Amos 8:10 - Hawaii Pidgin Bible

¹⁰ Wen you guys make one religious kine ceremony dat make you feel good, I goin change um an make you guys come sad. Wen you guys sing, I goin make you guys sing one sad kine song. I goin make erybody stay sad inside An wear burmbag kine cloth An shave bolohead fo show dey stay sad inside. Goin be jalike wen da faddah-muddah guys come sad Cuz dea one an ony boy mahke. Dat time, goin be jalike eryting taste real bad, till da end.”

Amos 8:10 ပူးပေါင်းရင်းမြစ်များ

Start 21:16

Den Hagar go mo down, bout hundred yard. She sit down ova dea da odda side, cuz she tink, “I no can handle fo see my boy die!” An she bus out crying.

Job 20:23

Wen dey stay fill dea opu, God goin come real huhu wit dem, An wack um ova an ova.

Job 3:5

I like da shadows an da dark take ova dat day. I like da clouds come down on top um. An da black clouds take ova da light.

Job 30:31

Jalike my harp ony good fo play funeral kine songs, An my flute ony fo wen peopo stay cry.”

Isaiah 3:24

“Now dey get perfume, But den dey goin smell haunas. Now dey get one fancy kine cloth aroun da wais, But layta dey goin get ony one rope. Now dey get nice style hair, But den dey goin come bolohead. Now dey get fancy kine clotheses, But den dey get ony burmbag clotheses. Now dey nice looking, But den dey get burn scar all ova dem.

Jeremiah 2:19

Da bad kine stuff you guys do, Dass wat goin punish you guys. Da way you guys make deaf ear to me, Dat show proof awready dat you guys stay wrong. Try tink hard, an you goin know Dat eryting come real bad fo you guys, Jalike you haunas! Az cuz you guys bag from me, yoa God, Da One In Charge, An no show respeck fo me.” Dass da message from Da One In Charge, da God Ova All Da Armies.

Jeremiah 48:37

Fo show dey stay sad inside, Erybody shave dea head fo make bolohead, An cut off dea beard too. Dey all cut dea hands fo make um bleed. An tie burmbag cloth aroun dea wais.

Jeremiah 6:26

My peopo, you betta put on burmbag kine clotheses An lay down on top da ashes fo show you stay sad inside! Stay sore inside an cry plenny, Jalike yoa ony boy wen mahke! Cuz wen you tink dey no stay come, Da army guys dat goin wipe us out goin come!”

Sad Song 5:15

We no stay good inside no moa. Befo time us guys dance an sing, but now we cry.

Ezekiel 7:18

Dey goin put on burmbag kine clotheses an dey goin shake all ova. You look dea face, can tell dey all shame. Dey goin shave bolohead fo show dey sore inside.

Ezekiel 7:2

“Eh you! Fo Real Kine Guy! Dis me, Da One In Charge, da Boss. Dis wat I tell da Israel peopo: I had it wit you! Da land, ery place, all come wipe out!

Hosea 2:11

I goin stop all her religious ceremonies, Da spesho times she make ery year, Da new moon spesho times, da Res Days, An all da odda spesho religious ceremonies.

Hosea 2:13

I goin punish her fo all da times She go burn incense fo da Baal idols. She put on plenny rings an jewelry. She go wit da guys dat make sex wit her, But she foget bout me.” Az wat Da One In Charge tell.

Joel 1:8

Cry cuz you stay sad inside, Jalike one bride, Dat gotta put on burmbag clotheses Fo show she stay sad inside, Cuz da guy she goin marry, he mahke.

Prieses 13:40

“Wen one guy hair fall out from on top his head, he ony bolohead. Az okay fo him come in front me, Da One In Charge, cuz he pono.

Amos 5:21

Da One In Charge tell, “Wen you guys make religious kine ceremonies, I hate wat you guys do! Wen you guys stop work Cuz you make jalike you goin come togedda fo me, Dat make me like puke!

Amos 5:23

Eh, laytas wit da noise from yoa religious kine songs. Dey ony bodda me! Dey ony noise! I no goin lissen da harp kine music From you guys!

Amos 8:3

Da One In Charge a me, he tell dis too: “Wen dat time come, da peopo dat sing inside da Temple no can sing, cuz dey sore inside an stay cry loud. Goin get choke plenny mahke bodies! All ova da place! Take um outside da town! An no talk! Dass wat me Da One In Charge tell.”

Nahum 1:10

Jalike he goin make dem come All jam up inside da thorn bushes. Dey goin come piloot from drink dea wine. Dey goin come burn up jalike da dry junks from da wheat.

Zekariah 12:10

“Me, Da One In Charge, goin make da David ohana an da Jerusalem peopo like do good kine stuff fo odda peopo, an dey goin pray to God fo help dem too. Dey goin look me, da guy dey wen stab. Dey goin stay real sore inside, jalike somebody stay sore cuz dea firs boy dat born wen mahke.

Rules Secon Time 16:14

Dance an sing fo da spesho religious kine ceremony—you, yoa boys an girls, yoa slave guys an wahines, da Levi ohana peopo, da peopo from anodda place, da kids dat no mo faddah o muddah, da wahines dat no mo husban, erybody dat stay inside yoa town.