Amos 9:3 - Hawaii Pidgin Bible

³ No matta dey go all da way on top Mount Carmel An hide ova dea fo nobody see um, I goin find um an drag um back. No matta dey stay hide from me on da bottom a da ocean, I goin tell da big sea monsta wat fo do An he goin go afta um an bite um.

Amos 9:3 ပူးပေါင်းရင်းမြစ်များ

Start 3:8

Dat day, wen da sun goin go down an da wind start fo blow, da guy an his wife hear one noise. Was God, Da One In Charge! He stay walk aroun inside da place wea he plant da trees. Dey go hide behind da trees inside dea fo God, Da One In Charge, no see um.

2 Samuel 22:46

Dey lose fight, all dose peopo from odda countries. Dey come outa da places wea dey hide fo no mahke, An dey sked an shaking!

Job 22:13

But you tell, ‘Fo shua, God donno wassup! He no can judge cuz eryting in da middo stay dark.

Job 34:22

Da peopo dat make trouble no can hide In dark places, o unda dark shadows.

Songs 68:23

Cuz a dat, you my peopo Goin get yoa feets wet Wit da blood from da ones Dat stay agains you, An yoa dogs goin lick up Da blood from dea bodies.”

Isaiah 27:1

Dat time, Da One In Charge goin go afta Da peopos dat donno him fo punish dem. He goin ack mean to dem, Cuz he get mo powa den dem, An can wipe um out, Jalike fo go afta da sea monsta Leviatan, Dat move an turn jalike one snake fo run away, Da One In Charge, He goin kill da sea monsta. He goin wack um wit his sword, Da real big an strong sword.

Jeremiah 16:16

Dis anodda message from Da One In Charge: “Right now, I goin tell plenny guys dat fish fo come, an dey goin catch da Israel peopo jalike dey catch fish. Afta dat, I goin tell plenny guys dat hunt animal fo come, an dey goin hunt fo da Israel peopo an bring um in from on top ery mountain an hill, an from inside da cracks inside da cliffs.

Amos 1:2

Dis wat Amos tell: “Da One In Charge Up Dea Inside Da Sky, He make one big noise from Zion Hill! He talk strong from Jerusalem town, jalike thunda! Wen he do dat, da places wea da sheep guys go fo find grass, No mo grass, notting! An da trees on top Mount Carmel all dry up too.”