Amos 6:8 - Hawaii Pidgin Bible

⁸ “Da Boss, Da One In Charge a me, he wen make one strong promise, An he no need anodda guy fo help him do um, jus him. Dis wat Da One In Charge tell: ‘Watch out! Me, I so mad wit dem Israel guys! Dey tink dea Israel ohana mo betta den anybody! Dey get strong wall, but I goin go agains um! Dea main town, an eryting inside dea, I goin give all a dat To da guys dat stay agains um.’ ” Dass wat Da One In Charge tell. An you know wat?! He da God Ova All Da Armies.

Amos 6:8 ပူးပေါင်းရင်းမြစ်များ

Start 22:16

He tell, “Eh! Dis me Da One In Charge, an I goin make one strong promise an I da one dat make shua I fo real kine goin do wat I tell I goin do. “Dis da promise I goin make: Cuz you wen do dis ting, an you neva hold back yoa boy, an he da ony one you get,

Songs 106:40

Az why Da One In Charge Come huhu wit his peopo. He piss off wit da peopo Dat suppose to be ony fo him.

Songs 47:4

God wen pick da good land He give us guys, Cuz us guys his peopo. Us guys stay proud Cuz a da land he give us, Cuz he get love an aloha Fo oua ancesta guy Jacob. (Time out fo da music.)

Songs 50:12

“Even if I was hungry, no way I tell you, Cuz da world an eryting dat get Inside da world, az mines awready.

Songs 78:59

God know wat dey stay do, An fo shua he tell “Laytas” to dat. He tell dat da Israel peopo, Dey not his peopo no moa.

Smart Guys 8:13

(You know, if you sked wen you go In front Da One In Charge Cuz he so awesome, Dat mean, wen somebody do bad kine stuff, you no like dat.) Wen peopo get big head, O wen dey come high makamaka, O wen da way peopo live, dey ony like ack bad, O wen dey tell stuff fo try trick you, I no like dat too.

Isaiah 28:1

Bummahs! Samaria town, Efraim side, Look jalike get one nice haku lei On top a da Samaria hill, Ova one valley wea eryting grow good! But dat lei, jalike da good looking flowas Stay come all dry up now. Az cuz da Efraim peopo get big head An dey stay piloot all da time! Plenny rich stuff come from dat valley, But da peopo from dea ony drink up da wine, Till dey no can even stan up!

Jeremiah 12:8

Da peopo dat stay mines Come afta me Jalike one lion inside da fores. Jalike da lion stay make big noise at me. Az why I make to dem jalike I hate dem.

Jeremiah 22:14

He tell, ‘I goin build my big palace. I goin get rooms on top da oddas wit plenny space. I goin put big windows dea. An put cedar wood panel all ova da inside wall. An paint um real red.’

Jeremiah 22:5

But if you guys make deaf ear all dis stuff dat I tell, den me, Da One In Charge, I promise I goin do dis fo shua—I goin make dis palace come all bus up.’ ”

Jeremiah 44:26

But lissen wat Da One In Charge tell, all you Jews dat live inside Egypt! He tell: ‘Me, Da One In Charge, I get da rights fo make dis spesho promise cuz a who me, I da greates. No mo nobody from Judah goin use my name fo make one spesho kine promise, o go tell stuff like “I tell dis cuz I stay shua Da One In Charge a me stay alive!” fo make dea promise come strong, any place ova dea inside Egypt.

Jeremiah 49:13

Da One In Charge tell: “I get da right fo make dis spesho promise cuz a who me: Fo shua, Bozrah, da main town fo da Edom peopo, goin come all bus up! Erybody goin come bum out wen dey tink bout Bozrah. Dey goin poin finga da Bozrah peopo, an talk bad bout dem. All da towns aroun dea goin stay bus up, foeva.” Dass wat Da One In Charge tell.

Jeremiah 51:14

Da One In Charge, da God Ova All Da Armies, Wen make one strong promise. He da One goin make shua dat wat he tell goin happen, goin happen. He tell: ‘Fo shua, I goin fill up you Babylon guys town wit plenny army guys, Dat goin jump all ova you guys jalike wen get real plenny locust kine grasshoppas. Dey goin yell cuz dey win ova you guys.’

Sad Song 2:5

Da Boss come jalike one guy dat stay agains us guys, He wase da Israel peopo. He wase all dea palaces. He bus up dea strong wall. He make plenny Judah peopo moan Cuz dey stay real sad inside.

Ezekiel 24:21

fo tell da Israel ohana peopo dis message: Lissen up! I almos ready fo make pilau da place dat stay spesho fo me. Dass my Temple! Az da place wea you guys feel proud, cuz you figga dat place goin proteck you, az da place you like da bestes, an az da place you get plenny love an aloha fo. But wen da Babylon guys make you guys prisonas an take you away, yoa boys an girls you no can take wit you, goin get kill wit swords!

Hosea 11:6

Cuz a dat, da peopo dat stay agains dem goin use swords Fo attack da Israel towns Dey goin bus up da bars on top da Israel town gates. Da Israel peopo goin make plans, But dey no can do notting!

Prieses 26:11

I goin make house by you guys, an I no goin make to you guys jalike you no good.

Prieses 26:30

I goin broke down yoa sacrifice places fo da idol kine gods on top da hills, an cut down da altars you guys make fo burn incense dea. I goin put big stack a yoa mahke bodies on top da wood blocks, da ones you call yoa idol kine gods, dat no stay alive. An I goin hate you guys.

Amos 3:10

You betta lissen! Da One In Charge, he tell dis: “My peopo, dey donno notting how fo do da right ting! Dey pile up dea palaces wit stuffs dey get From peopo dey wen bus up.”

Amos 3:11

Dass why Da One In Charge a me tell dis too: “Goin get one army dat go agains you guys. Dey goin make one circle aroun dis land. Dey no goin let you guys get outa dea. No matta you guys strong, dey goin make you guys come notting. Dey goin steal eryting you get from inside all yoa palace, Dey goin clean you out!”

Amos 4:2

Da One In Charge a me, he good an spesho. Cuz a dat, he wen make one strong promise lidis: Goin get one time, Jalike peopo goin stick one meat hook inside you guys body An drag you guys anodda place. Dey goin stick big fish hooks in yoa okole An drag you guys outa hea!

Amos 5:21

Da One In Charge tell, “Wen you guys make religious kine ceremonies, I hate wat you guys do! Wen you guys stop work Cuz you make jalike you goin come togedda fo me, Dat make me like puke!

Amos 8:3

Da One In Charge a me, he tell dis too: “Wen dat time come, da peopo dat sing inside da Temple no can sing, cuz dey sore inside an stay cry loud. Goin get choke plenny mahke bodies! All ova da place! Take um outside da town! An no talk! Dass wat me Da One In Charge tell.”

Amos 8:7

Amos tell dis: “Da Israel peopo, dey get real big head cuz dey come from Jacob an feel proud bout Jacob. Da One In Charge wen make one strong promise lidis: “Fo shua, I no goin foget Da tings da Israel peopo wen do, eva!

Zekariah 11:8

In one month, I throw out three odda guys dat take kea da sheeps. I come tired wit dem, an dey come bum out cuz a me.

Rules Secon Time 32:19

Da One In Charge see wat his peopo stay do. Az why he throw um out, An no like dem be his peopo no moa, Cuz he tell “Laytas” to wat his boys an girls stay do.