Amos 9:13 - Hawaii Pidgin Bible

¹³ An you know wat? Da One In Charge tell dis too: “Goin come da time, Wen dey plant stuff goin grow real fas. Da firs part goin be ready fo harves Befo dey even ready fo plant da odda part! Even wen time awready fo make ready da grape seeds Fo plant da nex time Dey still goin make lidat fo step all da grapes dey get Fo make wine, from da las time! Goin get real plenny juice from da fresh grapes Goin run down da hills An make da hills look jalike dey stay melt all ova da place!

Amos 9:13 ပူးပေါင်းရင်းမြစ်များ

Start 49:11

Judah get plenny grape farm, So he no lose notting if he tie his young donkey to one grape plant, Da bebe donkey, he tie um to da plant dat get da bestes grape. He no need watta fo make his clotheses come clean, Cuz he rich, an he get plenny wine fo wash um, He can even wash his robe wit da red juice from da grape dat look jalike blood.

Songs 97:5

Wen Da One In Charge show up, Da mountains melt in front him Jalike wax. Cuz he da boss fo da whole world.

Isaiah 16:10

Nobody stay feel good inside Nobody dance an sing Inside da farms an fields, Cuz no mo grapes fo make wine. I make um so no mo party ova dea.

Isaiah 55:13

Goin get pine tree Wea befo time get ony thorn bush, An flowa bush, Wea befo time get ony thistle. Dass how all dis goin happen, Fo erybody know wat kine god Da One In Charge. Goin stay lidat foeva, Jalike one sign dat nobody goin bus up eva.

Ezekiel 28:26

Dey goin live Israel side an dey goin stay shua notting bad goin happen. Dey goin build houses an plant grape farms. Notting bad goin happen to dem wen I punish da odda peopos dat live nea dem—da ones dat wen ack jalike my peopo no good. Den my peopo goin know dass me Da One In Charge, da God fo dem.’ ”

Ezekiel 36:35

Dey goin tell, ‘Dis land ova hea dat da odda peopo wen wase, now stay jalike da place Eden side, da park dat get plenny trees dat God wen plant. Da towns dat wen stay wipe out an bus up, now dey get strong wall an peopo live dea.’

Joel 2:24

Da open places wea dey split da wheat an barley from da junk kine stuff Goin get plenny wheat an barley. Da places wea dey store da wine an oil Goin get plenny new wine an olive oil.

Joel 3:18

“Dat time, goin be jalike da mountains stay drip wit new wine. An jalike milk goin run down da hills jalike rivas. All da gulches inside Judah goin get plenny watta. One watta spring goin come outa da Temple Fo Da One In Charge, An goin give watta inside da gulch wea get koa trees.

Joel 3:20

Judah goin get peopo dat live dea all da time. Jerusalem goin get peopo fo plenny generations.

Prieses 26:5

You guys goin stay shake da barley an wheat from da junk kine stuffs till time fo harves grape. An den da grape plants goin give fruit, till time fo plant seed one mo time. You guys goin eat all da food you like, an you goin stay shua you no need worry notting inside yoa land.

Amos 9:5

“Da One In Charge a me, Da God Dat Stay In Charge Ova All Da Armies, Wen he touch da world, jalike da world melt, An erybody dat stay live inside da world come real sad. Da land move up an move back down Jalike da Nile Riva Egypt side.

John 4:35

You guys tell, ‘Get four mo month, den da crop stay ready fo harves.’ Lissen up! I tell you: Look da fields, cuz dey stay ready fo harves awready.

Local Leadas 5:5

Da mountains shake in front Da One In Charge, da One from Mount Sinai. Dey shake in front Da One In Charge, da God fo da Israel peopo.