Amos 5:7 - Hawaii Pidgin Bible

⁷ “Bummahs, fo you guys! You tell peopo Dat eryting da judge tell, no good, An bulai peopo so dey no mo dea rights! Jalike you throw um down on top da dirt!”

Amos 5:7 ပူးပေါင်းရင်းမြစ်များ

Songs 125:5

Da peopo dat go da wrong way An do crooked kine stuff, I like fo Da One In Charge Throw dem out, Same time he kick out da odda peopo Dat do bad kine stuff. But fo da Israel peopo, I like eryting go good fo dem!

Songs 36:3

Eryting dat come outa dea mout, no good, an all bulai. Dey no like undastan wat dey stay do, An dey no like do good tings.

Smart Guys 21:7

Da bad kine peopo tell, “No way I goin do someting right!” Cuz a dat, wen dey go bus up odda peopo, Dey da ones goin get bus up, Jalike wat dey do, Catch dem inside one net.

Isaiah 1:23

Yoa leada guys, dey go agains me. Dey hang aroun wit steala guys. Dey all like get unda da table kine money Fo eryting dey do. Dey no make jalike one good judge Fo kokua da kids dat no mo faddah o muddah. Dey no even tink notting Bout kokua da widow wahines.

Isaiah 10:1

Bummahs! fo da guys dat make all kine rules dass not right, An write all kine rules dat make humbug fo da peopo!

Isaiah 46:12

Lissen to me, you hard head guys, You guys dat no even like try Fo do da right kine stuff!

Isaiah 5:20

“Bummahs! fo da guys dat tell Dat da bad kine stuff stay good, An da good kine stuff stay bad! Dey tell, da dark stay light, An da light stay dark! Dey tell, da kine stuff dat taste bad, stay sweet, An da sweet kine stuff taste bad!

Isaiah 5:7

“So, az da story bout dis peopo! Da One In Charge, Da God Ova All Da Armies, His grape field, dass da Israel peopo! An da plantation dat make Da One In Charge feel good inside Wit plenny love an aloha, Dass da peopo from da Judah districk. Da One In Charge wait fo peopo Fo judge da right way, But dey ony stay kill each odda! He wait fo peopo fo do da right ting erytime, But dey ony make each odda yell fo somebody help dem.”

Ezekiel 18:24

But maybe somebody dat do da right kine stuff walk away from do da right kine stuff, an no do wass pono cuz dass da same pilau kine stuff dat da bad kine guys do. You guys tink dat da buggah goin get da real kine life, o wat?! No ways! I goin foget da good kine stuff he wen do befo time. Wat he do now, I no can trus da buggah! Cuz he do bad kine stuff, he goin get cut off from me!

Ezekiel 3:20

“An if you get one guy dat do da right kine stuff, but bumbye he tell ‘Laytas’ to do da right kine stuff, an do bad kine stuff, he goin mahke. Cuz I goin jam um up fo him mahke. But if you no tell him notting, fo shua da guy goin mahke cuz a all da bad kine stuff he do. No matta all da right kine tings he wen do befo time, I goin blame you dat he mahke.

Ezekiel 33:18

If one good guy turn aroun an no do good kine stuff, an do bad kine stuff, he goin mahke fo dat.

Hosea 10:4

Dey make plenny fake promise Dat no mean notting! Dey make plenny deal, But dey no do wat dey wen promise fo do. Az why dey stay take each odda in front da judge. Dey jalike da poison weeds Dat grow inside one field dat somebody wen plow.

Amos 2:3

I goin wipe out da guy in charge dea, I goin kill all dea leadas, same time.” Dass wat Da One In Charge tell!

Amos 3:10

You betta lissen! Da One In Charge, he tell dis: “My peopo, dey donno notting how fo do da right ting! Dey pile up dea palaces wit stuffs dey get From peopo dey wen bus up.”

Amos 6:12

Eh! You tink one horse can run fas ova one pali? You tink one farma guy can use cows fo plow da ocean watta? No ways can! Jalike wen somebody like judge da right way, Dey no can, cuz you guys jalike make shua how dey judge, come out bad jalike poison! Wen get somebody dat stay do da right ting, You guys make shua dey no can do da right ting, Cuz you guys make eryting come out jalike one bitta taste!

Micah 3:9

“Lissen up now, you leada guys dat come from Jacob, An you main guys dat stay in charge a da Israel ohana! You guys tink az pilau, wen da judges judge da right way! You guys take eryting dass right, An make um come all kapakahi.

Habakkuk 1:4

Az why da Rules come all jam up, An da judge guys make shua da guys Dat do wass right no win. Da bad kine peopo no let da good kine peopo Do wat dey suppose to do. Da bad guys make da right way come all kapakahi.”

Zefaniah 1:6

An I goin wipe out da peopo dat wen bag from me, Da One In Charge, An tell me fo help dem, O try find out from me wass good fo dem do.

Rules Secon Time 29:18

Make shua no mo any guy o wahine, o ohana wit you guys, dat goin tell ‘Laytas’ to oua God, dass Da One In Charge a us. Make shua dey no go down an show respeck to da idol kine gods from dose peopos. Make shua no mo notting wit you guys dat make eryting come pilau.