Amos 7:17 - Hawaii Pidgin Bible

¹⁷ But cuz you stay talk lidat, dis wat Da One In Charge tell: “Yoa wife, she goin come one hoa Right hea inside yoa home town. Da ones dat stay agains you Goin kill yoa boys an yoa girls wit swords. Yoa land, odda peopo goin measure um fo broke um up an sell um. An you, you goin mahke inside anodda land dat stay pilau, Cuz you Israel peopo goin come prisonas Far away from yoa land.”

Amos 7:17 ပူးပေါင်းရင်းမြစ်များ

2 Kings 17:6

Wen Hoshea stay king fo nine year, da Assyria king take ova Samaria town, an make da Israel peopo go Assyria side fo live. He make some a dem live Halah side, some a dem by da Habor Riva dat go by Gozan, an da res inside da towns wea da Mede peopo live.

Songs 78:55

He make da odda peopos Run away from his peopo. He make one plan an measure Da property fo da Israel ohanas Fo dem live wea da odda peopos Wen stay befo time.

Isaiah 13:16

Da army guys goin kill dea bebes in front dem, An steal all da stuffs inside dea houses, An rape dea wifes.

Isaiah 22:18

He goin roll you up tight jalike one ball, An throw you inside one big land. Dass wea you goin mahke, An dass wea da war wagons goin stay, Dat wen make you look so awesome! But now, you da one Make shame fo yoa boss guys!

Jeremiah 14:16

An da peopo dat lissen dem, dey goin mahke too inside Jerusalem, cuz dey no mo food, an da army guys goin kill dem wit swords too. Da army guys goin throw out da mahke bodies on top da streets. No goin get nobody fo bury dem, o dea wifes bodies, o dea boys bodies, o dea girls bodies. I goin make all da bad kine stuff dey do happen to dem.

Jeremiah 20:6

An you, Pash-hur, an erybody dat stay live inside yoa house, all you guys goin come prisonas. You goin go Babylon side, an dass da place you goin mahke, an dey goin bury you dea. Same ting fo you an all yoa frenz—you wen ack jalike one guy dat talk fo God, but you ony tell yoa frenz bulai stuff.’ ”

Jeremiah 28:12

Litto bit afta da guy Hananiah hemo da yoke from my neck, Da One In Charge give me dis message:

Jeremiah 28:16

Az why Da One In Charge tell me fo tell you: ‘Litto bit mo time an den I goin wipe you out from on top da earth. Dis year you goin mahke, cuz you wen tell da peopo fo go agains me, Da One In Charge!’ ”

Jeremiah 29:21

Dis wat me, Da One In Charge, da God Ova All Da Armies, da God fo da Israel peopo, tell bout Ahab Kolaiah boy, an Zedekiah Maaseiah boy. Dey tell dat dey talk fo me, but dey stay bulai you guys. Az why I goin make dem come prisona guys fo Nebukadnezzar, da king fo Babylon, an he goin tell his guys kill dem in front you guys.

Jeremiah 29:25

Dis wat Da One In Charge tell, da God Ova All Da Armies, da God fo da Israel peopo: You wen use yoa name fo sen lettas from Babylon fo all da peopo inside Jerusalem, an fo Zefaniah, Maaseiah da pries guy boy, an all da odda pries guys. Inside dat letta you wen tell Zefaniah,

Sad Song 5:11

Guys rape da wahines inside Jerusalem, An da young girls dat neva sleep wit one guy inside da Judah towns.

Ezekiel 4:13

Den Da One In Charge tell, “Az da kine food da Israel peopo goin eat, da kine dat make um come pilau so dey no can come in front me. Az how goin be bumbye wen I throw um out, an dey stay wit da odda peopos far away.”

Hosea 9:3

Da peopo no goin stay inside da land Da One In Charge own. Da Efraim peopo, some goin go back Egypt side, An some goin go Assyria side. Dey goin eat da kine food ova dea Dat make um so dey no can go in front Da One In Charge.

Amos 6:7

“Fo shua, pretty soon now, Da Assyria army guys goin come drag you guys outa hea. You guys goin be da firs one. Den you no can lay dea an grind at da religious luaus fo da odda gods, Cuz all dat no goin be no mo fo you guys.

Amos 7:11

Dis Amos guy, dis wat he stay tell peopo: ‘King Jeroboam, somebody goin kill him wit one sword, an fo shua, dose peopo goin take all da Israel peopo far away from dea land.’ ” Dass wat Amaziah tell Jeroboam.

Amos 8:1

Den Amos tell: “Anodda time, dis wat Da One In Charge a me show me. Was jalike one dream: Get one basket wit da kine fruits inside dat ony get summa time.

Amos 9:1

Amos tell: “Jalike one dream, I wen see my Boss. He stan right dea by da altar fo da sacrifice. He tell: “ ‘Go wack da top a da main poses fo da Temple! Till eryting undaneat da poses shake an fall down! Bus um up fo da whole ting fall down! Bring um down on top da head a all da peopo Dat still yet stay inside da Temple! Anybody stay alive still yet, I goin kill um wit da sword. No mo nobody goin get outa dea, No mo nobody goin run way!

Amos 9:8

You know wat? Me, Da One In Charge, yoa Boss. An I stay watch yoa land. I see dat all da peopo ova dea Stay do wass wrong! Fo shua, I goin wipe out all dat land, All da peopo dat come from yoa ancesta guy Jacob!” Dass wat Da One In Charge tell.

Micah 1:16

Shave off yoa hair an come bolohead Fo show you guys stay sad inside. Cuz da kids dat you guys get plenny love an aloha fo, Da army guys goin make dem prisonas An take dem away. So come bolohead jalike one scavenja bird!”

Zekariah 14:2

Da One In Charge tell: “I goin bring all da odda peopos Jerusalem side fo fight you guys. Dey goin take ova da town, rip off stuff from da houses, an rape da wahines. Dey goin take half a da peopo, an make um prisonas fo go far away. But da res a da peopo goin stay inside da town.”