Amos 7:5 - Hawaii Pidgin Bible

⁵ “Den I tell God, ‘Eh! You Da One In Charge a me! You da Boss fo me! But I stay tell you, try no make da fire! How us Israel peopo goin stay alive? Us no mo powa, you know!’

Amos 7:5 ပူးပေါင်းရင်းမြစ်များ

Songs 85:4

Eh! You da God Dat get us guys outa trouble. Cuz a dat, go change yoa mind An help us guys one mo time. No stay sad inside Bout us guys no moa.

Isaiah 1:9

Da One In Charge, Da God Ova All Da Armies, If he neva leave us guys some peopo ova dea still yet, Us guys goin come jalike da Sodom peopo, An da Gomorrah peopo—no mo nobody dea.

Isaiah 10:25

But ony litto bit mo time now, Den I no goin stay huhu wit you guys no moa. I goin come huhu wit da Assyria guys An go wipe dem out.”

Jeremiah 30:19

From dea, goin get plenny songs dat tell dat I good. An goin get music fo dance an sing cuz peopo stay good inside. I goin make dem come mo plenny peopo. Dey no goin come litto bit peopo. I goin make peopo show respeck fo dem An no make any kine to dem.

Ezekiel 9:8

Wen dey stay kill da peopo, ony me was inside da Temple. I go down an put my face on top da groun. I yell, “Eh Boss! You Da One In Charge! I no can handle all dis! I know you real huhu wit da Israel peopo. But you goin kill all da Jerusalem peopo dat still stay alive, o wat?”

Joel 2:17

Let da pries guys dat work in front Da One In Charge Cry wen dey go from da temple lanai to da altar. Let dem tell, “Da One In Charge, try show pity fo yoa peopo. No let da odda peopos talk bad bout yoa property! No good da odda peopos tell each odda, ‘Wea dea God stay?’ ”

Zekariah 4:10

No talk like az no good wen get ony litto bit work dat pau! Peopo goin stay good inside wen dey see Zerubbabel stay work, pulling da string fo make shua da walls line up! (Da seven olive oil lamps on top da lamp stan, dey fo no foget dat Da One In Charge get eyes dat look all ova da world.)”

Census 14:19

Cuz you get plenny love an aloha, let go dese peopo fo dis bad kine stuff dey stay do. Jalike you wen let dem go from da time dey leave Egypt till now.”