Amos 9:7 - Hawaii Pidgin Bible

⁷ Dis wat Da One In Charge tell: “Eh you Israel peopo! Fo shua, I no make diffren to you guys An to da peopo from da Sudan land! I wen bring you Israel peopo up hea outa da Egypt land, I wen bring da Filisha peopo from Crete Islan too, An da Aram peopo, I wen bring dem from Kir side.

Amos 9:7 ပူးပေါင်းရင်းမြစ်များ

2 Kings 16:9

Da Assyria king tell Ahaz, “Shoots!” Den he go attack Damascus town an take um ova. He kill King Rezin an make all da peopo move house Kir side cuz dey his prisonas.

2 Records 14:12

Den Da One In Charge wack da Sudan guys in front Asa an da Judah guys. Da Sudan guys run away.

2 Records 14:9

One time one general Zerah from Sudan bring one big army fo fight da Judah guys. He get plenny tousan guys in his army an three hundred war wagons. Dey come all da way Mareshah side nea Jerusalem.

Outa Egypt 12:51

Dat same day, Da One In Charge take da Israel peopo outa da Egypt land, jalike dey one army.

Isaiah 20:4

So da king fo Assyria goin take da prisonas from Egypt an Sudan outa dea country naked an barefeet. No matta dey young o ol, dea okole an dea olos goin show, an dat goin make da Egypt peopo come shame.

Isaiah 22:6

Da Elam guys goin shoot dea bow an arrow at da Jerusalem guys From inside da war wagon, Wit odda guys fo drive da horses fo da war wagon. Da guys from Kir goin put up da shield.

Isaiah 43:3

Cuz me Da One In Charge, Da God fo all you guys. I da Spesho One fo da Israel peopo Dat get you guys outa trouble. I wen give Egypt fo pay So you no gotta be one slave, An Sudan an Yemen too.

Jeremiah 13:23

You tink da Sudan guys can change dea skin color?! No can! You tink da leopards can change dea spots? Not even! Same ting fo you guys. No way you can change an do good kine stuff! You ony know how fo do bad kine stuff!

Jeremiah 47:4

Cuz dis da time awready Fo wipe out da Filisha guys. Fo wipe out all dea guys dat still stay alive, So dey no can help da Tyre peopo an da Sidon peopo. Da One In Charge stay ready fo wipe out da Filisha peopo, Da ones dat come from Crete Islan.

Hosea 12:13

But wen Da One In Charge bring da peopo dat come from Jacob outa Egypt, He sen one guy Moses dat talk fo him, An dass how he wen take kea all a dem.

Amos 1:5

I goin broke down da gate fo Damascus town An wipe out da main guy fo Aven Valley, Da guy dat stay in charge Bet-Eden side. Da Aram peopo, I goin catch dem An take all dem Kir side.” Dass wat Da One In Charge tell!

Amos 2:10

But wot! Was me dat wen bring you guys Outa da Egypt land to dis side. Forty year, I wen show you guys wea fo go inside da boonies Fo you guys take ova da land from da Amor peopo.

Rules Secon Time 2:23

An da Av peopo dat live inside da small towns all da way by Gaza, da Filisha peopo dat come dea from Crete Islan wen wipe dem out, an stay live inside dat land now.)