Amos 5:8 - Hawaii Pidgin Bible

⁸ “God, he da One wen make da stars— Da Pleiades an Orion stars, He change da real dark time an make um come morning time, He change da day time an make um come dark fo nite time. He tell da watta fo come up outa da ocean fo make rain clouds, Den he pour um out on top da groun. Da Boss, Da One In Charge, dass his name, cuz dass who him!

Amos 5:8 ပူးပေါင်းရင်းမြစ်များ

Job 12:22

Da tings dat stay hide jalike dey in da dark, God show wat dey mean. He make shua dey know da tings dat nobody know. Dey stay jalike dey inside da deep shadows, But he shine light on top dem.

Job 37:13

Get time wen God bring da clouds fo punish peopo, An get time he bring um fo watta his land, An get time he bring um fo show peopo he stay tight wit dem. He make all dat happen.

Job 38:34

“You tink you can yell to da clouds Fo get da flood watta fo cova you up?

Job 9:9

He da One wen make da Big Dippa, an Orion, Da Seven Sistahs an da odda star pichas south side.

Songs 104:20

You bring da dark, da nite time, Wen da animals dat live unda da trees Come out.

Songs 105:28

God make eryting come dark All ova da land, Cuz da Egypt peopo go agains Wat God tell um fo do.

Isaiah 42:16

I goin take da guys dat no can see On top one road dey neva know befoa. I goin show um wea fo go No matta dey donno da way. No matta stay dark all aroun dem, I goin shine light come in front dem. I goin make da rough kine place come smooth. All dese tings, I goin do um. I no goin leave dem.

Isaiah 59:10

We ack jalike guys dat no can see. We gotta touch da walls like peopo dat no mo eye. Noon time, we trip an almos fall down jalike almos dark. Wen we stay wit da strong guys, We feel jalike da mahke guys.

Jeremiah 16:21

An Da One In Charge tell me, Jeremiah: “Az why, dis time, I da One goin make all da countries know How strong I stay, An I not sked a notting! Den dey goin know Wat kine God me, Da One In Charge!”

Jeremiah 33:2

“Dis wat me, Da One In Charge, tell: Me, Da One In Charge, I make da plan An I shape um an put um togedda. Az wat kine god me, Da One In Charge.

Amos 4:13

Amos tell dis: “You know wat? Da One In Charge, Him da One dat shape da mountains. Him da One make da wind blow. Him da One tell peopo eryting he tink. Him da One change da morning light Fo make um come dark one time. Him da One walk on top da mos high places inside da world! An him Da One In Charge A Da Armies. Dass wat kine god him!”

Amos 8:9

Da One In Charge a me tell dis too: “Wen da time come, I goin make da sun come dark noon time. Dass wen da whole world goin come dark, no matta day time.

Amos 9:6

Da One In Charge, he build da top part a his house inside da sky, Da arch go all da way up from da earth. He tell da watta fo come up outa da ocean, Den he pour um out on top da groun. Da One In Charge, dass his name, Cuz dass who him!”

Matthew 4:16

Da peopo ova dea dat stay inside da dark, Dey see one big light now. An all da guys dat stay In da dark place wea peopo goin mahke, Da light come fo dem.”

Luke 1:79

Da peopo dat stay do bad kine stuff, Jalike dey stay live inside da dark an no can see notting, An dey goin mahke inside, God goin help dem fo know da trut. Den us guys goin see da right way, An den notting goin bodda us guys.”