Amos 6:13 - Hawaii Pidgin Bible

¹³ Get Israel guys dat feel real good inside Cuz dea army guys wen take ova Lo-Debar, da no wort notting town! But dey bulai. Dey tell, “You know wat? Us guys so strong, us wen take ova Karnaim, da muscle town!”

Amos 6:13 ပူးပေါင်းရင်းမြစ်များ

2 Kings 13:25

Den Jehoash, Jehoahaz boy, take back from Ben-Hadad, Hazael boy, all da towns dat Hazael wen take ova from Jehoash faddah Jehoahaz befo time. Jehoash wen win ova him three time, an dass how he get back da Israel towns.

2 Kings 14:25

Jeroboam Numba Two, he da one dat take back da Israel land all da way from Lebo-Hamat north side to da Arabah Lake dat dey call da Big Salt Lake, south side, jalike was befo time. Dat happen jalike wat Jonah wen tell goin happen. He Amittai boy from Gat-Hefer, dat wen talk fo Da One In Charge, da God fo da Israel peopo, befo time. Jonah wen work fo God, an he tell dat Israel goin get back dea land.

Job 31:25

I no feel real good inside cuz I get plenny rich kine stuffs, An cuz I tink dat was me wen bus ass fo get all dat.

Job 31:29

“If one guy dat hate me get trouble an bad kine stuff happen to him, An I feel good inside an ack jalike I da winna—

Job 8:14

Wateva dey tink az good fo dem, goin broke real easy. Wateva dey trus, jalike one spida web.

Job 8:15

Da peopo dat no tink bout God lean on top da stuff dey get, But jalike da spida web, no hold dem up. Dey try fo make um solid, but no can.

Songs 2:2

Get king guys all ova da world stan up An tell wat dey goin do. Da leada guys come togedda fo talk Agains Da One In Charge An agains da spesho guy He pick fo come king!

Songs 75:4

“I tell da guys dat talk big Bout wat dey do, ‘No talk big!’ I tell da guys dat stay do Bad kine stuff, ‘No show off how strong you stay!

Songs 75:5

No go shake yoa fis at da sky O make tantaran, Jalike like you da ony one Get da right fo talk!’ ”

Teacha 11:9

You young guys, stay good inside wen you young. Inside, yoa heart make you dance an sing. Do wat you like do, An see wat you like see. But no foget, dat fo all dis stuff, Bumbye God goin judge you.

Isaiah 7:1

King Ahaz was Jotham boy, an Jotham was Uzziah boy. King Pekah fo da Israel peopo was Remaliah boy. One time, King Rezin fo da Aram peopo, wit King Pekah fo help him, wen go fight da Jerusalem town peopo Judah side, wea Ahaz was da king. But dey no even can go nea dea fo start da fight.

Isaiah 7:4

Tell Ahaz, ‘Watch out, but stay cool. No sked. Inside yoa heart, no lose fight! Fo shua, dose two kings, Rezin fo da Aram peopo, an Remaliah boy, dey stay all hot an huhu. But dey jalike two small stick inside da fire dat litto mo all burn out, but still yet dey get plenny smoke.

Isaiah 8:6

“Dis Judah peopo tink Dat wat I stay do fo dem, az no good. No matta I do good tings fo dem, Jalike I give um da watta Dat run slow inside da Siloam watta place. But dey ony feel good cuz dey hear Bout wat goin happen To Rezin da king fo Aram, An to Remaliah boy da king fo Israel.

Jeremiah 50:11

“Cuz you Babylon guys Stay real good inside, An make jalike you da winnas, Da time you wen rip off my property, You guys wen feel good jalike one young girl kine cow Dat jump aroun all ova da grass. O jalike one strong boy kine horse Dat stay yell cuz he stay real good inside!

Jeremiah 9:23

Dis wat Da One In Charge tell: “Da guy dat know wat fo do erytime No good fo him talk big dat he know wat fo do. Da guy dat know how fo fight No good fo him talk big dat he know how fo fight. Da rich guy, no good if him talk big bout how rich him.

Ezekiel 29:3

Give dem dis message: Dis wat Da One In Charge, da Boss, tell: Eh Pharaoh! King a Egypt! Me, I stay agains you! You jalike one riva monsta dat live inside yoa Nile Riva channels. Cuz you tell, ‘Da Nile Riva mines! I wen make um fo me!’

Ezekiel 29:9

Odda peopo goin bus up da Egypt land too, an no mo nobody goin stay dea. Den da Egypt guys goin know dass me Da One In Charge wen do all dat. “Cuz you wen tell, ‘Da Nile Riva mines. I wen make um,’

Daniel 4:27

“Eh King Nebukadnezzar, az why I like you lissen an do wat I tell you now: Throw out all da bad kine stuff you wen do awready! Do wat stay right! Throw out all da tings you wen do fo go agains God! Make good to da peopo dat suffa plenny! Den maybe you can stay king long time.”

Daniel 4:30

He tink, “Dis town, Babylon, stay big now! Az cuz I wen build um lidat fo come my house, da king! I do um cuz I stay real strong an peopo goin know I awesome an importan!”

Jonah 4:6

God, Da One In Charge, make one tall castor bean plant grow dea. He make da leaf cova Jonah head fo make shade. Dass how God make um mo betta fo Jonah. An Jonah stay plenny good inside cuz a da plant.

Zefaniah 3:11

Dat time, you guys no goin get shame, Fo all da wrong kine stuff you guys wen do agains me! Cuz den, I goin take away from Jerusalem town All da peopo dat feel good cuz dey get big head. You guys no goin ack high makamaka no moa, On top da hill dat stay spesho fo me.

Zekariah 1:19

So I aks da angel guy dat stay talk to me, “Wat dese horns mean?” He tell me, “Dese da nations dat wen make da Judah peopo, da Israel peopo, an da Jerusalem peopo scatta all ova.”

John 16:20

Dass good you talk story bout dis! An I like tell you guys dis too: you guys goin cry an come sad inside, but da peopo hea inside da world, dey goin stay good inside. You guys goin stay cry inside, but afta, you guys goin stay good inside.

James 4:16

You guys, ony like talk big! Az bad, fo talk big lidat, you know!

Jesus Show 11:10

All da peopo all ova da world goin feel good inside cuz dose two guys mahke. All da peopo goin party, an sen plenny present to each odda. Cuz dose two guys dat talk fo God wen make all da peopo suffa plenny.

Local Leadas 9:27

Wen harves time come, da Shekem guys all go out inside dea fields, an bring in da grapes, an step um fo make wine. Den dey make one big party inside da temple fo dea god. Wen dey stay eat an drink, dey put plenny kahuna on top Abimelek.

1 Samuel 4:5

Wen Da Box come inside da camp, all da Israel guys cheer real loud, an dey yell so loud dat dey make da groun shake.