Amos 7:1 - Hawaii Pidgin Bible

¹ Den Amos tell: “One time, Da One In Charge a me wen show me dis. Was jalike one dream: God, he stay pick up uku pile a grasshoppa, same time! Was da time afta da peopo cut da grass fo da king horses, an plant new grass. Da small grass jus start fo come up.

Amos 7:1 ပူးပေါင်းရင်းမြစ်များ

Isaiah 33:4

Da Judah peopo goin grab All da stuffs dat you Assyria guys Wen rip off from odda peopo, Jalike wen da locust kine grasshoppa Come real quick an grab All da food from one field. Az how da peopo goin run All ova da place fo grab stuff, Jalike da locust kine grasshoppa inside da field.

Jeremiah 24:1

One time, Da One In Charge show me two basket figs dat somebody put in front da Temple Fo Da One In Charge. (Az was afta King Nebukadnezzar from Babylon wen make Koniah his prisona an bring um from Jerusalem to Babylon. Koniah, da Judah king an Jehoiakim boy. Nebukadnezzar make da leada guys fo da Judah peopo prisonas an take dem away too. An he do da same ting wit da guys dat smart fo make fancy kine stuff an wit da military engineer guys.)

Ezekiel 11:25

Den I tell da Israel peopo inside Babylon eryting Da One In Charge wen show me.

Joel 1:4

Ova an ova, da locust kine grasshoppas come, An eat up eryting!

Joel 2:25

I goin pay you guys fo all da years Wen da locust kine grasshoppa wen eat up eryting. Da young grasshoppas, da worm grasshoppas, An da caterpilla grasshoppas, I wen sen um jalike one big army agains you guys.

Amos 4:9

Da One In Charge tell: “I wen wack da farms you guys own An da fields wea you grow grape Fo da hot wind an da groun worms jam up eryting. Da locust kine grasshoppas wen eat up all da fig tree an olive tree dat you guys own. Still yet, you guys no like come back an be my guys!” Dass wat Da One In Charge tell.

Amos 7:4

“Anodda time, dis wat Da One In Charge a me wen show me. Was jalike one dream: Da One In Charge a me stay make ready fo punish da peopo wit fire, da kine fire dat even dry up da big watta. Now, dat fire stay ready fo burn up all da fields too!

Amos 7:7

Anodda time, dis wat Da One In Charge wen show me. Was jalike one dream: I see my boss. He stay stan dea nex to one wall. He stay pull string fo check out da wall an make shua da wall stay strait.

Amos 8:1

Den Amos tell: “Anodda time, dis wat Da One In Charge a me show me. Was jalike one dream: Get one basket wit da kine fruits inside dat ony get summa time.

Zekariah 1:20

Den Da One In Charge show me four guys dat know how fo make stuff real good.

Malakai 3:11

I goin chase away da bugs so dey no eat wat you guys plant. Dey no goin wipe out da tings dat grow outa da groun. Da grapes no goin fall down from da grape plants befo dey ready. Me Da One In Charge, Da God Ova All Da Armies, an dass wat I tell.