Amos 8:5 - Hawaii Pidgin Bible

⁵ You guys, dis wat you tink, aah? ‘Us guys no like wait fo da new moon time Wen da religious kine ceremonies all pau! Cuz us guys like sell food. But no can, till da religious kine ceremonies all pau! An us guys no like wait fo sell da wheat Till da Res Day pau. Us guys goin make uku pile a money, Cuz da measure us guys use, Goin be mo small den suppose to be. We goin take da money from da peopo Fo mo den wat dey suppose to pay. Den, wateva dey buy, We goin jam up da scale too.

Amos 8:5 ပူးပေါင်းရင်းမြစ်များ

2 Kings 4:23

Her husban aks, “How come you like go by him today? Dis not da sacrifice time fo da New Moon o da Res Day.” She tell, “Az okay.”

Outa Egypt 31:13

“Tell da Israel peopo dis: No matta wat happen bumbye, you guys gotta do wat da Rules fo da Res Day tell foeva. Da Res Day, goin show dat me an you guys get one deal. Even da peopo dat goin come from you guys. So den you guys no goin foget was me, Da One In Charge, dat wen make you guys spesho fo me.

Smart Guys 11:1

Wen somebody make da scale go off fo cheat peopo, Dat kine make Da One In Charge sick! But wen dey get da weight right, Dass wat he like.

Smart Guys 16:11

Da scales you use fo weigh stuff, Fo Da One In Charge, dey gotta be right. Eryting you use fo measure stuff, Az his kuleana.

Smart Guys 20:23

If you use one stone dass too heavy Fo weigh wat you goin sell one guy, An you use one light stone Fo weigh da same ting fo sell to anodda guy, Da way Da One In Charge see dat, az pilau! Az no good, use scale dat bulai Wen you sell stuff.

Isaiah 1:13

No bring me one sacrifice dat no mean notting! Da incense you guys burn fo me stay smell haunas. You guys come togedda ery month an ery week But I no like da kine meetings you guys make, Cuz dey ony bad.

Isaiah 58:13

“You guys gotta make da Res Day spesho fo me. An no go any place mo far den you suppose to go, An no jus do wateva you like do dat day, Cuz da whole day stay spesho fo me. You guys gotta tell peopo Dat da Res Day make you feel good inside, An dat stay spesho ony fo me, Da One In Charge, Fo show respeck fo me lidat. Dis, how you goin show respeck fo da Res Day: You no goin do stuff yoa way dat day. You no goin look fo ony da kine stuff you like do. You no goin talk any kine wase time stuff,

Hosea 12:7

Da biznis guys use scales dat bulai. Dey like scam peopo real bad an hurt um.

Hosea 12:8

Az why da Israel peopo talk big. Dey tell, “Fo shua, I rich! But fo all da tings I wen get from my work, No can find notting bad dat I wen do!”

Prieses 19:36

Use da kine scale an measure dat stay right an tell da trut. I yoa God, Da One In Charge, dat wen bring you guys outa Egypt.

Zekariah 5:6

I aks, “Wass dat?” He tell, “Az one big basket fo measure stuff. Dis show you da bad kine stuff dat da peopo all ova da land stay do.”

Zekariah 5:8

He tell, “Dis one, her name, ‘Do Wass Wrong.’ ” Den he push her back inside da basket, an push da heavy lead cova down on top um.

Malakai 1:13

Da One In Charge, da God Ova All Da Armies, tell: “You guys tink, ‘Eh! Too much, dis!’ You guys ack jalike da sacrifices haunas! Den you go bring da kine animals dat da wild animals rip up, an give um to me fo one sacrifice. Da kine no can walk an stay sick. You tink I goin take um an stay good inside cuz you make lidat? I no tink so!” Dass wat Da One In Charge tell.

Census 10:10

An wen you guys stay real good inside, wen you guys make da spesho religious kine ceremonies, an da New Moon spesho times, you guys goin blow um long time wit da trumpets ova yoa sacrifices dat you burn up an da sacrifices fo show dat me an you stay good. Dass how da trumpets goin make me no foget you guys. Cuz me, Da One In Charge, I yoa God.”

Colosse 2:16

Az why no let nobody poin finga you guys fo wat you guys eat an drink, an fo how you guys make spesho religious kine days: dass da holidays, da traditions, an da Res Days.

1 Samuel 20:5

Az why David tell, “Look, tomorra goin get da spesho religious kine ceremony wen da New Moon show up, an I suppose to be dea fo eat wit da king. But you, I like you fo tell me I can go way. Den I goin go hide some place outside da town, till da day afta tomorra wen litto mo dark.