Amos 8:7 - Hawaii Pidgin Bible

⁷ Amos tell dis: “Da Israel peopo, dey get real big head cuz dey come from Jacob an feel proud bout Jacob. Da One In Charge wen make one strong promise lidis: “Fo shua, I no goin foget Da tings da Israel peopo wen do, eva!

Amos 8:7 ပူးပေါင်းရင်းမြစ်များ

Job 24:23

Maybe God goin let dem tink dey strong an stay safe, But he watch how dey ack.

Songs 10:11

Da bad guys, dey tink, “God, he foget awready! God look da odda way, Fo make jalike he neva see notting.”

Songs 47:4

God wen pick da good land He give us guys, Cuz us guys his peopo. Us guys stay proud Cuz a da land he give us, Cuz he get love an aloha Fo oua ancesta guy Jacob. (Time out fo da music.)

Songs 47:5

Wen God go up fo sit on top his throne, Erybody yell. Da One In Charge, Wen he go up dea, Peopo blow da sheep horn trumpet.

Songs 68:34

Tell erybody, dat God get plenny powa. He da awesome one Dat stay da king fo da Israel peopo. Even up dea inside da clouds, He get powa!

Outa Egypt 17:16

Moses tell, “Da Amalek guys wen put up dea hands in front Da One In Charge throne cuz dey huhu! Da One In Charge, he goin make war agains da Amalek peopo an all da peopo dat goin come from dem, foeva!”

Isaiah 22:14

I hear Da One In Charge, Da God Ova All Da Armies, Tell dis bad kine ting you guys stay do, I no goin hemo yoa shame fo dat Fo all da days you stay live.” Dass wat my Boss tell, Da One In Charge, Da God Ova All Da Armies.

Isaiah 43:25

“Me, Da One In Charge. I da One dat let you go Fo show wat kine god me, No matta you go agains me. I no tink no mo bout all da bad tings you wen do.

Jeremiah 17:1

“Da bad kine stuff da Judah peopo do, Jalike somebody stay write inside dem Wit one real sharp iron chisel o wit diamond poin, Jalike stay write on top one metal plate, An jalike fo write um on top da tings jalike horns Dat stick out from da cornas a dea altars.

Jeremiah 31:34

One guy no need teach his fren O his braddah no moa, an tell um, ‘Know Da One In Charge.’ Cuz dey all goin know me, Da One In Charge, From da kine guys dass not importan, to da kine guys dass importan.” Az wat Da One In Charge tell. “Cuz I goin let um go fo da stuffs dey wen do wrong, An hemo dea shame fo all dat. I no goin even rememba da bad kine stuffs dey wen do.”

Jeremiah 44:21

“You guys tink Da One In Charge foget da incense you wen burn, o wat?! You guys, an yoa ancesta guys, an yoa king guys, an yoa leada guys, an da peopo inside da land wen burn um inside da Judah towns an on top da Jerusalem streets?! Fo shua, Da One In Charge neva foget bout all dat kine stuff!

Hosea 7:2

But dey no tink dat I rememba All da bad kine stuff dey do. Da bad kine stuff dey do still stay all aroun dem. I erytime see da bad kine stuff dey do.

Hosea 8:13

Dey make sacrifices fo me, an dey eat da meat. But fo me, Da One In Charge, no mean notting. So now I no goin foget dat dey get da blame, An I goin punish dem cuz a all da bad kine stuff dey do. Den dey goin go back Egypt side.

Hosea 9:9

Dey go all out fo do plenny bad kine stuff, Jalike wen happen long time befo inside Gibeah town. God no foget da blame dese guys get. An he goin punish dem fo all da bad stuff dey do.

Amos 4:2

Da One In Charge a me, he good an spesho. Cuz a dat, he wen make one strong promise lidis: Goin get one time, Jalike peopo goin stick one meat hook inside you guys body An drag you guys anodda place. Dey goin stick big fish hooks in yoa okole An drag you guys outa hea!

Amos 6:8

“Da Boss, Da One In Charge a me, he wen make one strong promise, An he no need anodda guy fo help him do um, jus him. Dis wat Da One In Charge tell: ‘Watch out! Me, I so mad wit dem Israel guys! Dey tink dea Israel ohana mo betta den anybody! Dey get strong wall, but I goin go agains um! Dea main town, an eryting inside dea, I goin give all a dat To da guys dat stay agains um.’ ” Dass wat Da One In Charge tell. An you know wat?! He da God Ova All Da Armies.

Luke 2:32

He jalike one light Fo make yoa peopo come awesome, Da Israel peopo, An fo show all da odda peopos Inside da world Wat stay right.”