Amos 9:14 - Hawaii Pidgin Bible

¹⁴ I goin bring my Israel peopo back From da place wea dey stay prisonas. Dey goin build one mo time da towns dat was all bus up. Dey goin make house dea, an plant grape fields An drink da wine dat dey make dea. Dey goin plant gardens An eat da fruits dat grow dea.

Amos 9:14 ပူးပေါင်းရင်းမြစ်များ

Songs 107:37

Da peopo wen throw seed on top da fields An plant grape farms. Dass how dey get plenny fo eat.

Songs 53:6

Fo shua! I like God do someting— Da God dat stay Mount Zion side— Fo get da Israel peopo Outa trouble real quick! Cuz bumbye, Wen God make eryting come good One mo time fo his peopo, Erybody dat come from Jacob Goin yell cuz dey feel good, Dey da Israel ohana, An dey all goin come good inside!

Isaiah 60:4

“Look up! Look all aroun you guys. See all da peopo come togedda an come by you guys. Yoa boys come from far away. Peopo bring back yoa girls too.

Isaiah 61:4

Dey goin build da ol broke down buildings one mo time An make um come jalike dey new. Dey goin build da broke down towns an make um new, No matta dey stay broke from dea ancesta guys time.

Isaiah 65:21

Peopo goin build house an live inside um. Dey goin plant grape plants an eat da grapes.

Jeremiah 12:15

An afta I throw out all dose diffren peopos from dea place, I goin show love an pity fo dem, an bumbye I goin bring all dem back to dea property an dea land.

Jeremiah 16:15

But bumbye, dis how dey goin tell um: ‘Jalike fo shua Da One In Charge stay alive, da One dat wen bring us Israel peopo outa da north land, an outa all da countries wea he wen make dem go.’ Den I goin bring dem back to da land I wen give dea ancesta guys befo time.”

Jeremiah 23:8

but dey goin tell, ‘Fo shua, Da One In Charge wen bring da Israel peopo outa da north land an all da lands wea he wen sen dem, an he stay alive!’ An dey goin live inside dea land.”

Jeremiah 24:6

I goin take kea dem fo make shua good kine tings happen to dem, an I goin bring dem back to dis land. Jalike I goin build dem up one mo time inside dis land an no bus um up. Jalike I goin plant dem fo make um come solid, an I no goin pull um up outa da groun jalike plants.

Jeremiah 29:14

I goin let you guys find me!” Az wat Da One In Charge tell. “I goin make eryting come good fo you guys one mo time. I goin give you guys back yoa property. I goin bring you guys togedda from all da nations an da places wea I wen make you guys go wen I kick you outa hea. I goin bring you guys back dis place wea you guys wen stay, befo I make you guys come prisonas an go way.”

Jeremiah 30:18

Dis wat Da One In Charge tell: “I goin make tings come good one mo time fo da peopo dat come from Jacob. I goin show love an pity fo dem wea eva dey live. Dey goin build Jerusalem town one mo time On top wea da bus up town was befo time. Dey goin build da palace one mo time dat get strong wall, An put um wea suppose to stay.

Jeremiah 30:3

Da time goin come wen I goin make eryting come good one mo time fo my Israel an Judah peopo, so dey no stay prisonas no moa. I goin bring um back inside da land dat I wen give dea ancesta guys befo time. An I goin make dem land ownas one mo time.” Az wat Da One In Charge tell.

Jeremiah 31:23

Dis wat Da One In Charge, da God Ova All Da Armies, da God fo da Israel peopo, tell: “Da peopo inside da Judah ohana land, dat live inside da towns ova dea, I goin bring dem back from wea dey stay prisonas. An wen I do dat, dey goin talk lidis one mo time: “ ‘I like fo Da One In Charge do good kine stuffs fo Jerusalem town, Cuz da One Dat Do Wass Right Erytime, live dea. I like him do da same ting fo da hill dat stay spesho fo Da One In Charge!’

Jeremiah 31:28

Befo time, I wen make shua da peopo dat stay agains dem go pull dem up, bus um up, wipe um out, an hurt um! But from now, I goin make shua I plant um good an make um come strong.” Dass wat Da One In Charge tell.

Jeremiah 31:5

You guys goin plant grape fields one mo time On top da hills aroun Samaria town. Afta da year wen dey give da new grapes to me, Da One In Charge, Den da farma guys dat plant um Can eat da grapes.

Jeremiah 32:15

Cuz dis wat me, Da One In Charge, da God Ova All Da Armies an da God fo da Israel peopo, tell: One mo time, peopo can buy houses, fields, an grape farms inside dis land.’ ”

Jeremiah 32:37

‘You know wat?! I wen scatta da Israel peopo all ova da diffren lands cuz I real mad at dem! But fo shua bumbye I goin bring dem back togedda an let dem live ova hea, fo dem no need worry bout notting.

Jeremiah 33:11

bumbye peopo goin hear laughing an singing, an peopo dat stay good inside, an wedding parties, an peopo dat bring animals to da Temple Fo Da One In Charge fo make sacrifice dat tell God ‘Mahalo plenny!’ Da peopo dat bring sacrifice animals goin sing lidis: “ ‘Fo Da One In Charge, Da God Ova All Da Armies, tell um: Mahalo plenny! Cuz Da One In Charge stay good! He stay tight wit his peopo foeva!’ Cuz I goin give back good kine stuff fo eryting in dis land come jalike was befo time.” Az wat Da One In Charge tell.

Jeremiah 33:7

I goin bring back da Israel an Judah peopo dat was prisonas ova dea Babylon side. I goin make um strong one mo time, jalike how was befo time.

Ezekiel 16:53

“ ‘But I goin do good kine stuff fo Sodom town an da odda small towns dea dat jalike her girl, an fo Samaria an her girls, an fo you.

Ezekiel 28:26

Dey goin live Israel side an dey goin stay shua notting bad goin happen. Dey goin build houses an plant grape farms. Notting bad goin happen to dem wen I punish da odda peopos dat live nea dem—da ones dat wen ack jalike my peopo no good. Den my peopo goin know dass me Da One In Charge, da God fo dem.’ ”

Ezekiel 37:21

Give um dis message from Da One In Charge, da Boss: I ready fo take da Israel ohana peopo outa da lands wea dey wen go. I goin bring dem togedda from all ova da place an bring um back inside dea land.

Ezekiel 39:25

“Az why me, Da One In Charge, da Boss, tell dis: Now I goin bring da Jacob peopo back from wea dey stay prisonas far away. I goin show love an pity fo da Israel peopo. I goin go all out fo keep my good name an fo show how good an spesho me!

Amos 5:11

Cuz da peopo dat no mo notting, You guys make um pay tax An take away some a da food dat dey harves an clean, Cuz a dat, no matta you guys build house Wit fancy kine cut stone block— You guys no goin live inside. No matta you guys plant one good looking kine grape farm— You guys no goin drink da wine from dose grapes.

Zefaniah 1:13

Dat kine peopo, goin get all dea rich kine stuffs rip off. An dea houses all bus up. Dey goin build houses, But dey no goin live inside um. Dey goin plant grape fields, But dey no goin drink da wine.”

Zefaniah 2:7

Dat land goin be fo da peopo from da Judah ohana dat still stay, Dey goin find green grass ova dea fo dea animals. Wen come dark, dey goin lay down Inside da houses wea da Ashkelon peopo stay befo time. Dea God, Da One In Charge, Goin bring back da Judah ohana From wea dey was prisonas, An take kea dem.