outa da way from da guys dat stay agains you.

Census 10:9 ပူးပေါင်းရင်းမြစ်များ

Start 8:1

All dat time, God no foget Noah an all da wild animals an da farm animals dat was inside da big boat wit him. Dass how come God make da wind blow ova da world, an da flood watta start fo go down.

2 Records 13:12

So den, God stay wit us guys. He oua leada. His pries guys wit dea metal trumpets goin make da signal fo start fo fight you guys. Eh, you Israel guys, no go fight Da One In Charge, da God fo yoa ancesta guys, cuz no way you guys goin win!”

2 Records 13:14

Da Judah guys turn aroun an see dat da Israel guys stay attack dem from da front an da back. Dey yell to Da One In Charge fo help dem, an da pries guys stay blow dea trumpets,

Songs 106:4

Eh! Da One In Charge! Wen you do nice tings fo yoa peopo, No foget me too! Wen you get dem outa trouble, Try help me too!

Songs 106:42

Da peopo dat stay agains da Israel peopo put plenny presha on dem, Az why da peopo dat stay agains da Israel peopo Make to dem jalike dey notting.

Songs 136:23

Us was nobody, but Da One In Charge Neva foget us guys, Cuz he stay tight wit his peopo foeva!

Isaiah 18:3

God tell dis: “All you peopo dat stay live inside da world, Wen I put up my war flag on top da mountains, You goin see um. An wen da trumpet make noise, You goin hear um.”

Isaiah 58:1

Da One In Charge tell: “Yell real loud! No hold back! Jalike one trumpet, make um loud! Tell my peopo, da one dat come from Jacob, How dey go agains me An do bad kine stuff!

Jeremiah 4:19

Den Jeremiah tell, “Bummahs! I suffa plenny! I plenny sore cuz I hurt inside. My heart stay poun hard inside, I gotta tell someting! Cuz I hear da soun from da trumpets fo start fo fight! I hear da army guys yell!

Jeremiah 4:21

How long I gotta look da war flag An hear da soun from da trumpets fo start fo fight?!”

Jeremiah 4:5

Da One In Charge tell: “Tell da Judah peopo! An make da Jerusalem peopo hear dis! ‘Make noise wit da sheep horn trumpet all ova da land!’ Yell real loud an tell, ‘Erybody come togedda! Us guys gotta reach da big towns dat get strong wall!’

Jeremiah 49:2

But Da One In Charge tell: “Az why da time goin come Wen I goin make erybody hear Da trumpet blow fo war Agains Rabbah town, Da main town fo da Ammon guys! Rabbah goin come one big pile a dirt Cuz all da houses goin come bus up. All da towns aroun Rabbah goin burn down. Den da Israel guys goin kick out Da Ammon guys dat wen kick dem out befo time.” Dass wat Da One In Charge tell.

Jeremiah 6:1

“Quick! You Benjamin ohana peopo, run, go hide! Run away from inside Jerusalem! Blow da sheep horn trumpet inside Tekoa town! Light da signal fire ova Bet-Hakkerem town! Cuz get bad kine guys stay come from da north side Fo come bus us up an wipe us out!

Jeremiah 6:17

I wen pick watcha guys fo take kea you guys. I wen tell um, ‘Make shua you guys lissen Wen dey blow da sheep horn trumpet Fo tell da peopo watch out!’ But you guys tell, ‘Us no goin lissen!’

Ezekiel 7:14

Da army guys goin blow trumpets an erybody goin get ready, but no mo nobody goin make war cuz I stay huhu wit all dem.

Hosea 5:8

“Blow da sheep horn trumpet inside Gibeah! Blow da metal trumpet inside Ramah! Yell fo fight inside Bet-Aven! Lead da army guys, you Benjamin guys!

Prieses 23:24

fo tell da Israel peopo dis: “Da month numba seven, da firs day, you guys make one day wen you guys res, an make one spesho time fo come togedda so you guys no foget wat I do. Blow horns real loud fo bring erybody togedda.

Amos 3:6

If somebody blow da war trumpet inside one town, Da peopo dea goin tell, “Wassup?! Watch out!” Weneva bad tings happen inside one town, Az Da One In Charge da One make um happen!

Zefaniah 1:16

One day wen dey goin hear da sheep horn trumpets an yelling fo fight Agains da big towns dat get strong wall, An towas on top da cornas fo da wall.

Census 31:6

Moses sen tousan guys from ery main ohana fo fight. He sen Finehas too, Eleazar da pries boy. Finehas take tings from da Place Dat Stay Spesho Fo God, an metal trumpets fo blow.

1 Corint 14:8

An if da bugle make funny kine noise, how da army guys goin know wen dey suppose to get ready fo fight, aah? No can.

Rules Secon Time 20:1

Wen you guys go fight one war wit da peopo dat stay agains you, an you see dey get horses an war wagons, an one army wit mo plenny guys den you get, no sked dem. Cuz yoa God, Da One In Charge, he goin stay wit you guys. He da One wen bring you guys hea from Egypt.

Joshua 6:5

Wen you hear dem blow da sheep horn trumpets one long time, tell all da army guys fo yell real loud. Den da walls fo da town goin fall down, an all da Israel peopo goin go strait inside ova da wall.”

Local Leadas 10:12

da Sidon guys, da Amalek guys, an da Maon guys wen put presha on you guys, den you guys wen yell to me fo help, an I wen get you guys outa dea powa.

Local Leadas 10:8

Dat year, da Filisha peopo an da Ammon peopo make da Israel peopo suffa. Den fo eighteen year dose peopo put presha on da Israel peopo da east side a da Jordan Riva, inside Gilead, dat befo time was da Amor peopo land.

Local Leadas 2:18

Weneva Da One In Charge make one a dem dea local leada guy, he stay wit dat leada all da time da leada stay alive. Az how Da One In Charge get dem outa da powa a da peopo dat stay agains dem. Cuz Da One In Charge get love an pity fo dem wen dey stay moan from da presha dey get from da odda guys.

Local Leadas 3:27

Wen he come dea, he blow one sheep horn trumpet up country Efraim side. Da Israel peopo go down wit him from da hills, an Ehud lead dem.

Local Leadas 6:34

Den da Spirit from Da One In Charge take ova Gideon. He blow one sheep horn trumpet, fo call da Abiezer ohana guys fo go wit him.

Local Leadas 6:9

I free you guys up an get you outa da Egypt guys powa, an from all da guys dat put strong presha on you guys. I push dem out an give you guys dea land.

1 Samuel 10:18

He tell um, “Dis wat Da One In Charge, da God fo da Israel peopo, tell: ‘I wen get you guys outa trouble from da Egypt peopo. Was me! I wen bring you Israel peopo ova hea outa Egypt. An, I wen get you guys outa trouble one mo time from all da odda peopos dat put presha on you guys.’