Amos 8:12 - Hawaii Pidgin Bible

¹² Dey goin go aroun from da Big Salt Lake To da Mediterranean Sea, An from da north side to da east side. Dey goin go all ova da place, fo aks peopo “Eh! Da One In Charge, wat he stay trying fo tell us guys?” But dey no goin find notting.’

Amos 8:12 ပူးပေါင်းရင်းမြစ်များ

Smart Guys 1:28

She tell: “Dem guys, let um try yell fo me help dem, I no goin lissen! No matta dey try hard fo find me, Dey no goin find me.

Smart Guys 14:6

Da peopo dat no mo respeck fo nobody Cuz dey tink dey real smart, Dey try learn wat fo do, but dey no can. But da peopo dat undastan awready, Easy fo dem learn stuff.

Smart Guys 29:18

Wen no mo nobody talk fo God, Da peopo buckaloose. But anybody dat stay do wat da Rules tell, Dey can stay good inside.

Ezekiel 20:3

“Eh! Fo Real Kine Guy! Tell da older leadas fo da Israel peopo: Dis wat me Da One In Charge, da Boss, tell: You guys stay come by Ezekiel fo find out wat I tell, aah? Fo shua I stay alive, an fo shua I no goin tell you guys notting wen you aks me stuff. Az wat me Da One In Charge, da Boss, tell.

Ezekiel 20:31

Wen you guys give yoa gifs, da one wea you kill yoa bebes an burn up dea body fo make one sacrifice, dat mean, you guys still yet come pilau inside cuz a all yoa idol kine gods! You Israel ohana peopo tink I goin let you guys come in front me fo aks me fo tell you wass goin happen? No way! Fo shua I stay alive, an fo shua, no way I goin let you guys come in front me fo aks me wass goin happen! Az wat me, Da One In Charge, da Boss, tell.

Daniel 12:4

But you, Daniel, put seal on top da roll up sheep skin, fo eryting inside stay secret till da world pau. Plenny peopo goin run aroun dis side an dat side fo try find out mo plenny bout all dis stuff.”

Hosea 5:6

Wen dey go wit dea sheeps, goats, an cows, Fo find me, Da One In Charge, Dey no goin find me. Cuz I wen bag from dem awready.

Matthew 12:30

If you no stay wit me, den you stay agains me. Da guy dat no work wit me, he ony work agains me.

1 Samuel 3:1

Da boy Samuel do pries kine work fo Da One In Charge, an Eli stay in charge a da boy. From long time awready, Da One In Charge neva tell notting to da peopo. An he no let plenny peopo see dream kine tings dat suppose to tell um stuffs.